Secret Commando [ Zawgyi + Unicode ] Completed

Chapter ( 65 ) *

ဦးနေရောင် က ဖုန်းချလိုက်ပြီး မော့ကြည့်ခိုက်
အလွန်အမင်း အံ့အားသင့်လျက် မယုံကြည်နိုင်သလို ငေးကြည့်နေတဲ့ ဂျေ့ကို တွေ့ရတယ်။

'' ခင်ဗျား . . ခင်ဗျား . . သားနာမည်က မာန်ခ လား ´´

'' ဟင် . . .´´

ဦးနေရောင်က သားဆီ ဖုန်းဆက်တော့
စကားထဲမှာ မာန်ခ ဆိုတဲ့ နာမည်လေး သတိလက်လွတ်နဲ့ ယောင်ပြီး ခေါ်လိုက်မိတာကို အခုမှ သတိရသွားတယ်။
ဒုက္ခပဲ . . . ။ ငါ ဟာ သေသင့်တဲ့ ကောင်ပဲ ။ ဒီကောင်က ငါ့ကို သတ်ပြီးရင် ငါ့သားအသက်ကိုပါ ရန်ရှာနေရင် . . ။

'' ခင်ဗျား . .  သားက ရုပ်ရှင်မင်းသား . . မာန်ခ လား ´´

ဂျေ့ အသံတွေ က တုန်ယင်နေတယ်။
ဦးနေရောင် က မဖြေဘဲ နှုတ်ဆိတ်နေတယ်။
ဂျေက ဦးနေရောင် နဖူးတည့်တည့်ကို သေနတ်နဲ့ ချိန်လိုက်ပြီး . . .

''  ပြော ´´  ဟု ဒေါသတကြီး ဟစ်အော်လိုက်တယ်။
ဦးနေရောင် လန့်သွားတယ်။
ဂျေက ဦးနေရောင် ဖြေမယ့်အဖြေကို ကြောက်ရွံထိတ်လန့်စွာ နားထောင်နေမိတယ်။ မကြာခင်မှာပဲ ဦးနေရောင် ရဲ့ နှုတ်ဖျားက စကားသံမတိုးမကျယ် ထွက်လာတော့တယ်

'' ဟုတ်တယ် . . ရုပ်ရှင်းမင်းသား မာန်ခ က ငါ့သားပဲ ´´

'' ဟာ . . .´´

ဂျေ့ မျက်လုံးတွေ ပျာရီမှောင်မိုက်ကာ ဝေဝါးသွားသလို ဖြစ်သွားရတယ်။ မဖြစ်နိုင်ဘူး ။ ဒါ ဘယ်လိုနည်းနဲ့မှ မဖြစ်နိုင်ဘူး ။ ကံတရား က ဒီလောက် မတိုက်ဆိုင်နိုင်ဘူး။

'' မင်း ငါ့ကို အခုချက်ချင်း သတ်ပစ်လိုက်ပါ ။ ဒါပေမယ့် ငါ့သားကိုတော့ ဘာမှ မလုပ်ပါနဲ့လို့ တောင်းပန်ပါတယ်ကွာ´´

ဦးနေရောင် ဆက်ပြောနေတဲ့ တောင်းပန်စကားတွေကိုလည်း ဂျေ မကြားတော့ ။ ဂျေ့ စိတ်ထဲမှာ မဖြစ်နိုင်ဘူး ဆိုတာတွေပဲ ပဲ့တင်ထပ်နေတော့တယ်။
မဖြစ်နိုင်ဘူး။ ဒါ လုံးဝ မဖြစ်နိုင်ဘူး။

'' အား . . .´´

'' ဒိုင်း . . ဒိုင်း . . ဒိုင်း . . ´´

ဂျေ ဟာ စိတ်တွေ ရှုပ်ထွေးလာရကာ မခံစားနိုင်တော့တဲ့ အဆုံး ကတ္တရာ လမ်းမကြီးကို သေနတ်နဲ့ သုံးချက်လောက် ဆက်တိုက် ပစ်လွှတ်လိုက်တယ်။ မာန်ခရာ ... မင်းဟာ ငါ့အဖေ အမေကို သတ်သွားတဲ့
ရန်သူ ရဲ့ သား တဲ့လား . . .။
အခု ငါဟာ မင်းအဖေ ကို ပြန်သတ်ရတော့မှာတဲ့လား။
သောက်ကံတရားကြီးကကွာ။