Secret Commando [ Zawgyi + Unicode ] Completed

Chapter ( 29 ) *

ရုပ်ရှင်မိတ်ဆက်ပွဲ အခမ်းအနားစပါပြီဆိုတည်းက
ချစ်စရာကောင်းတဲ့ မာန်ခမျက်နှာလေးကို
ငေးကြည့်ရင်း ဂျေ စိတ်ကြည်နူးချမ်းမြေ့လို့နေတယ်။
မာန်ခရဲ့ စကားပြောပုံ၊ ကိုယ်လက်လှုပ်ရှားဟန်တို့ကို ချစ်လွန်းလို့ ဓာတ်ပုံခိုးရိုက်ထားမိတယ်။ဒါနဲ့ဆို မာန်ခအပေါ်မှာ ခိုးကြောင်ခိုးဝှက်နဲ့ လုပ်ခဲ့မိတာတွေ 
ဘယ်နှစ်ကြိမ်တောင်  ရှိမှန်းတောင် မမှတ်မိတော့ဘူး။
စာချုပ် လက်မှတ်ထိုးတဲ့ အစီစဉ်ပြီးတော့ မာန်ခဟာ သတင်းထောက်တွေ မေးလာတဲ့ မေးခွန်းတွေကို ဖြေနေရတယ်။

'' ကိုမာန်ခနဲ့ ကိုနေသွေး တို့က မကြာသေးခင်လ ကပဲ ပြဿနာ တက်ထားတယ် ။ အခု ရုပ်ရှင်တူတူ တစ်ကားထဲမှာ သရုပ်ဆောင်ကြမယ်ဆိုတော့ ။
အဲဒီအပေါ်မှာ ဘာများပြောချင်ပါသလဲ ´´

'' ဒါက . . . ´´

မာန်ခက ဖြေမယ်အလုပ် နေသွေးက  လျင်လျင်မြန်မြန်ပဲ ကြားဖြတ်ဖြေတယ်။

''  ဒါက ဒီလိုပါခင်ဗျ ။ မာန်ခက ကျွန်တော့်ကို ဆွဲထိုးခဲ့ပေမဲ့ ကျွန်တော် သူ့အပေါ်မှာ ဘာအမုန်းမှ မထားပါဘူး ။ ညီအစ်ကိုလို စိတ်မျိုးပဲ ရှိပါတယ် ။ ကျွန်တော် သူ့ကို
အမြဲခွင့်လွှတ်ပြီးသားပါ ။ အဲတာကြောင့် ကျွန်တော် ဒီဇာတ်ကားကို လက်ခံရိုက်ဖြစ်ခဲ့တာပါ ´´

'' လူလိမ် ´´ မာန်ခက စိတ်ထဲကနေ အဲဒီ မအေဘေးကို ကျိန်ဆဲနေမိရင်း လက်သီးကို ကျစ်ကျစ်ပါအောင်
ဆုပ်ထားကာ ဒေါသကို ဖြေလျော့နေရတယ်။ သတင်းထောက်တွေကို ပြန်ပြောရမယ့်စကားကိုပဲ  ကောင်းကောင်း တွေးနေမိတယ်။ နေသွေးကို ဘယ်လိုပြန်ချေ ရမလဲ ဆိုတာကိုရောပေါ့။

'' ကိုမာန်ခအနေနဲ့ရော ဘာများပြောချင်လဲ ´´

မဖြေခင်မှာ စူးရှတဲ့ အကြည့်တစ်ချက်နဲ့
နေသွေးကို  တစ်ချက်စောင်းကြည့်တယ်။
နေသွေးအနေနဲ့ မာန်ခ ဆီက တစ်ခါမှ
မမြင်ဖူးခဲ့တဲ့ ကြောက်စရာကောင်းတဲ့ အကြည့်မျိုးပေါ့ ။ အဲအကြည့်ကပဲ မကြာခင်မှာ ကိုယ့်ပြိုင်ဘက်က
ကိုယ့်ကို Media တွေရှေ့မှာ ကောင်းကောင်း အနိုင်ယူပစ်တော့မယ်လို့ ပြောပြနေသလိုပဲ နေသွေး ခံစားလိုက်ရတယ်။ မာန်ခက မဲ့ပြုံးပြုံးပြတော့ နေသွေး
ကြက်သီး ထသွားတယ်။