Secret Commando [ Zawgyi + Unicode ] Completed

Chapter ( 53 ) *

Doctor အတုလေး  ပြန် သွားတဲ့နောက်တော့ ဒေါ်နှင်းမော်ချီ ဟာ အဝမ်းသာကြီး ဝမ်းသာမိပြီး မျက်ရည်များပင် ဝဲလာပါတော့တယ်။ နောက်ဆုံးတော့လည်း  မျှော်လင့်ချက် တံခါး ပွင့်ခါနီးလာတဲ့ သဘောပါလား။
ဒီလို အခွင့်အရေးမျိုး၊ ဒီလို အဖိုးတန် ကံတရားမျိုးကို ဘယ်လောက်တောင် စောင့်ခဲ့ရပါလိမ့် ။ ဒီ အခန်းကျယ်ကြီးထဲမှာ ပိတ်ခံလိုက်တဲ့ နေ့ကစပြီး တစ်နှစ်ပတ်လုံး  ဆန္ဒတွေ ပြခဲ့တာ။ အစာမစား ။ ရေမသောက်။
ပြီးတော့ ကိုယ့်ကို စောင့်တဲ့ Bodyguard တွေကို သူမ အသားနားခံ ။ ပိုက်ဆံပေး ။ လက်ဝတ်လက်စားတွေပေး ပြီး  လွှတ်ပေးဖို့  စည်းရုံးခဲ့ဖူးတယ်။
သို့သော် မအောင်မြင်ခဲ့။ သူတို့ပထွေး  နေရောင့်ကို ပြန်ပြောကြတာ။ တစ်ချို့ Bodyguard တွေဆို
သူမ ပေးတဲ့ အခကြေးငွေတော့ယူပြီးနောက်မှာ
သူတို့နဲ့ မဆိုင်သလိုဘဲ မသိချင်ယောင်ဆောင်နေကြတယ်။ အချိန်တန် သူမ စားဖို့ မနက်စာ နေ့လည်စာ ညစာ လာပို့ ပြီးရင်တော့ ထွက်သွားကြတာပဲ။

သို့သော်  တစ်ယောက်တော့ ရှိခဲ့တယ်။
သူမကို ကူညီပေးမယ့် သူမ စည်းရုံးလို့ရခဲ့တဲ့ Bodyguard  တစ်ယောက်တော့ ပေါ်လာခဲ့တယ်။
သူမ အခန်းထဲကို Dinner ပို့ပေးဖို့တာဝန်နဲ့ အသစ်စဝင်လာခဲ့တဲ့ Bodyguard ရည်ရည်မွန်မွန် သန့်သန့်လေး။
သူ့မှာ  သူမကို ဂရုဏာ သက်တဲ့ အကြည့်တွေ ရှိတယ်။ ထို့ကြောင့်  သူ့ကို အချိန်ကြာကြာ အကဲခတ်ပြီးမှ  သူမ စည်းရုံးကြည့်တယ်။အစ ပိုင်းတော့ သူက ငြင်းတယ်။ ဦးနေရောင် ကို လွန်ဆန်လို့ မရနိုင်ဘူးလို့ ပြောတယ်။

ဒါပေမဲ့ သူမ လက်မလျော့ခဲ့ဘဲ ဆက်စည်းရုံးတယ်။ 
ဒီလိုနဲ့ သူ့ရဲ့ ငြင်းဆန်မှု တစ်ကြိမ်တိုင်း တစ်ကြိမ်တိုင်းမှာ ပြတ်သားမှုတွေ လျော့လျော့လာနေတယ်။
နောက်တော့ သူမ  ဒူးထောက်ပြီး အသနားခံလိုက်တော့ သူ မကူညီပဲ မနေနိုင်ရှာတော့ပါဘူး။သူမ အပေါ်ကို
တကယ်ပဲ ဂရုဏာ သက်သွားခဲ့ပြီး  ပိုက်ဆံပေးတာကိုတောင် သူ ခင်မျာ မယူရှာပါဘူး။ သူ့ကြည့်ရတာ သူမကို မေတ္တာ သက်ဝင်နေပုံလည်း ရတယ်။

တစ်ညမှာ သူမတို့ ဒီအိမ်ကြီးထဲကနေ ထွက်ပြေးကြတယ်။ ကံများ မကောင်းချင်တော့ သူမတို့ ထွက်ပြေးဖို့ ကြံတယ် ဆိုတာကို နေရောင် ရဲ့ Bodyguard တွေက ကြို သိထားကြတယ်။ အပြင်ရောက်ခါနီးမှာပဲ သူမတို့ကို
မိသွားတယ်။ နေရောင် ကိုယ်တိုင်ပဲ သူ့ကို သူမ ရှေ့မှာပဲ သေနတ်နဲ့ ပစ်သတ်လိုက်တယ်။ သို့သော် နေရောင်က သူမကိုတော့ မသတ်ဘူး။ နေရောင့် ရဲ့ တပည့်လူယုံကောင်က ...