Secret Commando [ Zawgyi + Unicode ] Completed

Chapter ( 59 ) *

'' အခြေခံ လက်လုပ်လက်စား လူတန်းစားတွေ ကို အခုလို ပင်ပင်ပန်းပန်း ဆင်းဆင်းရဲရဲ လုပ်စားနေရတဲ့ ဘဝတွေကနေ လွတ်မြောက်ဖို့ ကျွန်တော် ကြိုးစားပေးနိုင်ပါတယ်။ ကျွန်တော် သာ သမ္မတ ဖြစ်ရင်ပေါ့လေဗျာ ။ ပြည်သူတွေရဲ့ ဆန္ဒဟာ ကျွန်တော့်ရဲ့ ဆန္ဒပါပဲ ။ အဲတာကြောင့် ကျွန်တော့်ကို သာ မဲပေးကြပါ ။ တိုင်းပြည်တာဝန် ထမ်းဆောင်တဲ့နေရာမှာ ကျွန်တော့်ကိုသာ ရဲရဲ နဲ့ ယုံယုံကြည်ကြည် ခိုင်းလိုက်ပါ လို့ ပြောပါရစေခင်ဗျား ´´

Stage ပေါ်ကနေ မိုက်ကိုင်ပြီး ပြောနေတဲ့ ဦးနေရောင် ရဲ့ စကားအဆုံးမှာ စဉ်အောက်က  လူတွေ ရဲ့ လက်ခုပ်သံ တွေ တဖျောင်းဖျောင်း ထွက်လာတယ်။
ဦးနေရောင်က လူအုပ်ကြီးကို လက်ပြနှုတ်ဆက်ရင်း
စင်အောက်ကို ဆင်းလာတယ်။ ထို့နောက်
လက်ဆွဲ နှုတ်ဆက်ဖို့ အတွက် လူအုပ်ကြားထဲကနေ ဖြတ်လျှောက်တယ်။ ဂျေ တို့ရွှေအိမ်တော်က Bodyguard တွေကဘေးကနေ ဦးနေရောင် ကို ဝန်းရံထားရတယ်။ ဦးနေရောင် ရဲ့ လူယုံကတော့ ရှေ့ကနေ လမ်းရှင်းပေးနေတယ်။

လူတွေက တိုးဝှေ့ရင်း ဦးနေရောင် ရဲ့ လက်ကို
မမှီမကမ်း လှမ်းဆွဲနှုတ်ဆက်ကြတယ်။
ဦးနေရောင် က ပြုံးပြီးနေတော့တာပဲ။

ဂျေကတော့ လူအုပ်ကြီးကို ကြည့်ပြီး သနားနေတယ်။ ဒီလောက် နေပူကျဲတဲကြီးဖြစ်နေတာတောင်မှ  ဦးနေရောင်ရဲ့ မဲဆွယ်ပွဲကို လာကြည့်ကြတယ်။
သူတို့ခင်မျာ ဦးနေရောင် ဆိုတာ သူတို့ဘဝကောင်းမွန်ဖို့ ဖန်ဆင်းပေးနိုင်မယ့် နတ်ဘုရား တစ်ပါးမဟုတ်ဘဲ သူတို့ဘဝကို ဖျက်ဆီးပစ်နိုင်တဲ့ နတ်ဆိုးတစ်ကောင်ဆိုတာ
မသိကြရှာဘူး။

ဦးနေရောင် သမ္မတ ဖြစ်လို့ မရဘူး။
ပြည်သူတွေကို သူ့လိုနတ်ဆိုးလက်ထဲ ကျရောက်ခွင့်မပေးနိုင်ဘူး။ နတ်ဆိုးရဲ့ ချယ်လှယ်မှုအောက်မှာ အသက်မရှင်စေရဘူး။

                 *****************

ဦးထိန်လင်း -  45 %
ဦးနေရောင် -  30 %
ဦးစိန်လှိုင်   -  25 %

မဲဆွယ်ပွဲ ပြီးတဲ့နောက်ပိုင်း ဦးနေရောင်ကို ထောက်ခံတဲ့သူ ရာခိုင်နှုန်းက သိသိသာသာ မြင့်တက်လာတယ်။
ဦးနေရောင် ဟာ ရလဒ်ကို ကြည့်ပြီး သိပ်ကို ပျော်ပြီး တဟားဟားနဲ့ကို သဘောတကျ ရယ်နေတော့တယ်။