Secret Commando [ Zawgyi + Unicode ] Completed

Chapter ( 57 ) *

'' မင်း နာမည် ''

''  ကျွန်တော့်နာမည် ဂျေ ''

'' မင်း ဘာကြောင့် ငါနဲ့ ပက်သက်ဖို့ ကြိုးစားရတာလဲ ။ ဒီအခန်းထဲမှာ ငါရှိတယ် ဆိုတာ မင်းတို့ ဘယ်လို သိခဲ့လဲ ''

'' ကျွန်တော့်ကို ပြန်မမေးခင် ဒေါ်နှင်းမော်ချီ အနေနဲ့ ဒီအခန်းထဲမှာ ဘာလို့ ပိတ်ထားခံရတယ်ဆိုတာ ပြောဖို့ လိုမယ် ထင်တယ် ''

'' ဟက် ... ဟက် ... မင်းက မလွယ်ဘူးပဲ ။
အခုနေ ငါ အချက်ပေးခလုတ်တစ်ခု နှိပ်လိုက်တာနဲ့ မင်းဘာဖြစ်သွားမယ်လို့ ထင်လဲ။
မင်းမကြောက်ဘူးလား ''

ဒေါ်နှင်းမော်ချီ က သွေးတိုးစမ်း သလိုမေးတယ်။ ဂျေ့ကို ရှိန်များသွားမလားပေါ့။ ဂျေက စူးရှသော မျက်လုံးတွေနဲ့ကြည့်ကာ ...

''ကျွန်တော်သာ ကြောက်ရင် ဒီအခန်းထဲတောင် ရောက်မလာဘူး ။
အချက်ပေးခလုတ်ကို နှိပ်လိုက်ပါ ဒေါ်နှင်းမော်ချီ။ အဲလို လုပ်လိုက်ရင် ခင်ဗျားရဲ့ လွတ်မြောက်ဖို့ မျှော်လင့်ချက်လဲ ဆုံးသွားမှာပေါ့ ။ ခင်ဗျားဟာ စဉ်းစားတတ်တဲ့သူပဲ ။ ကိုယ့် မျှော်လင့်ချက် အခွင့်ရေးကို ကိုယ် ဖျက်ဆီးမယ့် လူမျိုး မဟုတ်ပါဘူး ''

ဒေါ်နှင်းမော်ချီက
ဂျေ့ ရဲ့သတ္တိ နဲ့ စိတ်ဓာတ်ကို ကြိုက်သွားတယ်။ ဂျေ့ရဲ့ စကားပြောဟန် နဲ့ မာန် တွေက သူချစ်တဲ့ Tiger ကို ချက်ချင်း သတိရသွားစေတယ်။

ဒေါ်နှင်းမော်ချီက ထိုင်နေရာကနေ ထရပ်ကာ ဂျေ့ကို ကျောပေးရပ်လိုက်ပြီး ...

'' မင်းတို့ ငါ့အခန်းထဲထိ စွန့်စားရောက်လာကတည်းကိုက နေရောင် နဲ့ မင်းတို့တွေ ဘယ်လောက်ထိ ရန်ငြိုးကြီးနေမယ် ဆိုတာ ငါခန့်မှန်းထားပြီးသားပါ ''

ဒီတစ်ခါ ပြုံးလိုက်သူ က ဂျေ ပါ။
ဒေါ်နှင်းမော်ချီ ရဲ့ ထက်မြက်မှုနဲ့ အကဲခတ်နိုင်မှုက ကြက်သီးထလောက်စရာပဲ။
အေးလေ ... တစ်ချိန်က သမ္မတဟောင်း ရဲ့သမီးပဲ ။ သူ့အဖေ ထက်မြက်သလို သူလဲ ထက်မြက်တာပဲ ။အဖေတူသမီး ပီသ ပါပေတယ်။

'' မင်းတို့က နေရောင့်ကို လက်စားချေမယ်ပေါ့''

'' ဟုတ်တယ် ''