Secret Commando [ Zawgyi + Unicode ] Completed

Chapter ( 14 )

''အကို ။ အဖေရော. .အဆင်ပြေနေရဲ့လား''

မာန်ခ မေးခွန်းကြောင့် ရဲတေဇက  မျက်စိလျင်လျင်နဲ့ ဘေးဘီကို ဝေ့ဝဲကြည့်တယ်။
ပီကျူးကလည်း သူတို့နှစ်ယောက်အတွက်ကော်ဖီသွားဖျော်တယ်။ ဂျေကလည်း စာကြည့်ခန်းထဲမှာ။

''အင်း . .အဆင်ပြေတယ် ''

''အဖေက . . .ကျွန်တော့်ကို မေးသေးလား''

မာန်ခရဲ့ အသံတွေက တုန်ယင်နေတယ်။ မျက်လုံးအိမ်ထဲမှာလည်းမျက်ရည်တချို့ဝဲနေတယ်။ ရဲတေဇ
ပြန်ဖြေမယ့် အဖြေကို မျှော်လင့်တကြီး နားထောင်နေမိတယ်။  ရဲတေဇက  ဘာမှ ပြန်မဖြေပဲ
ခေါင်းတချက် ရမ်းပြတယ်။ မာန်ခသဘောပေါက်လိုက်ပြီး ခဏငိုင်ကျသွားတယ်။
ပြီးနောက် ကျတော့မယ့်ဆဲဆဲ မျက်ရည်တွေကို ခေါင်းမော့ကာ တားဆီးလိုက်ပြီး ရှက်ရယ် ရယ်လိုက်တယ်။

''ကျွန်တော်တော်တော်မိုက်ရူးရဲဆန်တာပဲနော်။
မဖြစ်နိုင်မှန်း သိရယ်သားနဲ့ မေးမိတယ်  ''

ရဲတေဇကတော့ မာန်ခကို စိတ်မကောင်းတဲ့ အကြည့်နဲ့ပဲ ကြည့်နေနိုင်တော့တယ်။ ထိုစဉ်

''ကိုမာန်ခ Coffee ရပြီ ''

မာန်ခက ပီကျူး ဗန်းနဲ့ယူလာတဲ့ကော်ဖီသုံးခွက်ထဲက နှစ်ခွက်ကို လှမ်းယူလိုက်ရင်း . . .

''  ကျေးဇူးပဲ ပီကျူး ။ Coffee တောင် မေ့နေပြီ ''

ရဲတေဇက မာန်ခလက်ထဲက သူ့အတွက် ကော်ဖီခွက်ကိုယူလိုက်ပြီး . .

''ကိုယ်လည်း ကျေးဇူးတင်တယ်နော် ပီကျူး။
မင်းဖျော်ပေးတဲ့ ကော်ဖီကို ကိုယ်ကောင်းကောင်းသောက်ပါ့မယ် ''

ပီကျူးက ပြုံးပြလိုက်ရင်း . . .

''အရသာ မကြိုက်ရင် ပြောနော် ။ ပြန် ဖျော်ပေးမယ် ''

'' ရပါတယ် ။ ကိုယ်က အရသာသိပ်မခံတတ်ဘူး။ ကော်ဖီဖြစ်ရင်ပဲရပြီ''

စကားကြွယ်တဲ့ ရဲတေဇကို ပီကျူးပြုံးပြလိုက်ပြီး ကျန်ကော်ဖီတစ်ခွက်ကို ဂျေ့အတွက် စာကြည့်ခန်းထဲကို သယ်လာခဲ့တယ်။

''ကိုဂျေ ကော်ဖီရပြီ ''

ဂျေ ထိုင်နေတဲ့ ရှေ့က စားပွဲပေါ်ကို
ကော်ဖီခွက်တင်ပေးလိုက်တယ်။ အဲနောက် ဂျေနဲ့  မျက်နှာချင်းဆိုင်မှာ ဝင်ထိုင်လိုက်ပြီး ...