قصة بالدارجة المغربية، تحمل من كل فن طرب :
اليتم،الحب،الرومانسية،العائلة،الكراهية،الحسد،الحقد،معنى الصداقة،محبة الدين،الجانب الديني،الواقع المغربي.
قصة يتيمة كبرات فداخل الميتم وملي وصل وقت خروجها منو غاتواجهوم بزاف ديال المصاعب فياترى غاتقدر تج...
🍂 هناك أمل 🍂 🍸 مصادفتك هي الحلم لواقعي وحقيقة لنبض قلبي 🍸
بارت55
من بعد ماغطات ديك شوهة وبينها المكياج أحسن من الأول ، گلسات فوق فراشها كتخطط أشنو غدير وأهم حاجة كيفاش دير تدخل لبيت حسناء تبدى من تماك هو الأول ،شوية صونا تيلي وجاوبات كانت صاحبتها.
كاميليا ( بضيق نفس): وي .
صديقتها: هاي بيبي فين غبرتي.
كاميليا: راني فكازا عند عمي .
صديقتها: أو نو متگوليهاش حتى أنا فكازة ، جيت اليوم كاينة واحد سواغيا واعرة بالجهد تبغي تجي.
قطعات مع صاحبتها ومشات كتجري لجهة الدريسينغ تخطار متلبس، لقات حوايجها گاع مامستفين كولشي مليوح تم من بعد مدخلاتهوم للدار وشبعات دعاوي فنزهة حيث مدارتش لي گالت ليها دخلاتهوم لبيتها ولاحتهوم تماك ، بدات كتهز وتحط كاتخطار متلبس وراه برادة هداك وأجرك على الله خصها تبان كلاص وشيك باش تعجبو عائلة برادة عائلة معروفة وملعقة شكون كره إتقرب منهم ، فالأخير إستقرات على غوب سوداء طويلة ومحلولة جيهة رجلها والفوق صماطي صدرها وضهرها كايبان ، لبساتها مع ماكياج ليلي واكسسوارات مع طالون وقدات شعرها حتى هو.
واقفة قدام المراية كتشوف راسها على الأقل بعدا المكياج غطى ديك اللوحة لي رسم ليها سليمان فوجهها .
كاميليا ( بتكبر): شوف أنا شحال زوينة وفنة ، وبنت عائلة كبيرة عائلة صلاح الدين ومن لا يعرفهم ، ومن الفوق عندي واليدية وقارية (كتشوف فجنابها) طاي هي هاديك واللباس غي الكلاس والهاي(تقابلات ثاني مع المراية) وعلاش هو مشافش هادشي ، علاش علاش كتبان ليه غي هي ( بشر) هاديك بنت الخيرية بنت الزنقة المتشردة والأمية، علاش هي وماشي أنا علاش أسليمان علاش ، حتى اللباس هو اللخر مكاتعرفش ليه( بطنز) ديما مخشية فدوك الخناشي أوووف كتجيب القنطة ، هداك دبا لباس ، هاديك دبا تستاهل تكون عروسة ومرات الحفيد الأول لعائلة صلاح الدين ، ولكن باينة حتى نتا عما بحال باك لي تزوج بديك الشلحة المزلوطة وكانت سبابو حتى خرج من العائلة بزوج بيكوم عميين مكاتشوفوش .
قالت كلامها وهزات ساكها مع مونطو لاحتو على كتافها على قبل البرد وتمت خارجة من بيتها ، هابطة فالدروج وهي تلاقا مع حسناء راجعة من الكوزينة وفيدها كاس الماء دارت فيها واحد الشوفة ديال الغدايد وتمت دايزة من حداها، أما حسناء بقات غي كتشوف فيها صدماتها بداك اللباس وخارجة به من الفوق ، بقات حسناء مصدومة فبلاصتها هي ممولفاش هادشي حيث حدها الميتم العالم الخارجي بعيد عليها كل البعد ،من بعد مفاقت من صدمتها قصدات بيتها عوالة تشرب دواها ساعة لقاتو تسالا .
حسناء ( حطات ساشية لي فيها الدوى فوق الكوافوز وگلسات بلاسطها): ناري الدوى تسالى وشحال هذا مشربتو ، حسيت براسي بديت نتعصب ثاني ومنقدرش نتحكم فراسي ، حتى الغداء ونمشي نجيبو صافي خصني غي منساهش.
تتمة بارت 55🔥🔥🔥
عند كاميليا لي وصلات لمكان الحفل ، كان بار ديال الناس البورجوازية مكاين غي ليغوب وليكوستار ، هالويسكي ، الفودكا، الشمبانيا وأشكل وأنواع المشروبات المحرمة ، شي كيشطح فحلبة الرقص وشي گالس كيتنغم بكويسات مع الشيشة والعاهرات دايرين به ،وشي خدام فحاجة أخرى ، المهم عالم ثاني الله إنجينا وينجيكوم منو غي العهر والفسق ولا مؤمن موجود بلاصة على مقد هي زوينة وكولشي فيها منضم وغالي إلى أنها خايبة ومعفونة بسباب المحرمات لي كيوقعو فيها، مشات قصدات البلاصة لي شاد ليهوم ولد برادة ، سلمات عليهوم كاملين بلابيز إلا هو قصداتو نيشان ولما لا وهو كان عشيقها فواحد الفترة ، گلسات حداه وشد ليها المشروب لي مولفة تشربو مع شيشة خاصة ليها ، شادة كاس ويسكي فيه طرف من الحامض وشيشة كتشيش على خاطرها ، تخلطات الدعوة وكل واحد أش كيدير كولشي ناض إشطح وحتى هي شطحات حتى عيات ورجعات هي وصاحبتها وموضوعهوم كان هو سليمان.
صاحبتها( كتصوط الگارو وكاس الشراب الأحمر بين إيديها): إوا أشنو غاديري معاه دبا .
كاميليا ( كتصوط دخان الشيشة ودايرة رجل على رجل حتى بانو فخاضها كاملين): كنفكر أووووف معرفتش كيندير ندوز ليه وحتى ديك المشردة خرجات ليا من الجنب .
صاحبتها: أمممم واش متأكدة كاينة شي حاجة بيناتهم .
كاميليا (شافت فيها): لي متأكدة منو هو سليمان كيبغيييييها فهمتي( بعصبية وضاغطة عليها) كيبغييييييييها كيبغييييييها سمعتيها دبا .
صاحبتها: صافي أبيبي بلى متعصبي شوفي كي ديري تخرجيها من ديك الدار والساحة غتبقى خاوية ( بتفكر) أجي بعدا نتي ونگولو گاع تهنيتي منها وهو ولى ديالك أشنو غديري معاه.
ولد برادة ( كيشوف فيها بنضرات شهوانيين): الزين منبدلوش البلاصة( وغمزها).
كاميليا ( بإبتسامة وفهمات أشنو قصد): أوك ولكن باقي شوية .
وهي تدخل معاه فقبلة محرمة عمييقة ممسوقينش من بعد دقائق من التقبيل حسات بحال إلى شي فلاش ضرب فيها فصلات عليه فمها وضارت تشوف ولكن مالقات والو ورجعها لعندو هو لي مشبعش منها .
#يتبع
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
