Secret Commando [ Zawgyi + Unicode ] Completed

Chapter ( 51 )

'' မာန်ခ... ကိုယ် မင်းကို
တစ်ခုလောက် မေးလို့ရမလား ''

ဂျေက သူ့ရဲ့ လက်မောင်းကို ခေါင်းခုအိပ်နေသူ မာန်ခ ရဲ့ နဖူးပေါ် ဝဲကျနေတဲ့ ဆံပင်လေးတွေကို သပ်ပေးရင်း ညင်သာစွာ ပြောတယ်။

'' ဘာလဲဟင် ဂျေ ''

'' ဟို ... မာန်ခရဲ့ မိဘတွေ ဘယ်မှာနေကြလဲဟင် ''

သူ့ စကားကြောင့် မာန်ခ လန့်သွားသလိုပဲ။
ကိုရန်ပြေပြောခဲ့ဖူးတဲ့ စကားများအရမာန်ခဟာ
မိဘမဲ့ တစ်ယောက်ဆိုတာ သိပြီးသား။ ပြီးတော့ ရဲတေဇဟာလည်း မာန်ခရဲ့ မွေးစား အကိုဖြစ်ကြောင်း
သိပြီးသား။ အဲ့အကြောင်းတွေကို မာန်ခ ဘယ်အချိန်ထိ လျှို့ဝှက်ဖို့ များကြံစည်ထားလေသလဲ။
မိဘမဲ့ဆိုတော့လဲ ဘာဖြစ်လဲ ။ ကိုယ်က မာန်ခ ကို နှိမ့်ချ မယ့်သူမျိုးမှ မဟုတ်တာ။ အဲအကြောင်း ပြောဖို့ကို
မာန်ခ ဘာတွေ ကြောက်နေသလဲ။ တွန့်ဆုတ်နေသလဲ။ ဂျေ နားမလည်နိုင်။

ဒါပေမယ့် မာန်ခ မပြောချင်တာကို သူ့အနေနဲ့ အတင်းအကျပ် မတိုက်တွန်းလိုတာကြောင့် ...

'' ဟို ... ရတယ် ... ရတယ် ... ပြောရခက်နေလဲ မပြောပါနဲ့ ။ ကိုယ် ကိုက စကားရှည်မိတာ ။ တကယ်တော့ ကိုယ့်ဘဝမှာ မင်းတစ်ယောက်ပဲ လိုအပ်တာပါ မာန်ခရယ်။
တခြား ဘာကိုမှ သိဖို့ မလိုပါဘူး '' လို့ ပြောလိုက်တော့ မာန်ခက မဝံ့မရဲ လေသံနှင့် ...

'' တကယ်တော့လေ ... ကျွန်တော်က...''

ဟု အကြောင်းစုံကို ပြောပြမလို့ အစချီနေချိန်တွင် ...

'' တီးတောင် ''

တံခါး Bell မြည်သံကြောင့် မာန်ခ ရဲ့ စကားစ ပြတ်သွားတယ်။

'' ဘယ်သူပါလိမ့် ''

'' မသိဘူးလေ။ သွားကြည့်လိုက်ဦးမယ် ''

မာန်ခက ကမန်းကတန်း အိပ်ယာကနေ ထ ဗလာကျင်းနေတဲ့ ခန္ဓာကိုယ်ကို ညအိပ်ဝတ်ရုံနဲ့ ပတ်လိုက်ပြီး အခန်းပြင်ထွက်သွားတယ်။

ခဏနေတော့ အခန်းထဲ ပြန်ဝင်လာကာ ...

'' ဂျေ ... ပီကျူး ရောက်နေတာ ''

'' ဟုတ်လား ''

သူ အိပ်ယာကနေ ထ ။ တုံးလုံးဖြစ်နေတဲ့ Body မှာ ချွတ်ထားတဲ့ အဝတ်တွေကို ကမန်းကတန်း ပြန်ဝတ် ။ အခန်းတံခါးဆီလျှောက်လာပြီးမှ သတိရသွားပြီး
မာန်ခ နဖူးလေးကို တစ်ချက်နမ်းလိုက်ကာ ...