Secret Commando [ Zawgyi + Unicode ] Completed

Chapter ( 42 )

Shooting ကိုရောက်တာနဲ့ ကားပေါ်က
မဆင်းသေးဘဲ မလှမ်းမကမ်းကနေ
သူတို့ကားအလာကို လှမ်းကြည့်နေတဲ့ နေသွေးကို ပညာပေးဖို့ မာန်ခ အကြံထုတ်နေမိတယ်။

'' ရောက်ပြီလေ မဆင်းသေးဘူးလား''

ဂျေက မေးလိုက်တော့ တခဏအတွင်းမှာပဲ မာန်ခ
ခေါင်းထဲ အကြံပေါ်လာတော့တယ်။
ဂျေက ငါ့ကို ဘယ်လောက် ဂရုစိုက်ကြောင်း
နေသွေးကို ပြရမယ်ဟုတ်ပြီ။
သူ ကားပေါ်က ဆင်းဖို့ ဂျေက ကားတံခါး
ဖွင့်ပေးနေတာ နေသွေးကို မြင်စေမယ်ပေါ့။
အကြံက ကလေးဆန်ကောင်း ဆန်နေနိုင်ပေမယ့်
နေသွေးကိုတော့ နဲနဲပါးပါးပဲဖြစ်ဖြစ် မကျေမနပ်ဖြစ်စေနိုင်တယ်။မနာလိုစေနိုင်တယ် မဟုတ်ပါလား။
ဘယ်လိုပဲ ဖြစ်ဖြစ် နေသွေးကို ပညာပြရရင်ကို မာန်ခ ကျေနပ်မိမှာ အသေချာပဲ။

'' ဟို ... တံခါးက ပျက်နေတာ ထင်တယ်။
အဲတာ အပြင်က ဖွင့်ပေးမှ ရမယ်ထင်တယ် ''

မာန်ခက ကားတံခါးကို ဖွင့်မရဟန် သို့မဟုတ် ပျက်နေဟန် လုပ်ပြတယ်။

'' အလာတုန်းက အကောင်းကြီးပါ ''

'' ဟုတ်တယ် ... ဒီကားတံခါးက အပြင်ဘက်ကနေ
ဖွင့်မှရတာ ... အတွင်းဘက်က ဖွင့်ရင်မရတော့ဘူး ''

'' နောက်နေ့ကျ ကိုယ့်ကားကို ယူပြီး စီးပါ့လား။
ကိုယ်လည်း သိပ်လိုမှာမှ မဟုတ်တော့တာ ''

'' တော်ပါပြီ သူများကားကို ... ''

'' ဘာကို သူများကားလဲ ... ကိုယ်က မင်းရဲ့ချစ်သူပါ ... ကိုယ်ပိုင်သမျှ မင်းလည်း ပိုင်တယ် ။
လင့် ပစ္စည်း မယားတစ်ဝက်ပိုင်တဲ့ ''

'' အဲတာက လင်မယားတွေမှလေ ... ''

'' ကိုယ်တို့ကလဲ လင်မယားနဲ့
ဘာထူးသေးလဲ ... ဟင် ''

ဂျေက မေးဆတ်ပြီး ပြောလိုက်တော့ မာန်ခ ရှက်သွားတယ်။ ပါးပြင်လေးတွေကို နီရဲလို့။

'' ကျွန်တော်တို့က လင်မယား မဟုတ်ပါဘူး။
သာမာန် ချစ်သူ အဆင့်ပဲရှိပါသေးတယ် ''

'' ဟုတ်လား ''

'' အင်း ... ဟုတ်တယ် ''

'' အဲတာဆို မင်းပြော ... ကိုယ် မင်းရဲ့ တရားဝင်လင်
ဖြစ်သွားအောင် ဘာတွေ လုပ်ရမလဲ ''