Secret Commando [ Zawgyi + Unicode ] Completed

Chapter ( 19 ) *

Company နဲ့ စာချုပ်ပျက်ပြီးတဲ့နောက် မာန်ခကိုဘယ်သူမှရုပ်ရှင်ရိုက်ဖို့၊ ကြေငြာတွေရိုက်ဖို့ လာမဆက်သွယ်တော့တာကြောင့် တစ်လနီးပါးလောက်
အနုပညာ အလုပ်တွေနဲ့ ပြတ်လတ်နေခဲ့ရပြီး
တစ်ရက်မှာတော့ အလုပ်တစ်ခုက မာန်ခဆီ
ဆိုက်ဆိုက်မြိုက်မြိုက် ရောက်လာတယ်။

'' မင်းသားက company နဲ့ စာချုပ်ပျက်သွားတယ်
ဆိုလို့ ကျတော် အိမ်ကို လိုက်လာတာပါ ''

'' ဟုတ်ပါတယ် ။ အခုက ဘာကိစ္စများလဲ မသိဘူးဗျ''

ထိုသူက Business Card ကို မာန်ခအားလှမ်းပေးရင်း . .

'' ဒီလိုပါ ကျတော်က Star agency က မန်နေဂျာပါ ''

မာန်ခက Business card ကို လှမ်းယူကြည့်ရင်း
ဂရုစိုက်နားထောင်နေတယ်။

''ကျွန်တော် မင်းသားကို လေလံပွဲတစ်ခုအတွက် Presenter ငှားချင်လို့ပါ ''

အစက ရုပ်ရှင်ရိုက်ဖို့ မင်းသား လာငှားတယ်လို့
ထင်နေတဲ့ မာန်ခရဲ့ မျှော်လင့်ချက်တွေ ပျက်ဆီးသွားရတယ်။ မင်းသားတစ်ယောက်ကို Presenter လာငှားတာ သဘာဝတော့ မကျဘူး။ ကိုယ်မကျွမ်းကျင်တဲ့ အလုပ်ကို မာန်ခ ချက်ချင်းပဲ ငြင်းရတယ်။

'' အဲတာဆိုရင်တော့ စိတ်မကောင်းဘူးဗျာ။
ကျွန်တော် သရုပ်ဆောင်ပဲ လုပ်တယ်။ Presenter
မလုပ်ဘူးဗျ ''

''လက်ခံပေးပါ ကိုမာန်ခရာ ။ ဘာမှ ခက်တာမဟုတ်ပါဘူး။ အကိုတို့ ရုပ်ရှင်အတွက် Dialog ကျက်သလိုပဲ ကျက်လိုက်ရုံပါပဲ။ ပြီးတော့ ဒီပွဲကို ဝန်ကြီးချုပ်ရော တက်မယ်လို့ သတင်း ရထားလို့ပါ ''

ဝန်ကြီးချုပ်ဆိုတဲ့ စကားကြောင့် မာန်ခ ရဲ့ မျက်ခုံးတွေ ပင့်တက်သွားတယ်။

'' ဟင်... ဘယ်သူ ''

''ဝန်ကြီးချုပ် နေရောင်လေ။ သူရော တက်မယ်လို့ သတင်းရထားတယ်။
ဒါပေမဲ့ အဲတာကို ကိုမာန်ခ တစ်ယောက်ပဲ သိထားနော် ။ တခြား ဘယ်သူမှ မသိစေနဲ့။
အထူးသဖြင့် ဝန်ကြီးတစ်ယောက် လေလံပွဲတက်တာ Media တွေသိရင် ချဲ့ကားကုန်ကြလိမ့်မယ် ။ အဲတာကြောင့် အဲအကြောင်းတွေကို ဘယ်သူမှ မပြောဖို့ Agency က ကျွန်တော့်ကို မှာထားတာ။
ဒါပေမဲ့ ပြောလိုက်မိပြီ ...ဟီး ။ အဲတာကြောင့်
ကိုမာန်ခကပဲ Presenterလုပ်ပေးပါနော် ''