اسكريبت جديد
اتمني يعجبكم💙💙💙
-ااااي يا ماما،الله يخليكي سيبيني انام كمان شويه، يا ماما بقا سيبي الغطا
"رفعت الغطا من ع وشها ولقت اخوها واقف وميت ع نفسه من الضحك"
-هو انت يا رخم.. لو اعرف كنت.. اوعي ياض"وبتشد الغطا من ايده"
=ياشيخه ارحميني كل دا عشان تصحي، انا لو مكان ماما كنت سيبتك لحد الضهر نايمه وتتأخري ع الكليه
-"شدت الغطا من علي وشها" هه! كليه اي، الساعه كام
=الساعه 8 يا هانم
-ينهاربالالوان، دي زمان مي بتستحلف لي، وسع يا واد كده "وقامت جري تشوف فونها "
-غريبه مرنتش خا... أي دا؟.. النهارده الخميس، يا حيوان انا معنديش كليه الخميس
"بيضحك" كنت بتضحك عليا، اخس عليك يا يوسف
=" بيضحك،مسكها من ايدها وقعدها جنبه ع السرير" تعالي بس كده متعمليش زى العيال الصغيرة، انا مصحيكي عشان حاجه تانيه "وبص ف الارض "
-ف اي يا آخره صبري؟
=دكتوره زينب قالتلي انها مش هتدخلني اي محاضره ليها لو مجبتش ولي أمري
-نهارك ابيض،، عملت اي لدا كله
=مفيش خناقة كده انا وواحد رخم ف المحاضره بتاعتها.. المهم يا عشقي بقا هتيجي صح.. قولي صح وحات ابوكي اشيخه
-"وهي بتفكر" هتكون عايزاني ليه يعني، ما تعملك فصل من الكليه وتخلص
="بيبص بصدمة ع ملامح اخته الطفولية"
-خلاص خلاص صعبت عليا، جايه بس امتي؟
=يا بطتي بقا، يدوب تقومي تغيري هدومك وانا مستنيكي بره "وقام بسرعه مستناش ردها وهي ضحكت وقامت جهزت وخرجت"
=الله الله، اي الشياكه دي، مشفتكيش كده مزه ابت من زمان
-اها يا رخم، طب مش رايحه مع
=لالا. وحات ابوكي يا شيخه
-هههههه طااايب، اوووبس، نسيت
استني كده ثواني "ودخلت جري ع اوضتها وهو دخل وراها"
=بتدوري ع اي يا عشق
-هه
=هه اي بقولك بتنيلي اي
-" بحزن "لا ولا حاجه... يلا بينا
-----------
=صباح الخير يا دك
-صباح النور يا سي يوسف، اي أخبارك
"دخل وقعد ع الكرسي فضربته عشق ال كانت واقفه جنبه متنحه ف كتفه"
=ااااي، ايدك تقيله يارخمه
&انا اسفه يادكتور ع قله زوقه والله ما عارفه اقول لحضرتك اي
-ههههه ياحبيبتي عادي اتفضلي، يوسف دا اخويا الصغير
&انا جايه اعتذر لحضرتك بنيابة عن قليل الزوق ده و
"بصت الدكتوره ل يوسف لقيته هيموت من كتر الضحك فضحكت" اي يا يوسف، انت قولتلها اي يابني
"يوسف مقدرش يرد من كتر الضحك وشاور للدكتورة بايده انها تستني"
-لا حيث كده انت تقوم تطلع بره يلا من هنا "وقام يوسف يكمل ضحك ع اخته بره المكتب"
-بصي يا عشق، انا حبيت جدااا جدااا ال انتي بتكتبيه وكمان قررت اني هساعدك، ان
&ثواني، اكتب اي وحضرتك تساعدي مين؟ انا مش فاهمه حاجه
-امال أنني جايه ليه
&جايه عشان اعتذر من حضرتك عشان يوسف اتخانق مع صاحبه ف المحاضره
-هههههه هو عملها فيكي... لا ياستي مفيش اي حاجه من دي حصلت، يوسف جابلي الاسكتش ال انتي بتكتبي فيه وكده وبصراحه عجبني فوق ما تتخيلي، لو تعلمي يعني انا دكتوره لغه عربيه وكمان قالي انك مصره محدش يشوف الاسكتش ده عشان كده اخده من وراكي وجابهولي
متزعليش منه عشاني، انا ال طلبت منه لما قالي
&"ابتسمت" ميرسي جدا يا دكتور
-لا ميرسي اي، بصي ياست البنات، انتي هتعملي اكونت ع الفيس وتنزلي عليه "وفتحت الاسكتش وشاورت ع حاجه جواه" هتكتبي دي
&اه يا دكتور بس
-مابسش، اسمعي الكلام وسيبي الباقي عليا انا
&انا بجد مش عارفه اقول لحضرتك اي
*فضلت الدكتوره زينب وعشق يتكلمو وتشجعها اكتر وتحاول تقنعها أنها موهوبه وكتاباتها تستحق العالم كله يقرأها عشان توصل الرساله ال جوه الروايات دي*
-------------
رجعت عشق البيت تاني مع اخوها ال اول ما شافها اعتذرلها وضحكو وبالليل عملت الاكونت ده ونزلت عليه جزء من كتاباتها وبعتت اد للدكتورة واتكلمو
=عشق انا عملتلك اضافه ف كذا حاجه كده شوفيهم الأول وهاتي الباسورد
-حاضر
"فتحت عشق الحاجات ال ضافتها فيهم الدكتوره وبدأت تقرأ ونست نفسها ونست كمان ترجع ترد ع الدكتوره، سرحت بخيالها وعاشت ف عالم تاني، عالم بيخليها تموج مع كل قصه بتقرأ ها للكاتبات العظام ال شافتهم، حست أن الناس دي شبها اوي، عشق مكنش ليها صحاب، بس لما شافت كتابات الناس دي حست أن دول أصحابها لا بل أخواتها، افتكرت ورجعت تانى تكلم الدكتوره"
