Secret Commando [ Zawgyi + Unicode ] Completed

Chapter ( 49 )

ဒီနေ့ ကြော်ငြာ ရိုက်ဖို့ အတွက် Hotel မှာ မနက်အစောကြီးကတည်းက နေသွေး ရောက်နေခဲ့တယ်။
နေ့လယ်ပိုင်း ဗိုက်လာဆာလာတာနဲ့ Hotel ရဲ့ လေးထပ်မြောက် Restaurantမှာ Lunch ဝင်စားတယ်။
နူးညံ့အိစက်ပြီး စားချင်သဖွယ် ခပ်ထူထူ ခပ်ဝိုင်းဝိုင်း Beef ကို ဓားနဲ့ စတိုင်ကျကျ လှီးဖြတ်ရင်း ခက်ရင်းလေးနဲ့ အသာလေးထိုးလိုက် စားလိုက် ဝိုင်နီလေးသောက်လိုက် ဇိမ်ခံနေတုန်း ...

'' ဒီနေ့ ဒီ hotel မှာ ဦးနေရောင် နဲ အလယ်လတ်တန်းစား စီးပွားရေးလုပ်ငန်းရှင်တွေနဲ့ တွေ့ဆုံ ဟောပြောပွဲရှိတယ်ဆို ဘယ်အချိန်လဲ ''

'' နေ့လယ် တစ်နာရီမှပါကွာ ''

သူ့ရှေ့က စားပွဲမှာ ထိုင်နေတာကြာပြီဖြစ်တဲ့
အသက်ခပ်ကြီးကြီး ယောကျ်ားကြီးတစ်စုဆီမှ
စကားသံကြောင့် ပန်းကန်ထဲက Beef ကို လှီးဖြတ်နေတဲ့နေသွေးရဲ့လက်တွေရပ်တန့်သွားတယ်။
ခက်ရင်းနဲ့ ဓားကို ဘေးချထားလိုက်ပြီး လက်မှာ
ပတ်ထားတဲ့ နာရီကိုကြည့်ကြည့်တယ်။ အခုက ၁၂ ခွဲ။
ဒီအချိန်ဆို ဦးနေရောင် ဒီ Hotel ထဲကို
ရောက်လောက်ပြီပေါ့။

သူ ဆက်မစားတော့ဘဲ ဟောပြောပွဲ ရှိမယ့်ခန်းမကို
Elevator နဲ့ တက်လာခဲ့တဲ့အခါ Ball Room ရဲ့ ဘေးက ကပ်လျက် နားနေ ခန်းရှေ့မှာရပ်စောင့်နေကြတဲ့
လူနှစ်ယောက်ကိုတွေ့ရတယ်။

သူတို့က Gentlmen suit အပြည့်နဲ့။
ကြည့်တာနဲ့ သိသာတယ်။ ဦးနေရောင် ရဲ့
Bodyguard တွေပဲဆိုတာ။ ဒါဖြင့် သေချာပေါက် ဦးနေရောင် အဲအခန်းထဲမှာပဲရှိရမယ်။

သူ အဲအခန်းပေါက်က
Bodyguard နှစ်ယောက် ရှေ့ သွားရပ်လိုက်တော့ Bodyguard နှစ်ယောက်လုံး က သူ့ကို ကြောင်တောင်တောင် နဲ့ သေချာ စူးစမ်း ကြည့်နေရာက သူ့ကို ရုပ်ရှင်မင်းသားမှန်း သိသွားတဲ့ပုံနဲ့ မျက်နှာကြီးတွေက ရွှေတွေ့လိုက်ရသလို ဖြစ်သွားကာ . .

'' ဟင် . . နေသွေးမလား '' တဲ့။

သူတို့ နှစ်ယောက်ကို နေသွေး နှစ်လိုအားရ ပြုံးပြရင်း . . .

'' သမ္မတလောင်းနဲ့ ခဏလောက် တွေ့ခွင့်ရမလား ''

'' ဘာကိစ်စလဲ မသိဘူး ''

'' အော် . .ဒီလိုပါ ကျွန်တော်က သမ္မတလောင်း
ဦးနေရောင် ကို ထောက်ခံသူပါ။
အဲတာကြောင့် ကျွန်တော်လည်း ဒီမှာ ကြေငြာရိုက်တုန်း သမ္မတလောင်းကလဲ ဒီမှာ ဟောပြောပွဲဆိုတော့လေ
တိုက်ဆိုင်တုန်းလေး မိတ်ဆက်ချင်လို့ပါ ''