Secret Commando [ Zawgyi + Unicode ] Completed

Chapter ( 52 ) *

'' ဒီအိမ်ကြီးမှာ လျှို့ဝှက်နံပါတ်နဲ့မှ ဝင်လို့ရတဲ့
အခန်းတစ်ခန်း ရှိတယ် ။ အဲတာမင်းတို့ သိကြလား ''

'' သေချာလား ''

'' အင်း သေချာတယ်။ ငါ အဲအခန်းဘက်ကို လမ်းမှား ရောက်သွားတော့ ဦးနေရောင် ရဲ့ လူတွေက ချက်ချင်းနှင်ထုတ်တာဗျ ။ အောင့်သက်သက် နဲ့ ပြန်ထွက်လာရတယ် ''

'' အဲအခန်းထဲမှာ တကယ်ပဲ ဘာတွေရှိသလဲ မသိဘူးနော် ''

'' အဲတာတော့ မပြောတတ်ဘူး ''

'' ဦးနေရောင် ရဲ့ ဇနီးလည်း မတွေ့ရဘူးနော် ''

“ ဟင် ဦးနေရောင်မှာ ဇနီးရှိတယ်ပေါ့ ”

“ အင်းလေ မင်းဒါလေးတောင်မသိဘူးလား။ ဟိုကွာ ဦးနှောက်သွေးကြောပြတ်ပြီးဆုံးသွားတဲ့
သမ္မတရဲ့ သမီးလေကွာ ”

“ သူတို့က မယူဖြစ်လိုက်ဘူးဆို။ ဘယ်လိုဖြစ်လို့ ဇနီးဖြစ်မှာလဲ ”

'' တရားဝင်သာ မင်္ဂလာမဆောင်တာ။ ယူဖြစ်လိုက်ကြတယ်ပြောတာပဲ။ ဒါပေမဲ့ သမ္မတရဲ့သမီးက ဦးနေရောင်ကို မချစ်ဘူးလေ။ အဲတာကြောင့် တစ်နေ့ကြတော့
တခြား ယောကျ်ားနောက် လိုက်သွားတာတဲ့ ။ သူ့အဖေ  ဦးနှောက်သွေးကြောပြတ်ပြီး ဆုံးတာတောင် ရောက်မလာဘူးတဲ့ ။ သူ လိုက်သွားတဲ့ ယောကျ်ားကလည်း သူ့အဖေ အရင်က သူနဲ့ သဘောတူထားတဲ့ Commando တစ်ယောက်တဲ့''

'' မင်းကို ဘယ်သူပြောတာလဲ ''

'' ဟ ... ဒါနိုင်ငံရေးကွ ။ ဒီလောက်တော့ ငါတင် မဟုတ်ဘူး တော်တော်များများသိကြပါတယ် ''

'' မင်းပြောတာတွေက မသေချာပဲနဲ့။ ကောလဟာလအနေနဲ့ ဒီလိုပဲ လူတွေက လျှောက်ပြောကြတာနေမှာပေါ့''

'' ဟား ... အခုကြည့်လေ ဒီအိမ်မှာ ဦးနေရောင် ရဲ့ ဇနီးကို မင်းတွေ့လို့လား ။ အခုချိန်ထိ သူသာ ဒီအိမ်မှာ ရှိနေမယ်ဆို ဦးနေရောင်က ငါတို့နဲ့ မိတ်ဆက်ပေးရမှာပေါ့ မဟုတ်လား ''

တခြား Bodyguard တွေ အပြန်အလှန်ပြောနေတဲ့ စကားကို ဂျေ က အကွယ် တစ်နေရာကနေ နားထောင်နေမိတယ်။ သူတို့ ပြောတာတွေ အကုန်လုံး က သောက်တလွဲ တွေမှန်းသိသာတယ်။ဒီလို သတင်းမျိုးကို ဘယ်သူကများ စ ဖွ ရတာပါလိမ့် ။ ပီကျူး စုံစမ်းလို့ရတာကလည်း အခု သူတို့တွေပြောနေကြတာနဲ့ တူတူပဲ။ ဒေါ်နှင်းမော်ချီ
မဟုတ်ဘဲ ဦးနေရောင်မှာ   မိန်းမနဲ့ ကလေးတစ်ယောက် ရှိခဲ့တယ် ဆိုတဲ့ အကြောင်းတော့ သူတို့ မသိကြဘူး။  ဒီလောကကြီးထဲမှာ အဲအကြောင်းကို သိတဲ့လူဆိုလို့ ဦးနေရောင် ရယ်။ ဦးနေရောင် ရဲ့ လူယုံတော် ဖြစ်ခဲ့ဖူးတဲ့ ဦးရဲရင့် ။ ဂျေ့ရဲ့ မွေးစားအဖေ ( Tiger ) ရယ်
ဂျေ ရယ် ။ ဒီလေးယောက်တည်းပဲ။