CAPTAIN ABBAS

P57

💕 *CAPTAIN ABBAS* 💕

By
*Salmerh MD*

 

Luv story😍

*Wattpad @*
*Serlmerh-md*

💫 *DA BAZARMU* *WRITTER'S ASS*
💫
We are here to make you happy,smile,educate and to realized that we are the best among all.....
*DA BAZARMU* *MUKE TUN'KAHO*

_Dedicated_
_2 all masoyan_ _cApTaIn_ _AbbAs._ 😍

*Bismillahir* *Rahmanir Raheem*

 
_Never argue with a fool because People might not know the difference....._

🅿 *57*

Ciwon cikin Teemah da yamma ya 'kara dawo mata sabo fil, gashi ita ka'dai ce agida kuma har alokacin bata sha magani ba, data rasa yanda zatayi sai kawai ta fara kuka tana mirgine-mirgine dan tayi iya 'ko'karin ta dan ganin ta danne ciwon amma sai da ya fi 'karfinta tafara kuka.

Acikin wannan halin Mahmud ya dawo gida ya sameta, ai kuwa jifa yayi da jakar dake hannunsa arikice ya kinkimeta yayi waje da ita be ma tsaya tambayarta dalilin kukan ba saboda yaga tana ta ri'ke cikinta tana mur'kususu, be manta ciwon datace cikinta yamata jiya cikin dare ba, shiyasa yana ganin ta awannan halin kawai ya nufi asibiti da ita.

Allah ma ya taimaka ba wani nisa sosai ne tsakaninsu da asbitin ba, dan haka be 6ata lokaci akan hanyar ba, duk dama zuwa lokacin hold-up yafara taruwa amma dai yasamu ya isa akan lokaci, kanta ko mayafi babu lokacin da suka isa asbitin, amma duk wannan be zo kan Mahmud ba shi dai damuwarsa aduba masa lafiyarta a kuma bata magani.

Cikin sa'a ma sai yasamu wani likita ya duba masa ita akan lokaci tare da yimata allurai guda biyu, cikin ikon Allah kuwa daga nan tasamu bacci ya 'dauke ta.

Bayani likitan yamasa game da abinda ke damunta, da kuma yadda za'a magance shi cikin sau'ki, sosai Mahmud ya fahimce shi, dan shi da farko hakan ma be zo ransa ba sam, yama manta da cewar mata na irin wannan abin lokaci zuwa lokaci, dan ko data fa'da masa cewa jiya cikinta yayi ciwo ma shi zaton shi wata matsala ce daban be kawo hakan aransa, ko data masa 'karyar tayi sallah ma yau da safe be yi wani dogon nazari akai ba dukda yana da tabbacin bata yi sallar ba.
Ya 'dauka ko abinda tasaba yi ne kullun cikin dare shiyasa ma yau daya fita ya 'kara zuwa wani 'kwararren asbitin daban domin asake duba masa lafiyarsa da kyau, yafi so yaji gamsashshiyar amsa game da matsalar dake damunsa, amma ako ina baya samun amsa mai kyau su kan tabbatar masa da cewa lafiyar sa 'qalau baya tare da wata damuwar da har zata hana shi amfanuwa, sai dai ko 'dan abinda ba'a rasa ba, ko yau 'din ma wasu magungunan daban aka sake rubuta masa tare da tabbatar masa abinda likitan daya ganshi da farko ya fa'da masa inda yabaro asbitin da zummar bada himma ga shan maganin ko dan matsalar da matarsa ke ciki domin kar ya kaita ma'kura, shikan shi yana so yaji kansa amatsayin cikakakken namiji yanaso mazantakar sa ta dawo kamar da, dukda ma acikin jikinsa baya ji kamar yana tare da wata matsala ajikinsa, jinsa yake garau, amma me yasa ba ze iya biya wa matarsa bu'katar ta ba bayan likitoci ma sun shaida cewa lafiyarsa 'kalau?
Wannan abin na 'daure masa kai ba 'dan ka'dan ba.

Baccin kimanin mintina talatin Teemah tayi sai ta farka, Mahmud tagani zaune agefen gadon da take kwance ya 'kura wa 'karfen gadon idanu, sai da ta juya ta kalli 'karfen sannan ta dawo da kallonta gareshi, _"Yayah "_! tace da dasashshiyar siririyar muryarta da bata gama warwarewa daga baccin da tashi yanzun ba.

Mahmud be ji ta ba domin be amsa sunansa data ambata ba kamar yadda be kawar da idanunsa daga inda yake kalla tun 'dazun ba.

Ganin haka yasa Teemah ta yun'kura ta tashi ahankali ta kai hannunta ta dafa kafa'darsa tare da sake 'kiran sunansa, juyowa yayi ya kalle ta take  sai ya 'ka'kalo murmushi tare da dawo da dukkan hankalinsa gareta
_" kin_ _tashi?_
Ya tambayeta yana 'ko'karin kamo hannunta dake kan kafa'darsa.