Secret Commando [ Zawgyi + Unicode ] Completed

Chapter ( 24 ) *

''တီးတောင် ´´

တံခါး Bell မြည်သံကြောင့်  ဇာတ်ညွှန်းဖတ်နေရာကနေ ကမန်းကတန်းထပြီး တံခါးဖွင့်ရတယ် ။
တံခါးပေါက်ဝမှာ ရပ်နေတဲ့သူကြောင့် မာန်ခ
စိတ်ပျက်သွားတယ်။ တခြားသူတော့ မဟုတ်ဘူး။
သူ့ရဲ့ အရှုပ်ထုပ် ဂျေ ပဲ ။

'' ခင်ဗျား ဘာလာလုပ်ပြန်တာလဲ ´´

ဂျေ ရဲ့ အပြုံးက ဟန်မပျက်ဘူး။

'' ငါမင်းကို သတိရလို့ ´´

''သေလိုက် ´´ မာန်ခ တံခါးပိတ်ဖို့ ပြင်တယ်။
ဒါပေမဲ့ ဂျေက တံခါးကို ခြေထောက်နဲ့ခံထားလိုက်ပြီး အိမ်ထဲကို ရဲရဲတင်းတင်း ဝင်လာတယ်။

''ငါမင်းကို အပြင်မှာ Dinner စားဖို့လာခေါ်တာ ´´

''ဘယ်သူက ခင်ဗျားနဲ့တူတူလိုက်လိုက်မယ် ပြောလို့လဲ ´´

'' ဘာလဲ။ ငါမင်းကို ကိုက်စားမှာကြောက်လို့လား ´´ ဂျေက ,မာန်ခရဲ့ နားနားလေး ကပ်ပြီး တီးတိုး ပြောတယ်။

နားယား လာတဲ့ မာန်ခဟာ ချက်ချင်းပဲ ဂျေ့ ရင်ဘတ်ကို တွန်းထုတ်ရတယ်။

''ဝေးသေးတယ် ကျွန်တော် ခင်ဗျားကို မကြောက်ဘူး ´´

''အဲတာဆို သွားမယ်လေ ဘာကိုစောင့်နေတာလဲ´´    ဂျေက မာန်ခရဲ့ ပခုံးကို ဆုပ်ကိုင်တယ်။

မာန်ခက  လက်ကို အသာလေး ဖယ်ချလိုက်ရင်း အလိမ္မာ သုံးရတယ်။ တကယ်က သူလည်း အခုထိ Dinner မစားရသေးဘူး။

'' ကျွန်တော် ဗိုက်မဆာဘူး ။ ဂျေ ပဲ သွားလိုက်တော့ . . . နော် ´´ 

မာန်ခက အဲဒီလို လေသံခပ်ပျော့ပျော့လေးနဲ့ ပြောလိုက်ရင် ဂျေ က လက်လျော့ပြီး ပြန်သွားလိမ့်မယ်ထင်တာ။
ဒါပေမဲ့ ဂျေက ဇွဲလျော့ မသွားဘူး။

''ဗိုက်မဆာလည်း စားလို့ရတယ်။ ဗိုက်ပြည့်နေတာမှမဟုတ်တာ ။ မဟုတ်ဘူးလား´´

'' မဟုတ်ဘူး . . ကျွန်တော် မလိုက်ချင် . . ´´

ဂျေ စိတ်မရှည်တော့ဘူး။ အကြောတင်းလေး
မာန်ခကို ပွေ့ချီပစ်လိုက်တော့တယ်။

'' ဟာ ... ခင်ဗျား ဘာလုပ်တာလဲ ´´

'' ပွေ့ချီလိုက်တာလေ ။ မင်းက ဒီအတိုင်းပြောလို့မှ
မရတာ  ´´