Secret Commando [ Zawgyi + Unicode ] Completed

Chapter ( 40 )

ဂျေ အပါအဝင် ဒီလေ့ကျင့်ရေးကွင်းထဲ
တန်းစီရပ်နေကြတဲ့ ခန့်မှန်းချေ ၅၀လောက်ရှိတဲ့
လူအကုန်လုံးဟာ Interview အောင်ပြီး တစ်ပတ်နေတော့ Email ကနေ တဆင့် ဆင့်ခေါ်ခြင်းခံရသူများပဲ ဖြစ်ပါတယ်။ နေပူကျဲတဲထဲမှာ ရပ်နေကြတာဖြစ်ပြီး ဒီ ရွှေအိမ်တော်ရဲ့ Bodyguard တွေကို လေ့ကျင့်ပေးတဲ့ လေ့ကျင့်ရေးခေါင်းဆောင် ဆိုသူကို တန်းစီ စောင့်နေရတာ။
ခဏကြာတော့ လူတစ်ယောက် ဝင်လာတယ်။
တန်းစီထားတဲ့ လူတွေကြားထဲ လျှောက်သွားရင်း တစ်ယောက် မကျန်  မျက်နှာထားတင်းတင်းနဲ့ လိုက်ကြည့်တယ်။  အကုန်လုံးက ဒီလူ ဘယ်သူလဲ။
လေ့ကျင့်ရေး ခေါင်းဆောင် ဆိုတာ သူလား
စသဖြင့် တီးတိုးတီးတိုး ပြောကုန်ကြတော့တယ်။
ယောကျ်ားဆန်တဲ့ မျက်နှာထား၊ ရှည်လွန်းတဲ့ အရပ်အမောင်း၊ အနက်ရောင်  ကိုယ်ကျပ်အကျီအောက်က ပေါ်လွင်နေတဲ့ တောင့်တောင့်တင်းတင်း Body structure ၊ လက်ကောက်ဝတ်က ဒဏ်ရာ ဒဏ်ချက် အချို့ကို ကြည့်ချင်းအားဖြင့် သူ ဟာ လေ့ကျင့်ရေး ခေါင်းဆောင်ပဲ ဖြစ်ရမည်ဟု ဂျေက အတပ်သိတယ်။
သူ က တစ်ယောက် မကျန် အကုန်လိုက်ကြည့်ပြီးတဲ့နောက် အားလုံးရဲ့ရှေ့ရပ်လိုက်ပြီး တစ်ကွင်းလုံးကြားအောင်ဟစ်အော်တယ်။

'' အခုချက်ချင်း လေ့ကျင့်ရေး ဝတ်စုံတွေ သွားလဲကြ ။ ဝတ်စုံက အထည် ၃၀,ပဲရှိတယ်။
ဝတ်စုံရတဲ့ သူပဲ နောက် Level တက်ခွင့်ရှိမယ် ´´

လူက ရှိတာ အယောက် ၅၀ ။ ဝတ်စုံက ၃၀။
ဝတ်စုံရတဲ့သူကပဲ နောက် Level တက်ရမယ်ဆိုတော့။
မရတဲ့ အယောက် ၂၀ ကတော့ အဖြုတ်ခံရမှာပေါ့ ။ အားလုံးက တစ်ယောက်မျက်နှာ တစ်ယောက်ကြည့်ကာ အဖြုတ်မခံရဖို့ အရေး ဝတ်စုံထားတဲ့ Hall ခန်းကြီးထဲကို သုတ်ချေတင် ပြေးကြရလေတော့တယ်။

လေ့ကျင့်ရေးကွင်းထဲ မဝင်ခင်က တစ်ယောက်နဲ့ တစ်ယောက် ခင်ခင်မင်မင်နဲ့ မိတ်ဖွဲ့ထားကြတဲ့ သူတွေဟာ အခုချိန်မှာ ခင်မင်မှုတွေ သိကျွမ်းမှုတွေကို မေ့ထားလိုက်ကြတယ်။ တစ်ယောက်နဲ့ တစ်ယောက် ဝတ်စုံကို ဆွဲကြ ရမ်းကြ ။ လုမရတော့ တိုက်ခိုက်ကြနဲ့ ။ဘယ်လိုပဲ ဖြစ်စေ … လူ အယောက် ၃၀ ကတော့ ဝတ်စုံကိုသေချာပေါက်ရမည်ဖြစ်ပြီး ကျန် ၂၀ ကတော့ ပြုတ်မှာ။