Secret Commando [ Zawgyi + Unicode ] Completed

Chapter ( 9 )

Camera မီးတွေ တဖျတ်ဖျတ်နဲ့ လက်နေတဲ့ ကြားထဲမှာ မာန်ခ အားတွေလျော့လာပြီး  ဒူးတွေကလည်း
ကွေးညွတ်လာတယ်။ ဇောချွေးတွေကလဲ နဖူးမှာ
ပျံလို့ပါပဲ။ မာန်ခ ဘယ်လိုမှ မဟုတ်ဘူး ငြင်းနေသော်လည်း မိမိစကားကို ဘယ်သူမှ လက်မခံကြ။
ဘေးမှာကလည်း သတင်းထောက်တွေ ဝိုင်းအုံနေတယ်။

"မဟုတ်ဘူး မဟုတ်ဘူးးးး . . . အား ´´

မာန်ခ  လန့်နိုးလာတယ်။
ဆက်အိပ်ဖို့ ကြိုးစားကြည့်တယ်။
ဘယ်လိုမှ ပြန်အိပ်လို့ မရတော့ဘူး။

လေကောင်းလေသန့်ရှူဖို့အတွက် အခန်းထဲကနေ
ထွက်လာခဲ့တယ်။ ဧည့်ခန်းက ပြတင်းပေါက်မှန်ကနေ မိမိအိမ်ဘက်ကို လှမ်းကြည့်မိတော့ ခရီးသွားတဲလေးတွေထိုးပီး သူ့အိမ်ရှေ့မှာ စောင့်နေကြတဲ့ သတင်းထောက်တွေကို သနားတောင်
သနားချင်လာတယ်။

"မင်းအိပ်မပျော်ဘူးလား"

ပတ်ဝန်းကျင်တစ်ခုလုံး တိတ်ဆိတ်နေချိန် ရုတ်တရက် နောက်ကျောဘက်ကနေ ထွက်လာတဲ့ အသံကြောင့် မာန်ခ လန့်ပြီး အော်မိတော့တယ်။

"အ . . . "

''ဘာဖြစ်တာလဲ မာန်ခ . . . ဘာဖြစ်တာလဲ ´´

ဂျေ စိုးရိမ်တကြီးမေးနေတယ်။

''ဂျေက ရုတ်တရက် ခေါ်လိုက်လို့ လန့်သွားတာ´´

မာန်ခက ရင်ဘတ်ကို လက်နဲ့ ဖိထားရင်း ပြောတယ်။
အသံတွေကလဲ တုန်လို့။

"မင်းကလည်းကွာ ဒါလေးကို လန့်ရတယ်လို့။
ငါက သရဲလဲ မဟုတ် . . . ။ ဘာပဲဖြစ်ဖြစ် . . .
ငါ့ကြောင့်လန့်သွားတယ် ဆိုတဲ့အတွက် . . . Sorry ´´

'' ရပါတယ် ကိစ္စမရှိပါဘူး။ ဂျေရောအိပ်မပျော်ဘူးလား´´

'' ခြေသံကြားလို့ ထကြည့်တာ နောက်တော့မှ မင်းဖြစ်နေတာ ။ ဒါနဲ့ တစ်အိမ်လုံး မှောင်မဲနေတာပဲ . . မီးမဖွင့်ဘူးလား . . ´´

ဂျေက ပြောပြောဆိုဆိုနဲ့ လက်ဖျောက်တီးလိုက်ကာ တစ်အိမ်လုံးရဲ့ မီးတွေကို အကုန်ဖွင့်တယ်။  မီးလင်းလာလျှင် ဂျေ့ကို မြင်တော့ လန့်သွားတယ်။ ဂျေ့ရဲ့ ခန္ဓာကိုယ်က အတွင်းခံတစ်ခုသာ ဝတ်ထားပြီး ကျန်တာအကုန်ဗလာ။