Secret Commando [ Zawgyi + Unicode ] Completed

Chapter ( 54 )

Sunday . . .

မာန်ခဟာ အိပ်ယာကနေ ကမန်းကတန်းထ ကာ ကိုယ်လက်မျက်နှာ သန့်ရှင်းမှု လုပ်ပြီးတာနဲ့ ဂျေ့ အိမ်ကို ထွက်လာခဲ့တယ်။,ဒီနေ့က Sunday ဆိုတော့ ဂျေ လည်း
အလုပ်က စောစောပြန်လာနေကျ မဟုတ်ပါလား။
အဲတာကြောင့် ဂျေ နဲ့ Hotel တစ်ခုမှာညစာစားရင်း
Date မလို့။ ဖုန်းဆက် ပြောလို့ရပေမယ့် လူကိုယ်တိုင် သွားချိန်းတာက ပိုပြီး လေးနက်မယ်မဟုတ်လား။
အိမ်ထဲရောက်ရောက်ချင်း ဧည့်ခန်းမှာ ထိုင်နေတဲ့ ပီကျူးကို တွေ့လိုက်ရလျှင်

'' ပီကျူး ဂျေရော ´´ လို့ မေးနေတုန်း . .

'' ကိုယ် ဒီမှာလေ ´´ ဆိုတဲ့ အသံနဲ့ အတူ ဂျေက နောက်ကနေ ရောက်နေတယ်။

Bodyguard တို့ ဝတ်တဲ့ အနက်ရောင် Gentlman Suit  ဝတ်စုံပြည့်နဲ့ အရပ်ခပ်ရှည်ရှည် ဂျေက သန့်ပြန့် ထင်းထွက်နေတယ်။  ဆံပင်ကိုဘေးခွဲ နောင်လှန် ဖြီးထားသဖြင့်  ယောကျ်ားဆန်တဲ့ မျက်နှာထား တစ်ခုက ရှင်းသန့်နေတယ်။

'' ဟင် . . ဂျေ အလုပ်သွားတော့မလို့လား´´

'' ဟုတ်တယ်လေ . . ´´

'' ဂျေ ဒီနေ့ အားလား ´´

'' ဒီနေ့က Super Sunday ဆိုတော့
အင်း . . အားမယ် ထင်တယ် ။ ဘာဖြစ်လို့လဲ ´´

'' အော် . . ကျွန်တော်တို့ Date ရအောင် လို့ပါ ´´

ပြောလိုက်ပြီးတော့မှ ဧည့်ခန်းမှာ ထိုင်နေတဲ့
ပီကျူး ရှိနေမှန်း သတိရသွားတယ်။
ပီကျူးက ထိုင်နေရာမှ မတ်တပ်ထရပ်ကာ
အလိုက်သိစွာပဲ သူတို့နှစ်ယောက်ကို မသိချင်ယောင်ဆောင်၍  လေချွန်ပြီး အိမ်ပေါ်တက်သွားတယ်။

'' ပြော . . ကိုယ်တို့  ဘယ်အချိန် Date ကျ မလဲ ´´

'' ဟုတ်ပြီ အဲတာဆို ည ၈နာရီလောက်ဆိုရင်ရော အဆင်ပြေမလား ´´

'' Ok လုံးဝ အဆင်ပြေတယ်  ´´

မာန်ခ ကြည်နူးစွာ ပြုံးတယ်။

'' အဲတာဆို ဒီည ၈ နာရီ  Yangon Tower Hotel က  Restaurant  မှာတွေ့မယ် ´´

'' Ok ကိုယ့်အသည်းထဲမှာ မှတ်သားထားလိုက်ပြီ ´´

Uke တစ်ယောက်အနေနဲ့ ကိုယ့်ချစ်သူ Seme တစ်ယောက်ရဲ့ ဖွဲ့နွဲ့တဲ့ စကားတွေကို  ကြားရရင်  ကြည်နူးနေမိကြမှာ  ဖြစ်ပေမယ့် အခုတော့ ဘယ်လိုမှ မခံစားရတာ မာန်ခ ကိုယ်တိုင်ပင် အံ့သြရတယ်။
ဂျေဟာ အဲလို ချစ်ရည် ရွှန်းလဲ့နေတဲ့ စကားလုံးတွေကို ငါတစ်ယောက်ထဲကိုပဲ ပြောနေတာ ဟုတ်ရဲ့လားလို့
မာန်ခ တွေးနေမိတယ်။