နေသွေးထွက်သွားပြီးတဲ့နောက် မာန်ခ တုန်တုန်ယင်ယင်နဲ့ ရဲတေဇကို ဖုန်းဆက်တယ်။
'' အစ်ကို ... ကျွန်တော်တို့ အခုတွေ့လို့ရမလား ´´
မာန်ခရဲ့ အသံက တုန်တုန်ယင်ယင်နဲ့ အလောတကြီး ဖြစ်နေတော့ ရဲတေဇ စိုးရိမ်သွားတယ်။
'' ဘာဖြစ်လို့လဲ တစ်ခုခုရှိနေလား ´´'' အင်း ရှိတယ် ´´
'' အခုငါ အိမ်ပြန်တဲ့လမ်းပေါ်ရောက်နေတယ်။ မင်းအိမ်ကို ဝင်ခဲ့မယ် ´´
''ရတယ် ။ ကျွန်တော် လာခဲ့မယ် ။ အကိုအခု ဘယ်နားရောက်နေလဲ ´´
'' မင်းတို့အိမ်ရာနားက ပန်းခြံနဲ့တော့ နီးတယ် ´´
'' Ok ကျွန်တော် လာခဲ့မယ် ။ စောင့်နေနော်´´
မာန်ခ ဖုန်းချပြီး ရဲတေဇနဲ့တွေ့ဖို့ ကားနဲ့ကမန်းကတန်း ထွက်လာခဲ့တော့တယ်။
မာန်ခကို အမြဲ အရိပ်လို စောင့်ကြည့်နေခဲ့တဲ့ ဂျေက မှန်ဘီလူးကနေ တစ်ဆင့် မာန်ခရဲ့ကားခြံထဲကနေ ထွက်သွားတာကို လှမ်းမြင်နေရတယ်။
'' ဒီအချိန်ကြီးကြမှ ဘယ်သွားတာပါလိမ့် ´´
ချက်ချင်းပဲ မာန်ခရဲ့ ကားဘယ်ကို သွားနေတယ်ဆိုတာ တည်နေရာ ကြည့်ကြည့်တယ်။ ချိန်းထားတဲ့ ပန်းခြံကို ရောက်သွားရင်ပဲ ခုံတန်းလျားလေးတစ်ခုမှာ ရဲတေဇက ကြိုစောင့်နှင့်နေတယ်။
''မာန်ခ ´´ ရဲတေဇက လက်ပြပြီး လှမ်းခေါ်တယ်။
မာန်ခခပ်သွက်သွက် လျောက်သွားလိုက်ပြီး
ထိုင်တောင် မထိုင်နိုင်ဘူး။ ပြောချင်နေတဲ့ အရာတွေကို ပြောတော့တယ်။''ဒီနေ့ အိမ်ကို နေသွေးရောက်လာတယ် အစ်ကို။
အဖေနဲ့ ကျွန်တော်နဲ့ ဟိုတစ်ခါ Hotel မှာ တိတ်တဆိတ်တွေ့ကြတာကို သူမြင်သွားပုံရတယ်။ ကျွန်တော့်ကို အိမ်လာပြီး ခြိမ်းခြောက်သွားတယ်။ အဖေနဲ့ ကျွန်တော့်ရဲ့ ပက်သက်မှုကို ဖော်ထုတ်မယ်ဆိုပြီး ´´ရဲတေဇ အံ့သြသွားတယ်။
'' သူက . . .ဘယ်လိုသိသွားတာလဲ ´´
'' ကျွန်တော်လည်း မသိဘူး ။
အစ်ကို ကျွန်တော် ဘယ်လိုလုပ်ရမလဲ ။
ဝန်ကြီးနေရောင်က ကျွန်တော့်အဖေဆိုတာ သူတို့ သိလို့ မဖြစ်ဘူး ။ သူတို့ သိရင် အဖေ့ကို ထိခိုက်လိမ့်မယ် ။ ကျွန်တော်လုံးဝ အဲလို အဖြစ်မခံနိုင်ဘူး ။
ကျွန်တော် ဘာလုပ်သင့်လဲ ။ ကျွန်တော့်ကို ပြောပါဦး ´´
YOU ARE READING
Secret Commando [ Zawgyi + Unicode ] Completed
Teen Fictionလျှို့ဝှက် commando တစ်ယောက်နဲ့ နာမည်ကြီး ရုပ်ရှင်မင်းသားလေးတစ်ယောက်တို့ရဲ့ Love Story ...