🍂 هناك أمل 🍂
🍸 مصادفتك هي الحلم لواقعي وحقيقة لنبض قلبي 🍸
بارت34
صباح يوم جديد وأحذات جديدة فحياة أبطالي ، نبداو بسليمان لي فاق وقصد الجامع كيف ديما مع الحاج و ميلود، من بعد قصد الغابة للسبور، رجع لقا ليلى ونزهة فالكوزينة كيوجدو الفطور ، والحاج فالصالة وميلود فخدمتو فالجردة ، دخل للكوزينة قصد الثلاجة جبد قرعة ديال الماء وشرب منها .
ليلى(شافت فيه): الله أولدي كلك عرقان وكتشرب ماء بارد ، راك غتمرض .
سليمان (باس ليها راسها وقال): صباح النور الفنة ، متخافيش ،(شاف فنزهة لي كتقاد الطباسل)صباح الخير ختي نزهة.
نزهة (بإبتسامة): صباح الخير أخويا ، كي صبحتي مزيان .
سليمان: الحمد لله. بخير، (شاف فليلى)غنمشي ندوش ونهبط صافي الفطور واجد.
ليلى(فرحانة به): أه أحبيبي واجد دوش وهبط وانا غانمشي نشوف حسناء واش فاقت ولا مزال.
سليمان: أحم واخا شوفيها .
تم طالع لبيتو دخل قصد الدوش ديريكت دوش ونقا حالتو من عرق الرياضة وجمع معاه داك الدوش وتم خارج وفوطة على نصو وهو كيطرطق فعضامو قصد الدريسينغ جبد تيشورت فالأزرق لبسو مع سروال فالأبيض، ومشط شعرو ودار الساعة ديالو وتم قاصد تيلي هزو هو والبسطام مع سوارت لوطو وخرج من بيتو هابط للأسفل دار نضرة على بيتها وهو كيتمنى تكون هاد النهار بخير وعلى خير ، على مابان ليا هاد الزغبية بدات كدخل ليه مع العضام ههههه.
هبط ولقا الحاج وميلود كيتسناو ونزهة كتقاد الطبلة ، سلم عليهوم وباس لباه راسو.
سليمان: صباح الخير عليكم ، كيف صبحتو مزيان .
عبد الرحمن (بإبتسامة): صباح النور أولدي ، الحمد لله ونتا كيصبحتي مزيان.
سليمان: الحمد لله الواليد ، داكشي لي بغينا .
ميلود: صباح الخير أولدي ، بنت ليا مصيف اليوم .
سليمان: صباح النور أبا ميلود، اليوم سخون الحال و غادي لمراكش راك عارفها كيفاش كتكون .
ميلود : مزيان أولدي طريق السلامة.
عند ليلى لي فاقت بكري صلات صلاتها ودعات فخاطرها هي وربي بوحدهوم لي عارفين باش دعات ، كتدعي وهي متمنية أمنيتها تحقق وبلي غتكون أسعد وحدة إلى تحقق مطلبها، جمعات بيتها وقداتو و قصدات بيت حسناء ، دخلات عندها لقاتها ناعسة وسارحة فعجول الأخرة ، الأدوية كيديرو ليها النعاس بزاف ، شافت فيها بنضرة حزينة و شبه إبتسامة زارت تغرها ملي شافتها كيفاش ناعسة ، هي لي كانت ناعسة على كرشها وشعرها مغطي وجهها ، ناعسة بطريقة طفولية ، مبغاتش تفيقها بغاتها غي تكون مرتاحة ، داكشي علاش سدات الباب من وراها ، ونزلات للتحت تلاقات مع نزها يالاه خرجات من بيتها .
أنت تقرأ
هناك أمل
أدب نسائيقصة بالدارجة المغربية، تحمل من كل فن طرب : اليتم،الحب،الرومانسية،العائلة،الكراهية،الحسد،الحقد،معنى الصداقة،محبة الدين،الجانب الديني،الواقع المغربي. قصة يتيمة كبرات فداخل الميتم وملي وصل وقت خروجها منو غاتواجهوم بزاف ديال المصاعب فياترى غاتقدر تج...
