Secret Commando [ Zawgyi + Unicode ] Completed

Chapter ( 13 )

''တီ တီ တီ ''( ဖုန်းမြည်သံ )

ဖုန်း Screen မှာပေါ်လာတဲ့ ရဲတေဇ ဆိုတဲ့ နာမည်ကြောင့် မာန်ခ ဝမ်းသာအားရနဲ့ ကိုင်လိုက်တယ်။

''ဟုတ် အကိုပြော ''

''မာန်ခ မင်းအိမ်ထဲမှာလား။ အကိုမင်းအိမ်ကိုလာတာ ရှေ့မှာလဲ သတင်းထောက်တွေနဲ့ ''

''ဟုတ်တယ် အဲတာကြောင့် ကျွန်တော် ဘေးအိမ်မှာ
လာနေနေတာ ''

''အဲတာဆို အကိုလာခဲ့လို့ရမလား။ ရောက်မှတော့ မင်းမျက်နှာကိုမတွေ့ရပဲ မပြန်ချင်ဘူး ''

''အဲတာဆို ခဏနော် ''

မာန်ခက ဖုန်းမချသေးဘဲ မျက်နာချင်းဆိုင်မှာ ထိုင်ပြီး စာဖတ်နေတဲ့ အိမ်ရှင် ဂျေ့ကိုလှမ်းပြီး ခွင့်တောင်းလိုက်တယ်။

''ဟိုလေ . . ဂျေ ။ ကျွန်တော်နဲ့ တွေ့ချင်လိုတဲ့။ အဲတာ အိမ်ထဲကို ခေါ်လိုက်မယ်နော် ''

ဂျေက စာဖတ်ရာမှ မော့ကြည့်လာပြီး အပြုံးကလေးဖြင့် ခွင့်ပြုတယ်။

''အင်း မင်းသဘောပါ ''

ဂျေ့ဆီက ခွင့်ပြုချက်ရတာနဲ့ မာန်ခ ခြံပေါက်ဝမှာ ရပ်နေတဲ့ ရဲတေဇ ကိုအိမ်ထဲဝင်ခဲ့ဖို့ ခေါ်လိုက်တယ်။

'' အကို ဝင်လာခဲ့လို့ရတယ်။ ခြံတံခါးက သော့ခတ်မထားဘူး ''

မာန်ခ ဖုန်းချလိုက်လျှင်ပဲ ဂျေက  စာအုပ်ဖတ်မပြတ်
လှမ်းမေးတယ် ။

''ဘယ်သူလဲ ''

'' အစ်ကိုတစ်ယောက်လို ခင်ရတဲ့သူပါ ”

''တီးတောင် ''

''လာပြီထင်တယ် ''

တံခါးသွားဖွင့်ပေးဖို့ မာန်ခ ထိုင်နေရာကနေ အားတင်းပြီး ထရတယ်။ ခြေထောက်က သိပ်ကောင်းသေးတာ မဟုတ်ဘူးလေ။ မာန်ခ ခြေလှမ်း ၆ လှမ်းလောက်ပဲ အားတင်းပြီးလှမ်းလိုက်ရသေးတယ်။
ဂျေက လက်ဖျောက် တစ်ချက်တီးလိုက်တော့
အိမ်တံခါးက အလိုလို ပွင့်သွားတယ်။
တကယ်တော့ အိမ်တံခါးတွေအကုန်လုံးကို ဂျေက သူ့လက်ဖျောက်တီးသံနဲ့ Scan ဖတ်ထားတာ။

ရဲတေဇ အိမ်ထဲကို ဝင်လာတော့
မာန်ခ အံ့သြသွားတယ်။ အိမ်တံခါးက ဘယ်လိုပွင့်သွားခဲ့သလဲပေါ့။ ဂျေ့ကို လှမ်းကြည့်လိုက်တော့
ဂျေက  သူမလုပ်သလိုနဲ့ မသိချင်ယောင်ဆောင်ကာ စာအုပ်ဖတ်နေတယ်။