🍂 هناك أمل 🍂
🍸 مصادفتك هي الحلم لواقعي وحقيقة لنبض قلبي 🍸
بارت20
تقريبا بعد نصف ساعة من الإستمتاع بديك الجلسة، الحاج عبد الرحمن و ميلود مشاو إصليو صلاة الظهر فالمسجد ، و نزهة قصدات الكوزينة تقاد الغداء، أنا ليلى فهيا طلعات مع حسناء للفوق توريها بيتها.
الطابق الفوقاني كان عبارة على صالة متوسطة الحجم بالفراش البلدي المغربي ، وغرف النوم كل زوج مقابلين مع بعضياتهم ، كل غرفة بها حمام و دوش و دريسنغ خاص بها ، وهكا كانت الغرفة لي وجدات ليها ليلى ، فور مدخلو نال إنتباه حسناء الحجم الكبير للغرفة وألوانها الوردية المفتوحة ، أما أتاثها فهو قصتو بوحدها، أقل مايقال عليها تحفة.
كانت عبارة على غرفة كبيرة بها ألوان وردية زهرية مفتوحة ، وأتاثها كان بين الزهري و الأبيض ، فراش النعاس كان كبير وبه دبدوب زوين وفجنبو كوافوزات ديالو، وفالجانب كانو فتويات مع طبلة لي كتكون معاهوم مقابلين مع تلفاز باين فيه غالي ، والجهة الثانية كان فيها بالكون كلو زجاجي الشيء لي كيخلي البيت ديما مضوي و مهوي ومننساوش دريسنغ لي كان غرفة متوسطة فيها علاقات وبلايص فين تحط حوايجها، عاد الحمام لي كان حتى هو كبير شوية فيه بانيو و رشاشة و مراية كبيرة ، كولشي فيه كيهبل هو الثاني.
حسناء جاها هادشي بحال الحلم عمرها ضنات غيكون عندها بيت خاص بها ويكون فهاد الجمال ، لا ميمكنش أكيد كتحلم ، هاكة كان تفكيرها حتى فيقاتها ليلى من أفكارها.
ليلى( كتشرح ليها وهي فباب الحمام): شوفي أبنتي هنا غاتلقاي كولشي واجد فيه إلى بغيتي دبا نيت تدوشي قبل الغداء دخلي تحيدي عليك العيا ديال الطريق، وشوفي راه فيه باندوش وشامبان وحتى زويوت والصابون المهم لي بغيتي كاين هنا صافي احبيبتي( ليلى كتدوي بواحد الحماس تگولي هادي لي قدامها بنتها لي من كرشها) أه وهنا دريسنغ فيه بلايص فين تحطي حوايج ، صافي أبنتي، إن شاءالله الله فالعشية نخرجو نتقداو باقي لي غايخصك( ليلى و هي كتدوي حسات بحال إلى كتدوي غي مع راسها حيث حسناء قاطعة الحس داكشي لي خلاها تدور عندها حيث كانت عاطياها بالضهر شافت فيها وقالت بصدمة) بنتي مالك .
حسناء (لي كانو عينيها مغرغرين وهي كتشوف فليلى كيفاش كتدوي معرفاتش علاش تفكرات ماماها فهاد اللحضة قالت بخفوت واخا هكاك سمعاتها ليلى): مــــامــــا
ليلى(بعيون براقة من الكلمة لي سمعات ): أجي عندي أبنتي أجي .
حسناء ( لي لبات نداءها ومشات تخشات فحضنها الدافي): هئ هئ هئ معرفتش علاش تفكرتها هئ هئ (وليلى كتبكي معاها) فكرتيني فيها أخالتو فكرتيييينييي فيها ، كون كانت باقة عايشة ( هزات راسها فليلى) كانت غدير ليا هكا ياك هئ هئ ياك أخالتو.
ليلى(ببكاء ) أه أبنتي هئ هئ كانت غدير كثر راك بنتها كبدتها.
حسناء ( بنبرة باكية): وعلاش مشات وخلاتني أمممم ياك أنا بنتها أخالتو علاش مشاو وخلاوني .
ليلى( بنبرة مبحوحة وبجدية): هذا قضاء الله أبنتي ، والمكتاب مامنو هروب ، الموت علينا حق ، ربي بغاهوم وداهوم ، ستغفري الله أبنتي.
حسناء ( كتمسح دموعها): أستغفر الله العظيم واتوب اليه ، أعوذ بالله من الشيطان الرجيم ، أوف أوف ، بعض المرات مكانبقاش كنتحكم فراسي .
ليلى( بحنان و حطات إيدها على خد حسناء): الله إدير ليك لي فيها الخير أبنتي ، حاولي تنساي لي فات صافي احبيبتي.
حسناء: أممم واخا أخالتو ، ( بخجل) شكرا على كولشي والله حتى واحد مغايدير معايا هكا ربي احفضك أخالتو.
ليلى( بحنان): أنا بغيتك غي تعيشي مرتاحة أبنتي وصافي ، بغيتك تحققي ذاتك ، راك عزيزة عندي حيث تلاقيتك فواحد اللوقيتة لي كنت محتاجة لي يوقف معايا ولقيتك نتي.
حسناء (بحب): حتى أنا لقيتك غي نتي فجنبي ، نتي بوحدك لي عارفة قصتي كاملة، وسري لي كان سبابي فمرضي ومع ذلك عمرك جرحتيني به ولا قسيتي عليا .
ليلى(عنقاتها لعندها): راكي بنتي يالحمقة ، بلاصتك فقلبي بحال سليمان ، بزوجكوم فقلبي.
حسناء ( فور ماسمعات ديك السمية إقشعر جسدها و معرفاتش علاش ): واش هو ولدك.
ليلى( بإبتسامة): أه هو ولدي الكبير و الوحيد ، هو كولشي فحياتي أنا وباه هو لي عندنا ، عايشين على قبلو ، وحتى هو الله إرضي عليه مكايفرطش فينا .
حسناء ( بإبتسامة): الله احفضو ليكوم أخالتو.
ليلى: أمين يارب ، إوا يالاه أبنتي بدلي حوايجك وهبطي ، أنا غانمشي نعاون نزهة.
حسناء: نعاونكوم أخالتو .
ليلى: لا نتي بدلي عليك وصلي وتبعيني.
هاد الهضرة كاملة دازت على مساميعو، فهو كان هنا من لي بدا الحوار بيناتهم حتى لنهايتو، دار لجهة بيتو حلو ودخل وسد الباب موراه.
#يتبع
البنات بغيت إشهاراتكوم وتفاعلكوم للقصة ✌️
أنت تقرأ
هناك أمل
ChickLitقصة بالدارجة المغربية، تحمل من كل فن طرب : اليتم،الحب،الرومانسية،العائلة،الكراهية،الحسد،الحقد،معنى الصداقة،محبة الدين،الجانب الديني،الواقع المغربي. قصة يتيمة كبرات فداخل الميتم وملي وصل وقت خروجها منو غاتواجهوم بزاف ديال المصاعب فياترى غاتقدر تج...
