Secret Commando [ Zawgyi + Unicode ] Completed

Chapter ( 35 ) *

'' ကိုဂျေ သတင်းကြည့်ပြီးသွားပြီလား ´´

ဆေးရုံဆင်းခဲ့တဲ့နေ့မှာ ပီကျူးက ခပ်ဆဆမေးတယ်။

''ဘာသတင်းလဲ ´´

''ဟင် ... မသိသေးဘူးလား ။
နောက်လာမယ့် ရွေးကောက်ပွဲမှာ ဦးနေရောင်က သမ္မတ နေရာကနေ ဝင်အရွေးခံဖို့ Official statement ကို  Golden House ကနေ ထုတ်ပြန်လိုက်ပြီ ဆိုတာလေ ´´

'' ဘာ ...အဲတာကြောင့် ဦးနေရောင်က ဟိုတနေ ရုရှား သံအမတ်နဲ့   တိတ်တဆိတ်တွေ့ခဲ့တာ ဖြစ်မယ် ´´

ဂျေက စားပွဲခုံကို ဗုန်းခနဲ လက်သီးနဲ့ ထိုးလိုက်ပြီး နှုတ်ကနေ တီးတိုးတီးတိုးနဲ့ ရေရွတ်နေတယ်။

  ''အဓိပ္ပာယ် မရှိတာ သူလိုလူမျိုးနဲ့
သမ္မတ နေရာတဲ့ ဟား…´´

''ကျွန်တော်တို့ အခု ဘယ်လိုလုပ်မလဲ ကိုဂျေ ´´

ဂျေက အံကို တင်းတင်းကျိတ်ရင်းဆိုတယ်။

'' သတ်ပစ်ရမှာပေါ့ ။ ဒါပေမဲ့ အခုတော့ မဟုတ်ဘူး ။ အချိန်လိုတယ် ´´

ပီကျူးက  နားမလည်သလိုကြည့်နေပြီး
မရဲတရဲ ဆိုလာတယ်။

'' ကိုဂျေ့ကို ကျတော် တစ်ခု မေးလို့ရမလား´´

'' အင်း ´´

'' ဘာဖြစ်လို့ အချိန်လိုတာလဲ ။
ကိုဂျေက ဘာဖြစ်လို့ ဦးနေရောင်ကို တစ်ခါတည်း လုပ်ကြံပြီး သတ်ဖို့ မစဉ်းစားတာလဲ  ´´

ပီကျူး ပြောချင်တာကို ဂျေ ကောင်းကောင်း နားလည်တယ်။ဆိုလိုတာက  ဦးနေရောင်ကို လုပ်ကြံပြီး မသတ်ဘဲ ဘာဖြစ်လို့ ဝေ့ဝိုက်နေတာလဲဆိုတဲ့ သဘော။
ဂျေ့မှာက ကိုယ့်ရည်ရွယ်ချက်နဲ့ကိုယ် နဂို ရှိပြီးသား။ အဲဒီရည်ရွယ်ချက်ကို ပီကျူးက မရိပ်မိခဲ့တာ။

' ' ငါဒီနိုင်ငံကလူတွေကို သနားလို့ ´´

ဂျေက တည်တည်ငြိမ်ငြိမ်နဲ့ ပြောတယ်။
ပီကျူးက ခေါင်းတချက် ကုတ်ရင်း…

'' ကျွန်တော် သိပ်နားမလည်ဘူး ´´

'' တစ်နိုင်ငံလုံးက လူတော်တော်များများ ဦးနေရောင်လို ယုတ်မာတဲ့ သူကိုဘုရားတစ်ဆူလို ကိုးကွယ်နေကြတယ်။ငါ သူ့ကိုလုပ်ကြံပြီး သတ်လိုက်ရင်တောင် အဲဒီလူတွေအတွက် သူဟာ သူရဲကောင်းတစ်ယောက်အဖြစ် သမိုင်းမှာ ကျန်နေရစ်မှာ။ ငါ အဲဒီလိုအဖြစ်မခံနိုင်ဘူး။
အဲတာကြောင့်  တစ်တိုင်းပြည်လုံးကလူတွေ
သူဟာ လူယုတ်မာဆိုတာကို အရင်သိဖို့ လိုတယ်။
အဲဒီနောက်မှ ငါ့လက်နဲ့ သူ့ကိုသတ်ပစ်မယ်´´