🍂 هناك أمل 🍂
🍸 مصادفتك هي الحلم لواقعي وحقيقة لنبض قلبي 🍸
بارت93
جاء الصباح الموالي ،فاقت حسناء وهي زايدة نغيزة فرحانة وضاحكة ،بقات مدة كتشوف فيدها لي فيها الخاتم وكتذكر لحضات الأمس لي مغايتنساوش.
كولشي كان بحال الحلم عندها ، لحد الأن مزال ماتيقات بلي هي ولات مرتو ديالو بوحدو وهو ولا راجلها زمانها ، لمجرد التفكير فالأمر حشمات وخشات راسها فالمخدة حشمانة وضاحكة، مافيقها من هاد الاحلام الوردية غي بسمة لي ناعسة هداها حيت باتت عندها.
بسمة( بصوت نعسان): صباح النور لالة العروسة (بطنز)واش خايفة إهرب ليك أصديقتي.
حسناء ( شافت فيها بإبتسامة): صباح الخير يا أحلى صديقة( بإستغراب) شنو لي غايهرب ليا.
بسمة( تقلبات على ضهرها): داك الخاتم لي مني حليت عيني ونتي كتبسني ليه بحال إلى مسكونة.
حسناء ( بخجل): لا غي كتخايلي.
بسمة( هزات حاجبها): أممممم كانتخايل واخا ألالة ( بضحكة) إوا فين صباح العروسة أهياتا نشوفوه.
حسناء ( ناضت گالسة وقالت مخلوعة): منيتك أشمن صباح.
بسمة ( حتى هي ناضت گالسة وهي ضاحكة): صباحك نتي والأبضاي ديالك( بشك) زعمة متكونيش لبارح خليتيني حتى نعست ومشيتي عندو گري غي گري.
حسناء ( بنفي وهي نايضة من بلاصتها): ولا لا أصاحبتي حشومة عليك مامشيت فين أصلا كنت عيانة .
بسمة: أممممم تيقتك.
مشات حسناء بالخف قصدات الحمام من بعد خرجات وهي هازة فوطة كتمسح بها ، لقات بسمة كتجمع فين نعسو ، ضارت عندها بسمة وقالت بضحكة.
بسمة: ودبا تيقتك .
حسناء: كيفاش .
بسمة: حيت مشيتك مامعوجاش .
حسناء ( هزات ديك الفوطة وصيفتاطها ليها): الله إمسخك الماسخة حرام عليك.
بسمة( شداتها كتلعب بها): واشنو خصنا نعرفو الأباضاي واش كلى الحلوة ولا لا.
حسناء ( شافت فيها بفقسة): زعمة غالي إدير فيك عقلو .
ومشات للدريسنغ تبدل حوايجها وخلات بسمة كضحك عليها ، من بعد خرجات وهي لابسة قفيطين ديال الراندة خفيفة فلون الگرونة مع فولار أسود جامعاها فن .
هازا قفطان أخر فنفس اللون جابتو لبسمة تلبسو.
حسناء: هاكي الزين لبسي هذا ( بضحكة) نكونو أنا وياك بحال تويميات.
بسمة( شداتو من عندها ضاحكة): هي لولة أزين منخصرس ليك خاطرك ونتي قريبة تخصري باكورتك .
حسناء ( ضرباتها لضهرها ضربة خفيفة وهي هاربة ليها): واخا عليك المنتوفة ضصرتي نتي ( بفقسة) إوا حتى نتي غاتمشي ليك حدك الصيف يالاه إيحو فيك.
بسمة( من الدوش كتقلي ليها السم): وبصحتي أنا بعدا معتارفة به وكنتسنى غي الوقت لي نحطو اللحم على اللحم ونخليو رحمة ربي تنزل.
حسناء ( حيدات صندالتها وصيفتاتها ليها): الله إمسخك مكاتحشميش هاد الهضرة خص إسمعها علي عاد تشدي لأرض.
مخرجو من داك البيت حتى شبعو مزاح وضحك ، كانو غاديين إهبطو للأسفل ضاحكين ناشطين ، حتى سمعوه كيعيط ليها .
سليمان لي كان خارج من بيتو وهو كيفكر فيها ، بغا إدق عليها ولكن تفكر بلي معاها بسمة ، ومن زهرو لقاهوم خارجين وهو إعيط ليها .
سليمان ( كايشوف فيها عاطياه بالضهر وهي بداك القفطان طرباتو على الصباح): حسناء.
حسناء سمعاتو وهي تشدها الحشمة القفقافة جابت الضحك لبسمة لي حابساها بزز ، دارت عندو بالعرض البطيء حتى تقابل بن عينيها مع سواد عيونو .
الشوفة فيه كتزيد تغرقها فيه وهي كتشوفو لابس شوميز فالأبيض وصدايفها لولين محلولين وطاوي ليه الكمام مع سروال فصالة أنيق فالأسود وديك اللحية السوداء والشعر لي مقاد بطريقة عادية كيحمقها بطبيعتو وهادشي كتخبيه حتى مبقاتش كتقدر تخبي إعجابها أو حبها ليه .
#يتبع
أنت تقرأ
هناك أمل
ChickLitقصة بالدارجة المغربية، تحمل من كل فن طرب : اليتم،الحب،الرومانسية،العائلة،الكراهية،الحسد،الحقد،معنى الصداقة،محبة الدين،الجانب الديني،الواقع المغربي. قصة يتيمة كبرات فداخل الميتم وملي وصل وقت خروجها منو غاتواجهوم بزاف ديال المصاعب فياترى غاتقدر تج...
