Secret Commando [ Zawgyi + Unicode ] Completed

Chapter ( 56 )

မိမိလက်မောင်းပေါ် အိပ်ပျော်နေတဲ့ မာန်ခကို ဂျေ
ချစ်ရည် ရွှန်းလဲ့စွာ ငေးကြည့်မိတယ်။
ထို့နောက် ခပ်ဖွဖွလေး မာန်ခ နဖူးကို နမ်းလိုက်တယ်။
အထိအတွေ့ကြောင့် မာန်ခ ဟာ ခေါင်းလှိမ့်ရင်းနဲ့ ဂျေ့ လက်မောင်းပေါ်ကနေ ခေါင်းအုံးပေါ် ရောက်သွားတယ်။

ဂျေ အိပ်ရာပေါ်ကနေ ဆင်းတယ်။
ကြမ်းပြင်မှာ ချွတ်ထားတဲ့ အဝတ်တွေကို ပြန်ကောက်ကာ ဗလာဖြစ်နေတဲ့ခန္ဓာကိုယ်မှာ ပြန်ဝတ်တယ်။ အဲဒီနောက်စောင်လွတ်နေတဲ့ မာန်ခကို ရင်ညွန့်နားထိ လုံခြုံစွာ ခြုံပေးခဲ့ပြီး ကိုယ့်အိမ်ကိုယ်  ပြန်လာခဲ့တယ်။
အချိန်ဟာ မနက်တစ်နာရီထိုးပြီးလို့ ၅ မိနစ်။
ပီကျူး ရဲ့ အခန်းတံခါးကို ဖွင့်ကြည့်လိုက်တော့
ဒင်းက ခလူးခလောနဲ့ အိပ်ယာပေါ် ပိုးလိုးပက်လက်
ဖြစ်နေတယ်။ ထို့နောက် စာကြည့်ခန်းထဲ ဝင်ခဲ့တယ်။
စာအုပ်စင်ထဲက စာအုပ်တစ်အုပ်ကို လှည့်လိုက်တာနဲ့ ဗီဒိုရဲ့ ကြီးက ဘေးနှစ်ခြမ်းကွဲ ဖြာထွက်သွားတယ်။
ထို့နောက် လျှို့ဝှက်ခန်းထဲသို့ ဂျေ ဝင််ခဲ့ပါတော့တယ်။

Laptop လေးကို ကောက်ဖွင့်လိုက်ကာ
ပီကျူး လျှို့ဝှက်စွာ တပ်ထားခဲ့တဲ့ ဒေါ်နှင်းမော် အခန်းထဲက Video Camera ကို Connect လုပ်လိုက်တယ်။
Connect လုပ်လို့ရခြင်းကို ဂျေ  အံ့သြသွားတယ်။ ဒေါ်နှင်းမော်ချီက ဒီ Camera ကို ဖျက်ဆီးလိုက်ပြီ ထင်တာ။
အခုချိန်မှာတော့ သူမ အိပ်ယာပေါ် အိပ်စက်နေပြီ။နေ့ခင်း နေ့လယ်တွေ တုန်းက သူမ ဘာတွေလုပ်လဲ သိချင်သဖြင့် နောက်ကို ရစ် ကြည့်လိုက်တယ်။
အဲဒီမှာပဲ ဒေါ်နှင်းမော် က Camera တည့်တည့်ကို ကြည့်ပြီး စကားပြောခဲ့တာကို ဂျေ တွေ့လိုက်ရတယ်။

'' မင်းတို့ဘယ်သူလဲ ဆိုတာ ငါမသိဘူး။
ဒါပေမယ့် မင်းတို့ဟာ နေရောင် ကို အချိန်ကြာကြာ လေ့လာ စောင့်ကြည့်ချဉ်းကပ်နေတဲ့ သူတွေဆိုတာ ငါသိတယ်။ အေး . . အဲဒီလိုပဲ မင်းတို့ ဘာလိုချင်သလဲ ဆိုတာလဲ ငါသိတယ်။ငါ့မှာ မင်းတို့ သိချင်နေတဲ့ အကြောင်းအရာတွေကို ပြောပြနိုင်စွမ်း ငါ့မှာ ရှိတယ်´´

Video ကို ကြည့်ရင်း ဂျေ့ မျက်လုံးတွေ အရောင်လက်လာတယ်။ လက်မောင်းသားက မွေးညှင်းနု လေးတွေ ထောင်လာတယ်။ ဂျေ ပြုံးမိတယ်။