🍂هناك أمل🍂
🍸 مصادفتك هي الحلم لواقعي وحقيقة لنبض قلبي🍸
بارت6
ليلى:بغيتك تجي معايا لداري تسكني معايا أمممم ! أش ضهر ليك أبنتي.
حسناء: ولكن أخالتي كيفاش نجي معاك أنا مبغيتش نصدعك ، وندير ليك مشاكل فحياتك(يالاه بغات تكمل وهي تحبسها ليلى)
ليلى: ش ش ش متكمليش نتي مغادي ديري ليا حتى مشكل ، بالعكس غتعمري عليا الدار ، وأنا منقدرش نخليك كتعاني وأنا كنتفرج نتي غتبقاي معايا .
حسناء: عفاك أخالتي لا منقدرش .
ليلى(بحزن):عفاك أبنتي فكري فهاد الهضرة لي گلت ليك وردي عليا الله إرضي عليك، أجي معايا كنحلف ليك بالله لي خلقني وخلقك حتى نديرك فعينييا عفاك أبنتي ، دار فيها غي أنا و راجلي وولدي، هما كيضلوا فالخدمة وأنا كندوز وقتي هنا معاكوم كنعمر الفراغ لفقلبي ، أجي معايا نكونوا بحال أم و بنتها نتوانسوا مع بعضياتنا ونحنوا فبعضياتنا ، مغايخصك معايا حتى خير الله إرضي عليك .
كملات ليلى كلامها وهي كتمنى أنها تقدر تقنعها تمشي معاها.
فهاد الهضرة لي گالت ليلى فهي گالتها من قلبها الصادق حيث هي عزيزة عليها حسناء ، كتفكرها فبنتها وكتعجبها حيث هي مختالفة على الأخرين وحتى بسلوكها المحترم ولباسها المستور ودينها لي محافضة عليه كتعزها لدرجة كتعتبرها بنتها.
حسناء ملي سمعات هاد الهضرة حسات بشوية ديال الحنان ، شوية ديال الدفئ ، تخشات ليها فحضنها معنقاها والدمعة فعينيها .
حسناء (معنقاها وهي كتبكي): شكرا ليك أخالتوا هئ هئ عمرني ننسا وقفتك معايا ، أنا وجميع البنات لي هنا ، شكرا ليك بزاف .
هزات راسها وشافت فيها وهي كتمسح دمعتها.
حسناء: غانجي معاك وندير ليك خاطرك حيث نتي عزيزة عليا ، وحتى أنا مانقد على فراقك (شافت فيها ليلى فرحانة) ولكن بواحد الشرط وعفاك سمحي ليا.
#يتبع
أنت تقرأ
هناك أمل
ChickLitقصة بالدارجة المغربية، تحمل من كل فن طرب : اليتم،الحب،الرومانسية،العائلة،الكراهية،الحسد،الحقد،معنى الصداقة،محبة الدين،الجانب الديني،الواقع المغربي. قصة يتيمة كبرات فداخل الميتم وملي وصل وقت خروجها منو غاتواجهوم بزاف ديال المصاعب فياترى غاتقدر تج...
