🍂هناك أمل🍂
🍸مصادفتك هي الحلم لواقعي والحقيقة لنبض قلبي🍸
بارت15
كانت لابسة كسيوة فالأسود وشعرها مجموع بإهمال ، وجهها الصغير ولا صفر وتحت عينيها فيه سواد وداخلهم حمر بكترة البكاء، مسكينة بكات وماحس بها حد، هازة صورة مجموعين فيها بتلاثة فرحانين، وتمات هابطة للأسفل محدها كتهبط و هي كتسمع كثرة الهضرة و القرأن ، وصلات للتحت بوقات مصمرة فالدروج كتشوف فالناس معرفات حتى واحد فيهوم، شوية تقدمات لباب الصالة وهي ساكتة طلات وهما إهزو فيها العيالات عينيهوم، كاين لي بقات فيه وكاين لي ممسوقش ، وكاين لي بغا ياكلها بعينيه بحال مرت عمها.
إمرأة(بحزن):بنتي أجي دخلي گلسي معانا شوية.
حسناء بقات في كتشوف فيها حتى دوات امرأة وحدة أخرى
امرأة 2:أجي أبنتي گلسي معانا وتاكلي شوية شوفي وجهك كي صفر بحال إلى معمرك دقتي النعمة .(وهي تميق فنجية).
حسناء (شافت فوق الطبلة وحسات بالجوع وقالت ببراءة):فيا الزوع .
امرأة 2: واشفتي أش گلت راها باينة مكلات والوا إيه مسكينة بقات بوحدها لا حنين لارحيم (كتحشي بها الهضرة لنجية ).
نجية(نقزات داوية مع حسناء وهي غادة عندها): أجي ابنتي نعطيك ماكلتك و تشربي حتى دواك يالحنينة بنت الحنينة أجي معايا.
شدات ليها فيديها بحنان وداتها معاها، غي بعدو على باب صالة وهي تجرها بقوة وسدات ليها فمها باش متغوتش ، وجراتها طالعة بيها للفوق حتى وصلات بيتها وهي تلوحها على الفراش بالجهد وهي كتفور بالاعصاب مارضاتش بالهضرة لي سمعاتها ديك المرأة، أما حسناء مسكينة معرفاتش باش تبلات والخلعة شداها .
نجية(بعصبية): دوي أبنت الحرام باغة تشوهيني ، جيتي حتى لقدام العيالات وكتگولي فيا الجوع باغة ناكل ، تاكلي جنابك إن شاءالله ، أبنت ليهودية الحمارة ، (غادة جاية فالبيت وليجات على فمها تگولها وحسناء مسكينة مكمشة فوق الفراش وخايفة):
تبارك الله على العقيسة گالت ليك البنت فيها الجوع، إوا أجي نتي نيت وقابليها ، تفووووو الله اعطيكوم الغراق كاملين ، (ضارت لحسناء)ونتي اهاد الكلبة الله اتهبطي باقي للتحت بلا منگولها ليك ياحتى نشويك بالقطبان سمعتي أش گلت (بصراخ لي خلا حسناء تقفز من بلاصتها) سمعتييييييي أشنووووووووو كنگوووووووول للكلبة لي ولدك (وهي تجمعها معاها بطرشة سامة بحال كلامها).
مع هاد الطرشة دخل عمها ولقا حسناء شادة فحنكها الصغير لي تصورات فيها طرشة مرت عمها رجعات حمرات وهي مسكينة كلها كتقفز بالخوف و الخلعة وجهها كلوا مطبع بالبكا وزادت عليه الطرشة كتبكي وكتشهق حتى مشات نفسها تحبس .
نجية: كنضن هادي بنت خوك ماشي خويا أنا ، واتكلف بها ومتصدعنيش بركة غي هاد الصداع لي كاين فالدار مفهوم.
علال: وابشوية أهاد المرا راه باقي الناس فالدار دبا اسمعوك ، خلينا غي حتى تفرق جوقة و تسالا هاد المسرحية وديك الساعة نعرفوا أش نديروا مفهوم.
نجية: إوا منعرف ليك أنا متحادينيش ومتوصلنيش الميكروبة حتى الموت مبغاتها تفووووووو.
وهي تخرج كتنگر وكتقاد فحوايجها ، من بعد مامشات صار عندها علال، بحال إلى مستمتع بداك المنضر لي قدامو ، متگولش راه بنت خوه وهو عمها حس احنية مكادورش به.
علال(بإستهزاء): ههه غي دنوبي لي خرجو فيك داكشي لي دار الوليد هانتي كتخلصيه (بضحكة مريضة)ههههههههههههه.
وهوا إتم خارج تابع مرتو وداز على الباب بالسروت.
🖤نهاية الفلاش باك🖤
#يتبع
أنت تقرأ
هناك أمل
ChickLitقصة بالدارجة المغربية، تحمل من كل فن طرب : اليتم،الحب،الرومانسية،العائلة،الكراهية،الحسد،الحقد،معنى الصداقة،محبة الدين،الجانب الديني،الواقع المغربي. قصة يتيمة كبرات فداخل الميتم وملي وصل وقت خروجها منو غاتواجهوم بزاف ديال المصاعب فياترى غاتقدر تج...
