هناك أمل

بارت53

🍂 هناك أمل 🍂
     🍸 مصادفتك هي الحلم لواقعي وحقيقة لنبض قلبي 🍸

بارت53

هو لي كان كيتسنى إمتى تبان ليه كيمشي وكيجي فداك الضلام كيتسمعو غي أنفاسو الحارة دليل على عصبية مفرطة ،غي بانت ليه طالعة خلاها حتى حلات باب بيتها عاد جبدها من شعرها لعندو ولسقها مع الحيط، شعرها شادو وهو مفقوس نتفها نتيف وهي تخلعات ديال بصح وعاد قصحها فشعرها حتى دمعو عينيها ، دوى ليها حدى ودنيها بفحيح الأفعى.

سليمان ( بفحيح): نتي السباب ياك.

كاميليا ( بعيون دامعة حيث مقصحة): دديياالاش .

سليمان ( زاد زير ليها على شعرها حتى سدات عينيها بألم): متمرگليش عليا نتي لي حرقتيها ياك.

كاميليا ( سادة عينيها وهي مؤلمة ): أي سليمان قصحتيني أيي عفاك طلق.

سليمان ( ضرب ليها راسها مع الحيط حتى مشات وجات): غاتجاوبيني ولا لا يالاه جاوبي.

كاميليا ( شادها الدوخة وخايفة): هئ هئ ماشي أنا مدرت والو أي عفاك طلق عفاك.

سليمان ( دورها لعندو وهز إيدو حتى السماء وعطاها لدرجة طاحت للأرض من شدة الضربة وبدات ودنها فاش جات الضربة كتزنزن عليها وشداتها الدوخة باقة مصدومة على لي دار حتى جبدها تاني من الأرض من شعرها ونوضها وعطاها وحدة أخرى أكفس من الأولى وهي باقي مستوعبات لولة زادها الثانية صراحة قسحها لدرجة خرج ليها الدم من جنب فمها ونص وجهها رجع كولو حمر ودنيها كيصفرو عليها  والدوخة حاكماها جبدها مرة أخرى من الأرض لعندو وقال بعصبية وضاغط على الحروف): أنا واحد الشخص لي مكايحملش العنف ضد المرأة وأخلاقي مكاتسمحش ليا نعنف شي إنسانة ولكن ( شاف فيها بإشمئزاز) نتي مكاتقربي للمرأة أو الأنثى بحتى صفة نتي شيطانة فصيفة بنادم نتي جرثومة وكان ضروري لي إربيك لأخر مرة غنحدرك تبعدي من طريقي لانتي من سهمي لا أنا من سهمك وأنا أصلا ميشرفنيش نكون مع وحدة بحالك لأخر مرة غنگول بعدي من طريقي وبعدي ولا العاصفة لي داخلي غترجع تسونامي وغادوز عليك مفهوم ،الى قربتي لحسناء مرة أخرى غتلقايني قدامك والله مانرحمك غندمك على النهار لي فكرتي تكوني فهاد الدار غندمك غندمك غنمحيييييييك .( مزال ماشفا غليلو غي كيتفك حالة حسناء كيزيد إشعل لذلك هز إيدو للمرة الثالثة حتى جمعات الهواء وعطاها بضهر إيدو للوجها مرة ثالتة ولسق ليها راسها مع الحيط خلاها مليوحة تماك ومشا قاصد بيتو وهو كيغلي).

دخل لبيتو وسد بالسروت حيد حوايجو حتى بقا بالبوكسور وطاح فوق الفراش ، خشى راسو فالمخدة وكايحاول إنعس ، صراحة مراضيش على لي دار ولكن ملي رجع للكاميرا ولقاها هي مولات الفعلة تفقس وتعصب ومالقا من غير داك الحل على الله دير عقلها .

عندها هي لي بقات مليوحة تماك مدة من الزمن حتى حسات بالبرد دخل ليها مع العضام، ناضت بزز وهي شادة فراسها وغادة فجنب الحيط حيث مقاداش توقف ، الدوخة شاداها والبكية ، وجهها تنمل عليها وكلها دمايات ودنيها كيصفرو، دخلات لبيتها وقصدات الحمام أول ما شافت وجهها فالمراية تصدمات وبدات كتبكي معمر شي حد ضربها ولا هز عليها إيدو حتى ليه هو بقا فيها الحال وحسات بالحگرة بقات كتبكي حتى شبعات عاد حاولات تغسل حالتها ، وجهها كولو كيحرقها وراسها بدا كيزند عليها .
خرجات وتكاك فوق الفراش وعينيها معلقاهوم فالسقف كتبكي وكتفكر كيفاش ضربها وكتحس بوجهها كينغز عليها و ودنها هاديك خلاص نايضة فيها الحرب صراحة مرمدها مزيان .

وصل وقت صلاة الفجر الكل ناض ماعدا هي طبعا فين عمرها صلاتها ، عند حسناء ناضت من بعد ماطفات الساعة وقصدات واحد المجر كانت حطات ليها فيه ليلى تيموم صغير باغة تيمم حيث متقدرش توضى بسباب الحرقة .

      لقول الله تعالى:" وَإِنْ كُنْتُمْ مَرْضَى أَوْ عَلَى سَفَرٍ أَوْ  جَاءَ أَحَدٌ مِنْكُمْ مِنَ الْغَائِطِ أَوْ لَامَسْتُمُ النِّسَاءَ فَلَمْ تَجِدُوا مَاءً           فَتَيَمَّمُوا صَعِيدًا طَيِّبًا فَامْسَحُوا بِوُجُوهِكُمْ وَأَيْدِيكُمْ مِنْهُ مَا يُرِيدُ اللَّهُ لِيَجْعَلَ عَلَيْكُمْ مِنْ حَرَجٍ وَلَكِنْ يُرِيدُ لِيُطَهِّرَكُمْ وَلِيُتِمَّ نِعْمَتَهُ عَلَيْكُمْ لَعَلَّكُمْ تَشْكُرُونَ“. [المائدة: 6]

   والطريقة الصحيحة للتيمم هي:
ضربة واحدة للوجه والكفين، وصفة ذلك: أنه يضرب التراب بيديه ضربة واحدة ثم يمسح بهما وجهه وكفيه، كما في الصحيحين أن النبي ﷺ قال لعمار بن ياسر :" إنما يكفيك أن تقول بيديك هكذا “ثم ضرب بيديه الأرض ومسح بهما وجهه وكفيه.
ويشترط أن يكون التراب طاهرًا، ولا يشرع مسح الذراعين، بل يكفي مسح الوجه والكفين؛ للحديث المذكور.
ويقوم التيمم مقام الماء في رفع الحدث على الصحيح، فإذا تيمم صلى بهذا التيمم النافلة والفريضة، الحاضرة والمستقبلة، ما دام على طهارة حتى يحدث، أو يجد الماء إن كان عادما له، أو حتى يستطيع استعماله إذا كان عاجزًا عن استعماله، فالتيمم طهور يقوم مقام الماء، كما سماه النبي ﷺ طهورا.

            #يتبع