မာန်ခ နဲ့ ဂျေ တို့ နှစ်ယောက် လျှောက်လည်ဖို့
အိမ်အပြင်ထွက်လာခဲ့တဲ့နောက် ခြံတံခါးပေါက်ဝ မှာ ညှပ်ထားသော လှပသော အနီရောင် နှင်းဆီပန်းစည်း ကြီးကိုတွေ့လိုက်ကြရတယ်။'' ဟာ . . လှလိုက်တာ ´´
မာန်ခက ပန်းစည်းကြီးကို ကောက်ပွေ့လိုက်ကာ နမ်းကြည့်လိုက်တယ်။
မလိမ်မညာတမ်း အမှန်တိုင်းပြောရရင် ဂျေ ပေးတဲ့ အပန်းရောင် နှင်းဆီ ပန်းစည်း ထက် ယခုပန်းစည်းက ပိုခန့်ညား ထည်ဝါနေတယ်။'' အဲပန်းစည်း ဘယ်သူ လာထားသွားတာလဲ´´
'' ကျွန်တော့် ပရိသတ်တွေ ဖြစ်မှာပေါ့ ´´
မာန်ခ ဟာ နှင်းဆီပန်းစည်း ကြီးကို သဘောတကျ ဖြစ်နေမိတယ်။
ဂျေက ကြည့်မရချင်ဖြစ်လာကာ . . .
'' သွားမယ်လေ ´´
'' အင်း . .အင်း ဒါလေး အိမ်ထဲအရင် သွားထားလိုက်ဦးမယ် ´´
မာန်ခ အိမ်ထဲ ကို ပန်းစည်း သွားထားပြီးမှ ပြန်ထွက်လာတယ်။
'' မနက်က ဂျေ ကမန်းကတမ်း ဘယ်သူ့ဆီ သွားတာလဲ ´´
မာန်ခဟာ Hotel မှာ ဂျေ နဲ့ ညစာ စားရင်းမေးတယ်။
ဂျေက ပန်းကန်ထဲက လှီးဖြတ်ထားတဲ့ beef အသားတုံးလေးတစ်လုံးကို ပါးစပ်ထဲ ထည့်လိုက်ကာ ဝါးရင်း . .''ကိုယ့်ကို ရွှေအိမ်တော်က သမ္မတလောင်းတွေဆီ လွှတ်တာလေ။ အဲတာ ကိုယ်တာဝန်ကျတဲ့ သမ္မတလောင်းဆီ သွားရတာ ´´
မာန်ခ ထိတ်ခနဲ ဖြစ်သွားတယ်။
'' ဘယ်သူလဲ ´´
''ဝန်ကြီးချုပ် ဦးနေရောင် လေ ´´
'' ဟင် ´´
မာန်ခ အာမေဋိတ်သံ ထွက်သွားတယ်။
ဘယ်လောက်တောင် တိုက်ဆိုင်လှတဲ့ ကံကြမ္မာလဲ။
ဂျေက မာန်ခ အဖေ ရဲ့ Bodyguard လုပ်ရတော့မယ်တဲ့လား။'' ဘာဖြစ်လို့လဲ ´´
'' ဘာမှမဟုတ်ပါဘူး . . ဂုဏ်ယူပါတယ် လို့ ပြောမလို့ ´´
ဂျေက ပြုံးတယ်။
'' ကျေးဇူးပဲ ´´
ဂျေက ပန်းကန်ထဲက အသားတုံးကို စိတ်မပါလက်မပါ ဆက်ပြီး လှီးဖြတ်နေတယ်။
ဦးနေရောင်လို့ ပြောလိုက်တဲ့ အချိန် မာန်ခ ရဲ့ မျက်နာမှာ ခန့်မှန်းလို့ မရနိုင်တဲ့ လျှို့ဝှက်ချက် တစ်ခု ကို ဖြတ်ခနဲ ဖတ်လိုက်နိုင်တယ်။
ESTÁS LEYENDO
Secret Commando [ Zawgyi + Unicode ] Completed
Novela Juvenilလျှို့ဝှက် commando တစ်ယောက်နဲ့ နာမည်ကြီး ရုပ်ရှင်မင်းသားလေးတစ်ယောက်တို့ရဲ့ Love Story ...