'' ဟာ အနံ့ကမွှေးနေတာပဲ ။ ကိုဂျေ ဘာတွေချက်နေတာလဲ ''
''Spaghetti ''
''ဟင် ...ကိုဂျေ က Spaghetti မကြိုက်ဘူးမဟုတ်လား။ ဘာကြောင့် . . .။ အော် သိပြီ ကိုမာန်ခ အတွက်မလား ''
ဂျေက ပီကျူးစကားကို ဂရုမစိုက်အားဘူး။ Spaghetti လုပ်နည်းစာအုပ်ကို ကြည့်လိုက် ချက်လိုက် လုပ်နေတယ်။
'' ကိုဂျေ့ကိုကြည့်ရတာလည်း အဲဒီစာအုပ်ကြီးနဲ့ ပင်ပန်းလိုက်တာ ။ ဒီအတိုင်း Delivery မှာလိုက် ပြီးနေတာ ”
'' အဲတာက သူများလုပ်ထားတာလေ။ ငါက ငါကိုယ်တိုင် လုပ်ကျွေးချင်တာ ''
'' Deli မှာလိုက်တာက အချိန်တောင်သက်သာသေးတယ်။ အခုက အချိန်လည်းကြာသေးတယ်။ အရသာကောင်းမကောင်းလဲည်း မသေချာဘူး။
ဆားငံတာလဲ ရှိချင်ရှိမယ်။ ပေါ့ပြီး စားမကောင်းတာလည်း ဖြစ်ချင်ဖြစ်သွားမယ်။ ဟိုမတော်လို့ မီးများသွားရင် ခေါက်ဆွဲတွေ အကုန် ပျော့စိကုန်မယ် ။ ပြီးတော့ . . . ''ဘေးကနေ ပွစိပွစိ ပြောနေတဲ့ ပီကျူးရဲ့ စကားတွေကို ဂျေ နားမခံနိုင်တော့ဘူး။
'' မင်း သေချင်နေပြီလား ''
''ဗျာ ''
''မင်း သေချင်နေပြီ လားလို့မေးနေတာ။
တိတ်တိတ်နေဟ . . တိတ်တိတ်နေ။
ငါချက်တာမို့ မင်း မစားချင်မစားနဲ့ ''''ဟုတ် . . . ''
ပီကျူးက ကိုယ့်ပါးစပ်ကိုယ် ထပ်မပြောမိအောင် လက်နဲ့ ပိတ်လိုက်ကာ ငြိမ်ငြိမ်လေး ဘေးမှာ ထိုင်နေရတော့တယ်။ မဟုတ်ရင် သူ Breakfast စားရမှာ မဟုတ်ဘူး။
'' ဒါနဲ့ ဘယ်အချိန်ရှိပြီလဲ ''
ဂျေက ခေါက်ဆွဲဖတ်တွေကို ဒန်အိုးထဲထည့်ရင်းနဲ့
မေးတယ်။'' ၇ နာရီရှိပြီ ''
''ဟင် ... မာန်ခ အိပ်ယာက ထတော့မယ်နဲ့တူတယ်။ မြန်မြန်လုပ်မှပဲ ''
သူ ချက်လက်စ Spaghetti ကို ခပ်မြန်မြန်ပဲ အပြီးသတ်လိုက်ပါတော့တယ်။
-----------------------
ပြတင်းပေါက် လိုက်ကာ ကနေ တစ်ဆင့် မျက်နှာပေါ်ကျရောက်လာတဲ့ ဖျော့တော့တော့ နေရောင်ကြောင့် မာန်ခ အိပ်ယာကနေ နိုးလာတယ် ။ မျက်နှာသစ် သွားတိုက်ခြင်းကို စိတ်မပါတပါနဲ့ လုပ်တယ်။ အဲဒီနောက် အခန်းပြတင်းပေါက်ကနေ မိမိအိမ်ဘက်သို့ လှမ်းကြည့်
ကြည့်တယ်။ သတင်းထောက်တွေရှိနေသေးလား။
အရင်ထက်တော့ အရေအတွက် နည်းသွားပေမဲ့လို့ ၇ ယောက် ၈ ယောက်လောက်တော့ရှိသေးတယ်။
YOU ARE READING
Secret Commando [ Zawgyi + Unicode ] Completed
Teen Fictionလျှို့ဝှက် commando တစ်ယောက်နဲ့ နာမည်ကြီး ရုပ်ရှင်မင်းသားလေးတစ်ယောက်တို့ရဲ့ Love Story ...