Secret Commando [ Zawgyi + Unicode ] Completed

Chapter ( 28 )

''တီးတောင် ´´ [ တံခါး Bell မြည်သံ ]

သူ့အိမ်ကို တံခါး Bell လာတီးမယ့်
အသိဆိုလို့ မာန်ခ တစ်ယောက်ပဲရှိတာ။
ခါတိုင်းဆို ချက်ချင်းသွားဖွင့်ပေးနေကြဖြစ်ပေမယ့်
မနေ့ညက ကိစ္စကြောင့် သူ့စိတ်ထဲ 
မကျေမနပ်ဖြစ်နေမိတုန်းပဲ။

''တီးတောင် တီးတောင် ´´

တံခါး Bell သံက ဆက်မြည်လာတယ်။
စာအုပ်တစ်အုပ်ကောက်ဖတ်လိုက်ပြီး
မသိကျိုးကျွံပြုနေလိုက်တယ်။

''တီးတောင် တီးတောင် ´´

အဆက်မပြတ် မြည်နေတဲ့ တံခါး Bell သံကြောင့်
ပီကျူး  နားမခံနိုင်လို့ စာကြည့်ခန်းထဲကနေ
ထွက်လာရတယ်။

''ကိုဂျေ သွားမဖွင့်ဘဲနဲ့ ဘာလုပ်နေတာလဲ ´´

'' မဖွင့်ပေးနဲ့ ထားလိုက် ´´ 

'' ဘာလို့လဲ ။ ကိုမာန်ခ လားမှမသိတာ ´´

ပီကျူးက စကားနားမထောင်ဘဲ သွားဖွင့်ပေးတယ်။

''  ကိုမာန်ခ လာလေ ´´

'' ဂျေ ရှိလား ´´

ပီကျူးက မေးငေါ့ပြတယ်။

''ဟိုမှာလေ ထိုင်နေတာ ´´

'' မင်းက ငါ့ကိုရှာတယ်ဆိုတော့ အကူအညီတောင်းဖို့ပဲ ဖြစ်ရမယ် မဟုတ်လား´´

သူတို့နှစ်ယောက်ကို နားစွင့်နေတဲ့ ဂျေက
စာအုပ်ဖတ်မပျက်ဘဲ လှမ်းပြောတယ်။

'' ခင်ဗျား ...အကြားအမြင်ရနေသလိုပဲ ´´

'' ဒါပေါ့ ။ မင်းက ငါ့ဆီကို တခြား ဘယ်ကိစ္စနဲ့မှ ရောက်
မှ မလာတတ်တာ။ အကူအညီတောင်းဖို့ ဆိုရင်တော့ ရောက်လာတတ်တယ်လေ ။
ဒါပေမဲ့ မင်းသိထားရမှာက ငါမင်းကို မကူညီနိုင်ဘူးဆိုတာပဲ ´´

'' ဘာလို့လဲ ။ ကျွန်တော် ဘာမှတောင် မပြောရသေးပါလား ´´

မာန်ခ အံ့ဩနေမိတယ်။
ခါတိုင်းဆို အကူအညီမလိုပါဘူးဆိုတာတောင် ဇွတ်ကူညီချင်နေတဲ့ သူက အခုကျ သူမဟုတ်သလိုပဲ။ ထူးဆန်းလိုက်တာ။

'' မပြောသေးတာပဲကောင်းတယ် ။
ငါက အားနေတာ မဟုတ်ဘူး။ အလုပ်တွေ အရမ်းများတယ် ´´