Secret Commando [ Zawgyi + Unicode ] Completed

Chapter ( 23 )

'' မင်းထဲမှာ ဒီထက်ကြီးတဲ့အဝတ်အစားမရှိတော့ဘူးလား´´

မာန်ခရဲ့ အင်္ကျီဟာ ဂျေ့ရဲ့ Muscle တောင့်တောင့် Body နဲ့ဆိုတော့ သနားစရာကောင်းလောက်အောင်ပဲ ကျပ်ထုပ်နေတယ်။ လူကြီးတစ်ယောက်ဟာ ကလေးတစ်ယောက်ရဲ့ အင်္ကျီကို ကောက်စွပ်ထားသလိုပဲ။

'' ဟာ ...  ကျွန်တော့် အင်္ကျီတော့ ပြဲကုန်တော့မှာပဲ ´´

''အဲတာဆို ငါဘာဝတ်ရမလဲ။ တုံးလုံးနေရမှာလား´´

''နေပေါ့´´ မာန်ခခပ်ရွဲ့ရွဲ့လေးဖြေတယ်။

''ကောင်းပြီ ´´  ဂျေက အကျီချွတ်ဖို့
ဟန်ပြင်တော့ မာန်ခ မျက်လုံးပြူးသွားရပြီး ...

'' ဟာ .. နေ ... နေ ။ ကျွန်တော် တခြားအင်္ကျီ
ယူပေးမယ် ´´

အလန့်တကြားနဲ့ အဲဒီ အရှက်မရှိတဲ့ သူကို
လှမ်းတားရတယ်။ ဂျေက ကျေနပ်သွားဟန်နဲ့ ပြုံးတယ်။

'' အဲဒီလို လုပ်စမ်းပါ ´´

ခဏကြာတော့ မာန်ခဟာ ဂျေ့လက်ထဲ အဝတ်အစားတစ်ချို့ ထည့်ပေးတယ်။

'' ရော့ ဒီမှာ ။ ခင်ဗျားအဝတ်အစား ။
ဟိုတခါ ခင်ဗျားအိမ်မှာနေတုန်းက ကျွန်တော်ဝတ်လာတာလေ။ ပေးမယ် ပေးမယ်နဲ့ သတိမေ့နေတာ ´´

လက်ထဲရောက်လာတဲ့ အဝတ်တွေကို နမ်းကြည့်လိုက်တော့ ဆပ်ပြာအနံ့က မွှေးနေတုန်းပဲ။

''မင်း လျှော်ပေးထားတာလား ´´

'' မဟုတ်ဘူး အဝတ်လျှော်စက်က လျှော်ပေးတာ ´´

'' ဘာပဲဖြစ်ဖြစ် ။ ကျေးဇူးပဲ ´´

'' မလိုပါဘူး ။ တကူးတက လုပ်ပေးတာမဟုတ်တာ ´´

ဂျေက မာန်ခရှေ့မှာပဲ ဝတ်ထားတဲ့ ကျပ်ထုပ်နေတဲ့
အင်္ကျီ နဲ့ ဘောင်းဘီကို ရုတ်တရက် ချွတ်ချတယ်။

'' ဟာ ... ခင်ဗျား . . . ´´

မာန်ခ ချက်ချင်းပဲ တဖက်ကို မျက်နှာလွှဲပစ်ရတယ်။

''ခင်ဗျား မရှက်ဘူးလား ´´

မာန်ခရဲ့ အသံတွေဟာ တုန်ယင်နေတယ်။
ဂျေကတော့ ဘောင်းဘီလဲနေရင်း  ခပ်တည်တည်ပဲ။

'' ယောက်ျားချင်းပဲ မရှက်ဘူး ။ ငါ့မှာပါတဲ့ အရာ မင်းမှာလည်း ပါတာပဲ ။ ကြီးတာ သေးတာပဲ ကွာတာ ။
ဒါ မဆန်းပါဘူး ´´