Secret Commando [ Zawgyi + Unicode ] Completed

Chapter ( 1 ) *

Thailand နိုင်ငံ၊ ရွှေတြိဂံနယ်မြေ အခြေစိုက်
စခန်းတစ်ခုမှာ သေနတ် အသေး၊အလတ်၊ အကြီး
အရွယ်အစားမျိုးစုံ သယ်သူကသယ်နဲ့
အလုပ်ရှုပ်နေလျက်ရှိကြတယ်။ ဒီနယ်မြေဟာ မကောင်းမှုဒုစရိုက်တွေ များသောနယ်မြေ
တစ်ခုဆိုလည်း မမှား။

'' ဂျေ မင်းကို ခေါင်းဆောင် ခေါ်နေတယ် ''

ဂျေဆိုတာ အတိုက်အခိုက်ကျွမ်းကျင်လှတဲ့
ဒီစခန်းမှာ အတော်ဆုံး အထူးတပ်ဖွဲ့ဝင်
Commando တစ်ယောက်။
ခန္ဓာကိုယ်က ကြွက်သားတို့ဖြင့် တောင့်တင်းကျစ်လျစ်လျက် ရှိတယ်။ ရုပ်ရည်ပိုင်းဆိုင်ရာမှာလည်း ကြမ်းကြမ်းတမ်းတမ်းဖြစ်မနေဘဲ
ရှိရင်းစွဲအသက်ထက် နုတယ်။
အသားအရေမဖြူပေမဲ့လည်း ကြည်လင်နေတယ်။
စိမ်းလဲ့နေသော ပါးသိုင်းမွှေးရေးရေးလေးတွေ။
စူးရှနေသောမျက်လုံး တစ်စုံအပေါ်က ထူထဲနက်မှောင်လှတဲ့ မျက်ခုံးမွှေးတန်းတန်း နဲ့ ယောကျ်ားသားနတ်ဘုရားတစ်ဆူလိုပဲချောမောခန့်ညားနေတယ်။

'' အေး လာပြီ ''

ဂျေက လက်ပြလိုက်ကာ ချက်ချင်းထလိုက်လာခဲ့တယ်။
လက်ကကိုင်ထားတဲ့ ဓားမြှောင်ကို Commando တို့ဝတ်သော ပျောက်ကျားဘောင်းဘီ ဘေးအိပ်ကပ်ထဲထည့်
ပြီး လျှောက်လာခဲ့တယ်။ ဂျေဟာ
ခြောက်ပေစွန်းစွန်းရှိသောအရပ်နဲ့ မားစွင့်လျက်
ခပ်မိုက်မိုက်ပုံစံဖြင့် အထာကျလျက်ရှိတယ်။

'' ခေါင်းဆောင် ကျတော့်ကို ခေါ်တယ်ဆိုလို့ပါ ''

'' အင်း ဟုတ်တယ် ''

'' ဘာများလဲ ခေါင်းဆောင် ''

'' မင်းငါ့ကို ခုချိန်မှာ အဖေလို့ ခေါ်လို့ရပါပြီ ''

'' ဟုတ်ကဲ့ အဖေ ''

ဂျေက လူအများရဲ့ရှေ့မှာတော့ ခေါင်းဆောင်လို့ပဲခေါ်ပြီးတခြားသူတွေ ကွယ်ရာရောက်မှ သို့မဟုတ် သူ့အဖေ ခေါ်ခိုင်းမှသာ အဖေလို့ခေါ်လေ့ရှိပါတယ်။

'' မင်းငါ့ကို အားရပါးရ ဒီနေ့တစ်နေ့လုံး အဖေလို့
ခေါ်လို့ရတယ် ။ နောက်နေ့ကြရင်တော့ မင်းခေါ်ချင်တော့မယ် မထင်ဘူး ''

'' ဘာဖြစ်လို့လဲ အဖေ ''

'' ခုချိန်ကစပြီး ငါပြောတာသေချာနားထောင်''