Secret Commando [ Zawgyi + Unicode ] Completed

Chapter ( 48 )

နေသွေးက  ပီတိတွေဖြစ်ပြီး
ကျေနပ်နေတယ်။ မယုံကြည်နိုင်လောက်အောင်လည်း
အံ့သြနေတယ်။ မာန်ခ ဟာ အခု သမ္မတလောင်း ရဲ့ တရားမဝင် သားတစ်ယောက် တဲ့လား။

လေလံပွဲတုန်းက Hotel အခန်းထဲ တူတူဝင်သွားကြတဲ့ သမ္မတလောင်း ဦးနေရောင် နဲ့ မာန်ခ တို့ တွေ့လိုက်တုန်းကတော့ ဦးနေရောင် ကို မာန်ခရဲ့ Sponser လို့ ထင်ခဲ့တာ။ နောက်မှ သေချာ ပြန်စဉ်းစားကြည့်တော့ မဖြစ်နိုင်မှန်း တဖြေးဖြေးသိလာရတယ်။ မာန်ခ ဆိုတဲ့
ကောင်လေးက မာနကလေး တလူလူနဲ့ ကောင်လေး။
ဘယ်လောက်ပဲ ချမ်းသာချင်ချင် Sponser ယူလောက်မယ့် သူမျိုးမဟုတ်။ အဲဒီတုန်းက သားအဖများဖြစ်နေမလားလို့ တွေးလိုက်မိသေး။ အခုတော့ တကယ်ပဲ သားအဖ ဖြစ်နေတာတဲ့ အဟား။

ပြီးတော့ မာန်ခကို ဦးနေရောင် အကြောင်းပြောတိုင်း မာန်ခက မူပျက်ပျက် နေတာက သူ့သံသယကို
ပိုတိုးစေခဲ့တယ်။ ဒီလိုနဲ့ သို့လောသို့လော ဖြစ်နေဆဲ
Interview တိုင်းမှာ မာန်ခဟာ မိဘအကြောင်းမေးလာရင် ဖြေလေ့မရှိတဲ့အကြောင်း သတိရသွားပြီး
မာန်ခ အကြောင်းကို စုံစမ်းကြည့်ဖို့
သူ ဆုံးဖြတ်လိုက်ပါတော့တယ်။

ဒါပေမဲ့ သူ ဘယ်က စုံစမ်းရမလဲ ဆိုတာ မသိဖြစ်နေတုန်း
ကံတရားက သူ့ကို မျက်နှာသာပေးလာပါတော့တယ်။

သူ နယ်က ရပ်ကွက် တစ်ခုမှာ ' စရိုက်များ ´ ဆိုတဲ့ ဗီဒီယို ကားရိုက်ဖို့ ဖြစ်လာတယ်။

အဲတာကြောင့် သူ နယ်ကို ဆင်း ရိုက်ရတယ်။

Shooting Location တည်တာက ရပ်ကွက် လူကြီးရဲ့ အိမ်။

နေသွေး ကိုယ့်  Scene ပြီးလို့ ခုံမှာ ထိုင်နားနေတုန်း ရပ်ကွက် လူကြီးက အနားရောက်လာတယ်။
ပထမတော့ အဲအဘိုးကြီးက
စကားတွေ တောင်ရောက် မြောက်ရောက်
လာပြောတော့ သူ စိတ်ညစ်လာတယ်။

နောက်တော့ သူ အဲအဘိုးကြီးရဲ့ စကားကို ကြားသယောင် မကြားသယောင် လုပ်နေရင်းမှ သူ့အတွက် အဖိုးတန်မယ့် စကားတစ်ခွန်း အဲအဘိုးကြီးဆီမှ ထွက်လာတယ်။

'' ဦးတို့ ရပ်ကွက်တော့ နာမည်ကြီးတော့မယ်ကွ . . ကြာလာရင်အနုပညာ ရပ်ကွက်ဖြစ်တော့မှာပဲ
မင်းသား မာန်ခနဲ့ ငါ့တူကြီးတို့ ခင်ကြလား  ´´