ဟောပြောပွဲပြီးတာနဲ့ ဦးနေရောင် က အိမ်ကို ပြန်မယ် ပြောတယ်။ သူ့ပုံစံက အလောတကြီး ပုံစံမပေါက်ပေမဲ့ ခုတလော တစ်ခုခုကို စိတ်မချတာလိုလိုနဲ့ စိုးရိမ်နေသလိုမျိုးဖြစ်နေတတ်တာကိုတော့ ဂျေ သတိထားမိတယ်။
ဦးနေရောင် စီးတဲ့ကားကို ဂျေက မောင်းပေးရတာ။
ကျန် Bodyguard တွေကတော့ နောက်ကနေ တခြားကားတစ်စီးနဲ့ လိုက်ခဲ့ကြတာ။'' တီတီ ´´
ဖုန်းမြည်သံ။ ဦးနေရောင် ဆီကဖုန်း။
'' အေးပြော ´´
တဖက်က လူက ဘယ်သူလဲတော့ ဂျေ မသိဘူး။ ဖုန်းကိုင်ရင်း ဦးနေရောင်ကတော့ မျက်ခုံးပင့်တက်သွားတာကို ကားမှန်ကနေ ဂျေ တွေ့လိုက်ရပြီ ။
ဦးနေရောင်ကလည်း သိပ်ပါးတယ်။
ကားမောင်းနေတဲ့ ဂျေ့ကို မှန်ကတစ်ဆင့် တစ်ချက် လှမ်းအကဲခတ်လိုက်သေးတာ။
ပြီးမှ မကြားအောင် အသံကို တီးတိုးနဲ့ပဲပြောတယ်။'' အေး လာနေပြီ လမ်းမှာ . .သေချာကြည့်ကြပ်လုပ်ထား ´´ တဲ့။
ပြီးတော့ ဖုန်းချလိုက်ပြီး ဂျေ့ကို လှမ်းပြောတယ်။
'' အိမ်ကို မြန်မြန်မောင်းစမ်းကွာ ´´
ဂျေ ကားကို အရှိန်တင်လိုက်တယ်။ သူ့အိမ်ကို အမြန်ဆုံး ရောက်အောင်ပေါ့ . . .
နန်းတော်တမျှ ခမ်းနားလှတဲ့ ဦးနေရောင့် အိမ်ရဲ့ ပေါ်တီခုံ ရှေ့ ဂျေ ကားရပ်လိုက်လျှင်ပဲ ဦးနေရောင်က …
'' ဒီနေ့အတွက် မင်းတို့ နားလို့ရပြီ ´´ လို့ ပြောကာ
ဂျေ တောင် သူ့ကို တံခါးထ ဖွင့်မပေးရသေးဘူး
ကားပေါ်ကနေ သူဘာသူ တံခါးဖွင့် ဆင်းပြီး အိမ်ထဲ ဝင်ချသွားတော့တယ်။ဦးနေရောင် သိပ်ကို အလျင်လို နေမှန်း သိသာတယ်။
အဲလောက် ပျာယာခတ်နေရအောင် ဘာကိစ္စများဖြစ်နေပါလိမ့် . .ဒီကိစ္စကို သေချာ အစီအစဉ်ဆွဲပြီး သိအောင် စုံစမ်းမှ
ရတော့မယ်။မမျှောင်လင့်ဘဲ ထိုကိစ္စဟာ ဂျေ့ ရဲ့ လက်စားချေမှု အတွက် အခွင့်အရေးကောင်းကြီးတစ်ခု ရဲ့ လမ်းပြကြီးတစ်ခုဖြစ်နေကြောင်း ဂျေ နောက်မှ သိခွင့်ရပါတော့တယ်။
VOCÊ ESTÁ LENDO
Secret Commando [ Zawgyi + Unicode ] Completed
Ficção Adolescenteလျှို့ဝှက် commando တစ်ယောက်နဲ့ နာမည်ကြီး ရုပ်ရှင်မင်းသားလေးတစ်ယောက်တို့ရဲ့ Love Story ...