🍂 هناك أمل 🍂
🍸 مصادفتك هي الحلم لواقعي وحقيقة لنبض قلبي 🍸
بارت73
سليمان ( بجدية لاحها عليها هكاك): بغيت نتزوج بيك.
حسناء صدمها بهاد الهضرة وتلجم ليها اللسان، ماميكنش هي غي كتحلم زعمة إكون هادشي حقيقي سليمان طلبها للزواج .
هو لي كيتسنى رد منها ،بانت ليه مصدومة ومربقة فيه دوك العوينات ، فحرك يدها لي بين إيديه باش تفيق ، مامسليينش للنعاس راه زواج هذا.
سليمان ( حرك ليها يدها ): حسناء راني داوي معاك ، فسن ساهية.
حسناء ( من بعد مافيقها ): شش شنن شنو گللتي .
سليمان: مالك تلجمتي غي بشوية عليك.
حسناء ( هزات كاس الماء باليد الأخرى حتى شربات): أه أه عندك الحق بشوية عليا، ( شافت فيه) شنو گلتي ليا ؟
سليمان ( بجدية كاينباعت منها شوية الحنان): گلت ليك بغيت نتزوج بيك.
حسناء ( بتلفة): م مفهمتش.
سليمان: أشنو لي مافهمتيش أنني بغيت نتزوجت بيك ، بغيتك تكوني مرتي على سنة الله ورسوله ، تكوني معايا فالحلال ، تكوني ديالي.
حسناء ( بخجل ): م متأكد .
سليمان ( بتأكيد):متأكد ألف مرة .
حسناء ( بحزن وكتشوف فيديها گالت بصوت خافت ): أحم ولكن راه أنا أنا ماشي ديال الزواج .
سليمان ( متبع معاها): كيفاش ماشي ديال الزواج ، شوفي فيا وفهميني.
حسناء ( شافت فيه بدوك العوينات): سليمان راك عارف لي كاين عارف كولشي( شافت فالبحر بسهو) أنا مريضة ومرضي خايب كنضن مغاديش نكون قادة على الزواج ، عندي أمراض كثيرة سوى النفسية سوى الجسدية وداكشي كان من أثر الماضي ( حاولات تبعد يدها من إيدو ) سمح ليا منقدرش بركة غي هاد المشاكيل والصداع لي تسببت ليكوم فيه ، منبغيش نتسبب فالمزيد .
سليمان ( بجدية وعينيه عليها): صافي هذا كلامك النهائي.
حسناء ( بخفوت): أه.
سليمان: إعني مقابلاش تزوجي بيا.
حسناء ( بغصة فقلبها بزز متحكمة فراسها): أحم أه.
سليمان ( طلق ليها من يدها وبعد مسند فبلاصتو): صافي إمكن ليك تمشي وعتابري هاذ اللقاء عمرو كان وهاذ الكلام عمرو تگال.
حسناء ( شافت فيه بحزن وألم قالت أخر كلامتها بحرقة وناضت من بلاصتها): ربي إلاقيك بماحسن أولد الناس.
سليمان ( بعيون نارية): عارف.
* * * *
حقا تمنيت لو لم أكون هكذا
حقا تمنيت لو إلتقينا
في زمن غير هذا
وفي مكان أخر
حقا تمنيت لو لم أكون هكذا
حقا تمنيت لو مازلت تلك الفتاة الصغيرة
التي في زهرتها الرابعة
لا تعرف فراقا
ولا يتما
ولا عما خائن
ولا إمرأة شيطانة
ولا إبليس في هيئة رجل
حقا تمنيت لو لم أكون هكذا
مريضة وحزينة وخائفة
مرضي مشكلتي
حزني على الماضي
خوفي من رجوعه
حقا تمنيت لو لم أكون هكذا
وردة ذابلة
زجاجة مكسورة
حقا تمنيت لو لم أكون هكذا
حقا أحببتك بصدق
وتمنيتك بنية صادقة
لكن القدر مازالا يعاقبني
والحياة مازالت قاسية
والحاضر يريد أن يكون كالماضي
كم تمنيت منقذا
يخرجني
يسرقني
من الماضي المستعمر
الماضي اللعين
حقا تمنيت لو لم أكون هكذا
رغما عن كل هذا أحببتك
ومازلت أحبك وسأضل أحبك
أنت سليمان قلبي وستبقى في قلبي
يا سليمان قلبي
#يتبع
أنت تقرأ
هناك أمل
ChickLitقصة بالدارجة المغربية، تحمل من كل فن طرب : اليتم،الحب،الرومانسية،العائلة،الكراهية،الحسد،الحقد،معنى الصداقة،محبة الدين،الجانب الديني،الواقع المغربي. قصة يتيمة كبرات فداخل الميتم وملي وصل وقت خروجها منو غاتواجهوم بزاف ديال المصاعب فياترى غاتقدر تج...
