Secret Commando [ Zawgyi + Unicode ] Completed

Chapter ( 63 ) *

ဦးစိန်လှိုင်ရဲ့သတင်းစာရှင်းလင်းပွဲပြီးတဲ့နောက်မှာတော့ အရင်က ဦးစိန်လှိုင်ကို ထောက်ခံသူတွေက ဦးနေရောင် ကို ထောက်ခံလာကြတယ်။
အခုဆို ဦးနေရောင် က ဦးထိန်လင်းကို ယှဉ်လို့ရသွားခဲ့ပြီ။ နိုင်ချေ ရာခိုင်နှုန်းကလဲ ဦးနေရောင် က ပိုများခဲ့ပြီ။
အဲတာကြောင့် ဦးနေရောင် ရဲ့ ရုပ်ကြီးဟာ ခုရက်ပိုင်း ဖြီးနေတယ်။
ဂျေကတော့ ဦးနေရောင် ကို ကြည့်ပြီး ကျိတ်ဝမ်းသာနေတယ်။
ဦးနေရောင် . . ဦးနေရောင် . . ခင်ဗျား အပျော်တွေ သိပ်ခံမှာ မဟုတ်တော့ပါဘူး ။ စောင့်ကြည့်နေလိုက် . . .။

                  ****************

ရွေးကောက်ပွဲနေ့ ရောက်ရန်  ၅ရက်အလို . . .

'' သမ္မတလောင်း . . .ကျွန်တော်တို့ ပြဿနာတက်ပြီ ´´

သူ့ လူယုံဖြစ်တဲ့ Snake  က  တံခါးတောင် မခေါက်ပဲ ဝင်လာပြောတာမို့ ကုလားထိုင်ခုံပေါ်ထိုင်ကာ သမ္မတဖြစ်ဖို့ စိတ်ကူးယဉ်နေသော  အတွေးတွေ လွင့်ကုန်သဖြင့် ဦးနေရောင် ဒေါသထွက်သွားတယ်။

'' ဘာလဲ . . ဘာဖြစ်လို့ တံခါးမခေါက်တာလဲ ´´

'' ကျွန်တော်တို့တော့  ပြဿနာတက်ပြီ ´´

လူယုံက ဦးနေရောင်ကို အခု Social media တွေနဲ့ သတင်း Media တွေမှာ တက်နေတဲ့ Video File ကို ပြလိုက်တယ်။
ထို Video File ကို ကြည့်နေရင်း ဦးနေရောင် ဇောချွေးတွေ ပျံလာတယ်။ မျက်နှာတစ်ခုလုံး နီရဲကာ ဒေါသထွက်လာတယ်။ သူ အနှစ်နှစ် အလလ တည်ဆောက် ထားတဲ့ ပန်းတိုင်ဟာ ဒီ Video File ကြောင့် ပျက်ဆီးရတော့မှာလား။

ဦးနေရောင်က ထိုင်နေရာမှထကာ စားပွဲကို ဒေါသတကြီးနဲ့ လက်သီးနဲ့ ထိုးလိုက်တယ်။

''  ဒီ Video file က ဘာကြောင့် ထွက်လာရတာလဲ ´´

'' ကျွန်တော်လဲ မသိဘူး သမ္မတလောင်း ။ အခု ဦးစိန်လှိုင် ကို ခြစားမှုနဲ့ ခေါ်ယူစစ်မေးဖို့ ခေါ်သွားကြပြီ ။ မကြာခင် သမ္မတလောင်းဆီကိုလည်း လာကြတော့မယ် ´´

'' ဘာကွ ´´

'' မြန်မြန်ရှောင်နေမှ ဖြစ်ပါမယ် သမ္မတလောင်း ´´

'' ငါက ဘာဖြစ်လို့ ရှောင်ရမှာလဲ ။ သမ္မတဖြစ်ဖို့ အတွက် ငါဘယ်လောက်တောင်ကြိုးပမ်းခဲ့ရသလဲ ´´