"يـ موطني وعينيا فـ عينيكي .. يا غٌربتك وعينيكي فـِ عينيا "":💙
_يـ بنتي مالك ساكتة وكئيبة كدا!
_آيوا أضحكي وأتكلمي معانا وبطلي كأبة دا أحنا خارجين مع بعض بعد فترة طويلة مش عايزين نقلبها نكد
_فٌكيها كدا يـ إسراء
_ مش عايزين كأبة وأفكها وأضحك طيب حد فيكم كَلف نفسه بسؤالي بكلمة مالك
آه هقولكم مافيش ومش هشّيل حد همي متقلقوش، بس حسسوني إنه حد مٌهتم بيا
قربت شوية منهم
أنتِ يـ نور عايزاني أحكي معاكم وماأسكتش طيب فكرتي للحظة إنه سكوتي دا بسبب أي أو حتي حسيتي إنه طاقتي للكلام معاكم خلصت ومعنديش حيل للكلام !
وأنتِ عايزة أتكلم وأبطل كأبة ولما بتجيلي كل يوم بعياط وهمومك اللي بفضل أسمعها بالساعات من غير ملل جيتي في مرة قولتيلي أتكلمي عايزة أسمعك؟! أنتِ مبتحبيش ألا نفسك عايزة أهتم بيكي وأسمعك وبس وأستحمل مشاكلك وبس
وأنتِ ولا بلاش
كلكم بلا أستثناء خذلتوني ولا واحدة فيكم فكرت تعرف فيا أي أنا بسمع وبراضي وبشوف اللي بتحبوه وأعمله عشان الحٌزن مايدخلش قلوبكم
*ضحكت بهستيريا*
طب وأنا أنا فين من حياتكم موجودة طيب!!
ولا مجرد حد بيسمع وقت الزعل ويحضٌن وقت العياط ووقت ما الدٌنيا تضيق بيكون موجود بس هو معندهوش حاجة وحياته كويسة ومافيش زيها
_يـ إسراء أنتِ ليه قلبتيها دراما مش مستاهلة كل دا
_صح عندك حق مش مستاهلة فعلاً
_طيب فيكي أي احكي مالك وهنسمعك
_هتسمعوني ! بجد والله هتسمعو هه مش عارفة بصراحة أقولكم اي علي وقفتكم جمبي بس خلاص أنتهت كدا ومش عايزة أشوف وش واحدة فيكم تاني
*بيفتح باب المترو في اللحظة دي *
وقفت عشان أنزل وأبعد عنهم تعبت منهم وكان كفاية كدا
من اللحظة دي كل شئ أنتهي !
_يـ إسراء أستني هنحل كل حاجة سوا متنزليش
لفيت بـ إبتسامة باهتة _مبقاش ينفع صدقوني
نزلت من المترو وصوت عياطي ماليّ المكان فضلت أعيط وأنا ماشية لحد ما خبطت في واحد أعتذرتله ومشيت طاقتي كانت خلصت حسيت دٌنيتي بتلف بيا أصواتهم ، الشمس درجة حرارتها عالية وكأنها قررت تقف فوق دماغي أنا بس رغم برودة الجو إلا إني محتسش غير بحرارة الشمس بس البرد كان في قلبي اللي كان بيوجعني كأنه بيخبط رأسه في ضلوعي من وجعه، في دوشة في دماغي مٌزعجة أوي وفي ناس كتير قدامى مش شايفهم كويس قعدت في أقرب مكان قابلني وخلصت طاقتي من عياطي وحٌزني
حسيت بحد قعد جمبي
وبيقول_عمرو حسن مكدبش علي كدا!!
رفعت راسي ومسحت دموعي وبصيتله _مكدبش علي أي؟!!
