Secret Commando [ Zawgyi + Unicode ] Completed

Chapter ( 25 ) *

သူတို့ နှစ်ယောက်  လူတွေကို တွန်းဖယ်ရင်း ကလေးဆီ ရောက်အောင် ပြေးလာခဲ့ကြပြီး
သွေးသံ တရွှဲရွှဲနဲ့ မြေပြင်ပေါ် ပက်လက်ကလေး
လဲကျနေတဲ့ ကလေးနဲ့ သူ့အမေကိုတွေ့လိုက်ရတဲ့အခါ နောက်ကျသွားပြီဖြစ်ကြောင်း လက်ခံလိုက်ရတယ်။
ကလေးကို ကြည့်ပြီး မာန်ခ
နောက်ထပ်ခြေလှမ်းမလှမ်းနိုင်တော့ဘဲ
ဒူးထောက်ရက်သား ခွေကျသွားတယ်။
ဂျေက ကလေးဆီ အရင် မြန်မြန်ပြေးသွားပြီး ခေါင်းထူတယ်။ လည်ပင်းအနားက သွေးကြောကို ခပ်မြန်မြန်ပဲ
ဖိစမ်းကြည့်တယ်။ ရင်ဘတ်ကို နားနဲ့ကပ်ပြီး နှလုံးခုန်သံနားထောင်ကြည့်တယ်။ ထို့နောက်
မာန်ခဘက်ကို လှည့်ကြည့်ပြီး စိတ်ထိခိုက်စွာ
ပြောတယ်။

''သူ အသက်မရှိတော့ဘူး ´´  

ကလေးရဲ့အမေကတော့  မသေသေးဘူး။
မျက်နှာတစ်ပြင်လုံးသွေးတွေ ဗရပွနဲ့ သားလေးရော သားလေးရောနဲ့ စိုးရိမ်တကြီးနဲ့ အားတင်းပြီး တဖွဖွ မေးနေရှာတယ်။
မာန်ခ ကလေးအမေကို ဘာပြန်ဖြေရမှန်းမသိဘူးဖြစ်နေတယ်။ ကလေးအမေလဲ သဘောပေါက်သွားပြီး မျက်ရည်တွေ စီးကျလာရင်းနဲ့ပဲ ကွယ်လွန်သွားခဲ့ရှာတယ်။

နဂိုကတည်းက ဝဲနေတဲ့ မာန်ခရဲ့ မျက်ရည်တွေဟာ  အတားအဆီးမရှိအောင်  စီးကျလာတဲ့အခါ ဂျေက
ပွေ့ဖက်နှစ်သိမ့်ပေးမိတယ်။ ထိုစဉ်
ပြေးလွှားနေတဲ့ လူအုပ်ကြီးထဲကနေ ထူးဆန်းတဲ့
လူတစ်ယောက်ကို   လျှင်မြန်တဲ့ စုံထောက်မျက်လုံးတွေနဲ့   ဂျေ‌ သတိထားမိလိုက်တယ်။ မီးတောက်မီးလျှံတွေကြားမှ အဒီလူရဲ့ အေးတိအေးစက်နဲ့ ကျေနပ်နေတဲ့အပြုံးကို လှမ်း မြင်နေရတယ်။
နောက်တော့ အဲဒီလူဟာ ရုန်းရင်းဆန်ခတ်မှုတွေကြားမှာပဲ တိုးဝင်  ပျောက်ကွယ်သွားပါတယ်။

                   …. … … … … …

မျက်စိဖွင့်ဖွင့်လိုက်ချင်း အဖြူရောင်  မျက်နှာကျက်ကြီးကို မာန်ခ တန်း တွေ့ရတယ်။

''ရရဲ့လား ´´   ဂျေက မာန်ခရဲ့ လက်ကိုကိုင်ထားတယ်။

''ကျွန်တော်ဘယ်ရောက်နေတာလဲ´´

''ဆေးရုံရောက်နေတာ ´´

'' ဆေးရုံ  ´´

ဘာဖြစ်လို့ ဆေးရုံရောက်မှန်း မာန်ခ
မမှတ်မိဘူး။ ဂျေက မာန်ခရဲ့ နဖူးပေါ်မှာ ဝဲကျနေတဲ့ ဆံပင်လေးတွေကို အပေါ်ကို သပ်တင်ပေးရင်း ...