Secret Commando [ Zawgyi + Unicode ] Completed

Chapter ( 21 )

မာန်ခ အခန်းကို ဂျေ ဘာရယ်မဟုတ်
မှန်ဘီလူးနဲ့ ချောင်းကြည့်တော့
အိပ်ရာပေါ်မှာ မာန်ခရှိမနေ။

'' ဒီကောင် ဘယ်ထွက်သွားတာလဲ ။ အပြင်များထွက်သွားတာလား ''

ခြံထဲကနေ ကားဂိုဒေါင်ကို တစ်ချက်ကြည့်တယ်။
ကားမရှိဘူး။

''ဘယ်ကိုသွားတာပါလိမ့် ''

ဂျေ တစ်ခု သတိရသွားတယ်။ အဲတာကတော့
သူ မာန်ခကို ရုတ်တရက် နမ်းလိုက်တဲ့နေ့က
မာန်ခရဲ့ ကားမှာ Tracking Device တပ်ခဲ့လိုက်တာကိုပဲ။
ချက်ချင်းပဲ i -pad ဖွင့်ပြီး  တည်နေရာကို ကြည့်ကြည့်တယ်။ ထူးဆန်းတာ တစ်ခုကို ချက်ချင်း သတိပြုမိသွားတယ်။ မာန်ခရဲ့ကားဟာ Main လမ်းမကြီးပေါ်တည့်တည့်ရောက်နေတာဖြစ်ပေမယ့် ရှေ့ဆက်မသွားဘဲ
ဒီအတိုင်းကြီး ရပ်နေတာ။ နာရီကိုကြည့်လိုက်တော့တစ်နာရီခွဲကျော်နေပြီ။ ဒီအချိန်ဟာ ကားလမ်းတွေ ပိတ်ရလောက်တဲ့ အချိန်မဟုတ်တော့ဘူး။

''ကားပျက်နေတာများလား ။
မဖြစ်တော့ဘူး. . .။ ဒီအချိန်က လမ်းသရဲတွေသောင်းကျမ်းတဲ့အချိန် ဖြစ်နေပြီ''

ကိုယ့်အတွေးနဲ့ကိုယ် စိတ်ပူလာတယ်။
ချက်ချင်း သားရေဂျာကင်ကိုထပ်ဝတ်လိုက်ပြီး 
မာန်ခ ရှိရာ အရပ်သို့ ကားကိုအမြန်ဆုံး Speed ဖြင့်
မောင်းလာခဲ့တော့တယ်။ ၁၅ မိနစ်လောက် မောင်းပြီး ရောက်သွားတဲ့အခါ လမ်းသရဲလိုလိုကောင်တွေ တုတ်တွေကိုင်ပြီးစုရုံးစုရုံးလုပ်နေတာ တွေ့ရတယ်။
မာန်ခရဲ့ ကားတည်နေရာကလည်း
အခုရောက်နေတဲ့ နေရာပဲ။
သူ ကားပေါ်ကနေ ဆင်းလိုက်ကာ ထိုလူတွေဆီသို့ လျှောက်လာခဲ့ပြီး ဒူးထောက်လျက်သားဖြစ်နေတဲ့
မာန်ခကို  လူသုံးလေးယောက်လောက်က
ဝိုင်းချုပ်ထားတာကို  တွေ့ရတဲ့အခါ မေးရိုးတလျှောက်ဆီကနေ သွေးကြောစိမ်းတွေ ထောင်လာတယ်။

'' မင်းတို့ သူ့ကို အခုလွှတ်လိုက် ''

ပြတ်သားဩရှလွန်းတဲ့ ဒေါသသံကြောင့်
အကုန်လုံး ခြေလှမ်းတွေ တွန့်ကုန်ကြတယ်။
ဂျေ့ ပုံစံက ဘယ်သူ့မှ မကြောက်ဘဲအသေသတ်မဲ့
ပုံမျိုး။ ဂျေ့ မျက်နှာပေါ်က ခက်ထန်နေတဲ့ မာန်တစ်ခုကို သူတို့ဘဝမှာ တစ်ခါမှ မမြင်ဖူးသလိုမျိုးနဲ့ ကြည့်ပြီး
ရှိန်နေမိကြတယ်။