Secret Commando [ Zawgyi + Unicode ] Completed

Chapter ( 66 )

'' သမ္မတလောင်း ဦးနေရောင် ကို ခေါင်းမှာ သေနတ်ဒဏ်ရာနဲ့ သေဆုံးလျက် တွေ့ရှိခဲ့ပါတယ်။
ဒီကိစ္စနဲ့ ပက်သက်ပြီး ရွှေအိမ်တော် ကနေ အထူး
အေးဂျင့်တွေနဲ့ စုံစမ်းနေတယ် လို့ သိရပါတယ် . . .´´

'' ခွမ်း . . . ´´

TV မှာလာနေတဲ့ သတင်းကို မြင်လိုက်တာနဲ့ မာန်ခ လက်ထဲက ကိုင်ထားတဲ့ ကော်ဖီခွက် လေး လွတ်ကျသွားတယ်။

'' အဖေ . . အ . .ဖေ . . ဟင့်အင်း . . မဖြစ်ရဘူး . . အဖေ´´

မာန်ခ ဟာ မျက်ရည် များသာ ကျဆင်းလာလျက် ရင်ထဲမှာ ဆို့နင့်နေကာ ငိုသံ ထွက်မလာခဲ့။ ထို့နောက်မှာတော့
ဗုန်းခနဲ ကြမ်းပြင်ပေါ် လဲကျသွားပြီး လောကကြီးက မှောင်အတိ ပြီးသွားပါတော့တယ်။

                 **********************

ဦးနေရောင် ဟာ တိမ်တွေကြားထဲမှာ အဖြူရောင် ဝတ်စုံနဲ့ ခန့်ညားစွာ ရပ်နေတယ်။ မာန်ခ လှမ်းခေါ်လိုက်တယ်။

'' အဖေ ´´

မာန်ခကို မြင်တော့  ဦးနေရောင်ကလည်း  '' သား ´´ လို့ ခေါ်တယ်။  မာန်ခ ဦးနေရောင့် ဆီ သို့ ပြေးသွားတယ်။
ဦးနေရောင်က တော့ နေရာမှာပဲ ရပ်နေကာ မာန်ခ သူ့အနားရောက်လာချိန်မှာ ပွေ့ဖက်ပေးဖို့ လက်နှစ်ဖက်ကို ဆန့်တန်းပေးထားတယ်။

မာန်ခ ဦးနေရောင် အနားသို့ ရောက်ခါနီးမှာပဲ . .

'' ဒိုင်း ´´ ခနဲ ကျယ်လောင်စွာ မြည်သွားတဲ့ သေနတ်သံနှင့် အတူ ဦးနေရောင် ရဲ့ ရင်ဘတ်မှာ သွေးနီကွက်ကြီး ပေါ်လာပြီး ဒူးထောက်လျက်သား လဲကျသွားတော့
အနောက်ကနေ သေနတ်ကိုင်ပြီး မြူခိုးတွေ ကြားမှာ ရပ်နေတဲ့ လူတစ်ယောက်ရဲ့ မျက်နှာကို မှုန်ဝါးဝါး တွေ့နေရတယ်။

မာန်ခ အဖေ့ဆီပြေးသွားကာ အဖေ့ကို ပွေ့ဖက်ငိုကျွေးလိုက်တယ်။သေနတ်ကိုင်ထားတဲ့ လူ က တဖြည်းဖြည်းနဲ့ သူ့ဆီ လျောက်လာတယ်။ ခြေသံ တဒေါက်ဒေါက် ကလဲ တဖြည်းဖြည်း နဲ့ နီးလာတယ်။
မာန်ခ တောက် ခေါက်လိုက်တယ်။ အဲဒီလူ ငါ့ အနားရောက်ရင် အဖေ့ကို သတ်တဲ့  အဲဒီလူကို  ငါပြန်သတ်မယ် ။ ငါပြန်သတ်မယ် လို့ အံကိုတင်းတင်းကျိတ် လက်သီးကို တင်းတင်းဆုပ်ထားချိန်
သေနတ်ကိုင်ထားတဲ့သူက မြူခိုးတွေထဲက ထွက်လာလေလျှင် . . .