Secret Commando [ Zawgyi + Unicode ] Completed

Chapter ( 41 )

''ရွှတ် ´´

မနက်ဖြန် Scene အတွက် Dialog တွေဖတ်နေတုန်း
အနောက်ကနေ ရုတ်တရက် ပါးကို လာနမ်းတော့
မာန်ခ လန့်သွားတယ်။

'' အား…ဂျေ…ခင်ဗျားသေချင်လို့လား…
လိပ်ပြာတောင် လွင့်သွားပြီလား မှတ်တယ် ´´

ဂျေက မာန်ခပါးလေးကို အသာဖျစ်ညှစ်ဆွဲလိုက်ပြီး
ဝင်ထိုင်တယ်။

''ကဲ မင်းသားကြီး ကိုမာန်ခ ပြောပါဦး။
Shooting ကိုလဲ ကိုယ့်ကို မခေါ်။
လိုက်လာမယ်ဆိုတော့လဲ မလာနဲ့တဲ့ ။
Shooting က ပြန်လာလို့ တွေ့ကြရအောင်ဆိုတော့လည်း ပင်ပန်းလို့ အိပ်ပြီတဲ့ ။ ဒီရက်တွေမှာ မင်းကို ကိုယ်ဘယ်လောက် လွမ်းနေရလဲ မင်းသိလား။ အခုတောင် မင်းအိမ်ကို ပြန်ရောက်လာပြီဆိုတဲ့အကြောင်း ပီကျူးပြောလို့ ငါရေးချိုးပြီးစ အကျီကောက်ဝတ်ပြီး ကမန်းကတမ်းထွက်လာတာ။ ဆံပင်ကို Dryer နဲ့မှုတ်လက်စ ရှိသေး´´

သူ ဂျေ့ဆံပင်တွေဆီ အကြည့်ရောက်သွားတယ်။
ဟုတ်သားပဲ…ဂျေ့ ဆံပင်တွေက ရေမခြောက်သေးဘူး။ရေမှုန်လေးတွေ တင်နေသေးတယ်။
အော် … အဲလောက်တောင် ကျွန်တော့်ကို သတိရနေတာလား ဂျေ ရာ။ အားနာနာနဲ့သာ ဂျေ့ကို ရယ်ပြနိုင်တော့တယ်။ သူ ဒီရက်ပိုင်းအလုပ်များတာနဲ့  ဂျေ့ကို သိပ်တောင် အချိန်မပေးဖြစ်ဘူး။ သူနဲ့ ဂျေ မတွေ့ဖြစ်တာ ၅ရက်လောက်တော့ ရှိပြီ ထင်တာပဲ … ။ 
Shooting ကနေ့တိုင်း သွားရတာဆိုတော့ နှစ်ယောက်သား အိမ်ချင်းကပ်လျက် နီးနီးလေးနဲ့ဝေးနေကြတာ။
ခါတိုင်းလို ဂျေ့ကိုပါ Shooting ခေါ်လိုက်လို့ ရပေမဲ့ Shooting မှာက ဟိုကောင် နေသွေးက ရှိနေတော့  
မခေါ်ဖြစ်တော့တာ။

ဂျေ့ကို မယုံလို့ မဟုတ်ဘူး။ နေသွေးကို ချဉ်လို့ ။
နေသွေးကို ဂျေ့ မျက်နှာ မြင်ခွင့်နည်းနည်းလေးမှတောင်  မပေးနိုင်ဘူး။ ဒါပေမဲ့ တစ်ရက်ရက်ကြရင်တော့ ဂျေဟာ သူ့ရဲ့ Seme ဖြစ်သွားပြီ။ သူနဲ့ ဂျေနဲ့က ချစ်သူတွေဆိုတဲ့ အကြောင်းကို နေသွေး သိအောင် လုပ်ပြရမယ်ဆိုတဲ့ အတွေးလေးတော့ ရှိတယ်။ အဲတာမှ နေသွေးဆိုတဲ့ ကောင်ကို လက်စားချေ ပြီးသားဖြစ်မှာ ။ အဲအခါကြရင် အသည်းတွေ ကွဲလိုက်စမ်း …နေသွေး …ဟွင်း …ဟွင်း။