Secret Commando [ Zawgyi + Unicode ] Completed

Chapter ( 26 )

'' ဒီပုံတွေကို တစ်ချက်ကြည့်ကြည့် ''

ပီကျူး လှမ်းပေးလာတဲ့ i-pad ကို
ဂျေက လှမ်းယူကြည့်ပြီးပြောလာမယ့် အကြောင်းအရာတွေကို နားစွင့်နေတယ်။

''ဝန်ကြီး နေရောင်နဲ့ ST group ရဲ့ ဥက္ကဌ တို့ လွန်ခဲ့တဲ့ ၆လလောက်တုန်းက ဝန်ကြီးရဲ့ အိမ်မှာ တိတ်တဆိတ်ဆွေးနွေးမှု တစ်ခုလုပ်ခဲ့တယ် ။ ST Group ဆိုတာ သိတဲ့အတိုင်းပဲ Europe မှာ ရှိတဲ့ ရေနံလုပ်ငန်းတွေနဲ့ နာမည်ကြီး ST Shoppig Center တွေအကုန်လုံး သူတို့ ပိုင်တယ် ။ မကြာခင်ကပဲ ST Group က Europe ကနေ Asia ဈေးကွက်ကို ဖောက်ထွက်လာတယ်။
အရင်ဆုံး Hongkong , Taiwan , Thailand , Malaysia ပြီးတော့ အခု မြန်မာ ။ Yangon မြို့ရဲ့ နေရာတွေ တော်တော်များများမှာ သူတို့အတွက် အခု ဆောက်မဲ့ Shopping Mall project အတွက် နေရာ တစ်ခုလိုတယ်။ မြို့တွင်းလည်း ဖြစ်ရမယ် ။နေရာကလည်း ကျယ်ရမယ် ။ အဲတော့ သူတို့ရဲ့ ပစ်မှတ်က ဒီ Night market ဖွင့်တဲ့ မြေကွက်လပ်ကြီး ဖြစ်လာတယ်''

'' . . . . . . .''

'' ဒီဗုံးပေါက်ကွဲမှု မတိုင်ခင် ၃လလောက်ကတည်းက Night market မှာဖွင့်တဲ့ ဈေးသည်တွေ အကုန်လုံးကို ဝန်ကြီးက တစ်ဖက်လက်နဲ့ စည်းရုံးပြီး ဈေးဆိုင်တွေကို အပြီးဖျက်သိမ်းဖို့ စာချုပ်မှာ လက်မှတ်တွေထိုးခိုင်းခဲ့တယ်။ ဒါပေမဲ့ မအောင်မြင်ဘူး ။
နောက်ဆုံးမှာ မကျေနပ်တဲ့ ဈေးသည်တွေ အကုန်လုံး ဆန္ဒပြဖို့ လုပ်ကြတယ်။ ဒါပေမယ့် ဆန္ဒပြဖို့ ဦးဆောင်မယ့် ဈေးသည် ခေါင်းဆောင်သုံးယောက် လွန်ခဲ့တဲ့ တစ်ပတ်လောက်ကပဲ ပျောက်သွားတယ်။အစအနမရတော့ဘူး ။အဲဒီနောက် ကျန်တဲ့သူတွေရဲ့ ဆန္ဒပြပွဲမတိုင်ခင် ဗုံးခွဲလိုက်တယ် ။  ပြီးတာနဲ့ အဲနေရာကို အန္တရာယ် Zone အနေနဲ့ သတ်မှတ်မယ်။ ဈေးသည်တွေကို တခြားမြို့ပြင်မှာ နေရာပေးမယ်။ တစ်လလောက် နေသားတကျဖြစ်ပြီဆိုမှ Project ကို စအကောင်ထည်ဖော်မယ်။
နောက်ဆုံးမှာ ရုန်းရင်းဆန်ခတ်နဲ့ ဆန္ဒပြမှုတွေ မဖြစ်လိုက်ပဲ အေးအေးဆေးဆေးနဲ့ ဒီနေရာဟာ Shopping mall ကြီးဆောက်မယ့် Project နေရာဖြစ်သွားမယ် ။
ဒါဟာ သူ့ရဲ့ အကြံပဲလို့ ယူဆရတယ် ”

'' . . . . . . ''

''ဒါက ဒီ ဗုံးပေါက်မှု မတိုင်ခင်မှာ လူဆိုးဂိုဏ်းတွေထဲမှာ နာမည်ကြီး အဖွဲ့တစ်ဖွဲ့ရဲ့ ခေါင်းဆောင်နဲ့ ဝန်ကြီးရဲ့ တပည့်အရင်းတို့ တိတ်တဆိတ်တွေ့ခဲ့ကြတဲ့ ဓာတ်ပုံ ´´