رسم ياحور؟!
-أيوووه رسم
-بس أنتي مبتعرفيش ترسمي
-هتعلم
-وده من امتي يعني؟
-من زمان.
-حور😡
-نعم
-بيبقا شكلك وحش اما تفكري تخبي عني حاجه
-أحمد هو مدرب الرسم ياشيماء ، فهمتي بقا.
-أيووه كدا فهمت ، وهقدم معاكي كمان😃
-موافقة😃
قدموا في كورس الرسم وجه معاد أول حصه
'الحب بداية الحياة، الرغبة في الشئ مش معناه أننا عايزين نعمله كتسليه ، الرغبة في الشئ بتعني الحب ، والرسم من أجمل الفنون اللي بتقوم علي الحب ، عشان تتعلموا ترسموا لازم تكونوا بتحبوا ترسموا'
كانت بتبصله وبتبتسم ، قلبها معاه وروحها في عالم تاني ، محستش بشرودها غير لما شاور لها
-أنسه حور؟
-هاااا ، نعم.
-بتحبي الرسم؟
-جدآ.
-بتعرفي ترسمي؟!
-أنا هنا عشان اتعلم.
-تتعلمي اي؟!
-أرسمك
-نعم
-قصدي الرسم ، اتعلم الرسم.😊
مسك الفرشه وبص علي الموجودين واتكلم
-قدام كل واحد منكم لوحه وفرشه ، أكتبوا فيها انتوا هنا ليه واول شئ حابين تتعلموا رسمه.
مسكت الفرشه عشان تكتب.
-حور.
-نعم ياشوشو
-هتكتبي اي؟!
-مش عارفه😶
-طب أنا أكتب اي؟
-اكتبي أنتي هنا ليه؟
-عشان انتي واحمد تتعرفوا علي بعض ويحبك.
-ماشي.
-ماشي اي ، يعني اكتب كدا😮
-يالهوي😱 انتي عايزة تفضحينا.
-ما أنا مش عارفه اكتب اي؟
-اي حاجه ياشيماء.
-طيب.
اتحركت من جمب شيماء وبدأت تكتب
'ليت ما نرسمه يصبح كعالمنا ، كنت سأرسم بيتآ صغيرآ نائيآ عن العالم ، كنت سأرسمك ، كملاك أتي من خلف العالم ليضئ عتمتي ، كحبيبآ سرق براعم قلبي وتفتحت بداخله ، كروحآ تحاوطني في يومي وترفض الرحيل ، كنت سأرسمك كآدم الذي لم تجذبه سوى حواء واحدة ، وأنا هي'
بدأت الناس تسلم اللوح بتاعتها لأحمد وتمشي ، قامت وسلمت اللوحه من غير ما تكتب اسمها
بص في اللوحه ملقاش توقيع فنادي عليها
-لو سمحتي..
-نعم
-الاسم
-اسمي وسط الكلام المكتوب مش محتاج يتكرر.
اخدت شنطتها ومشيت مع شيماء.
-حبتيه أمتي ياحور؟!
-هو الحب له وقت!!
-أقصد أول مره قلبك دق له.
-الحب بنتولد بيه ياشيماء ، حبي لأحمد ملوش وقت ، أنا أتولدت بيه ، ربنا بيزرع جوانا الحب وأول ما تتقابلي مع الشخص اللي مقدر ليك تحبيه بيظهر الحب ده ، علاماته بتبان في دقات قلبك اللي بتزيد مع كل نظره منه ، في رعشة أيدك وانتي بتسلمي عليه ، في سفرك لعالم تاني أول ما تسمعي ترانيم ضحكته.
-تقصدي أننا بنتولد بنحب الناس من قبل ما نشوفها؟!
-أيووه.
-بس فيه ناس كتير بيكرهوا بعض وبعدين بيحبوا بعض.
-مكنش كره من البداية كان حب ، وحب قوي جدآ كمان ، الحب في العلاقة دي بيبقا من أنقي انواع الحب ، متخبي في توب الكره لسبب أو أكثر.
-تقصدي الكره ده اتزرع في بداية العلاقة عشان يقوي قصة الحب دي.
-مش بالظبط ، لانه مبيبقاش كره ،بيبقي مجرد غشاوة علي قلوبنا اما بتتشال بتظهر قوة الحب دي.
-كتبتي اي في اللوحه؟!
-قلبي اللي كتب والله ومش فاكره كتب اي.
-طيب تعالي نشرب حاجه .
دخلوا أول كافيه قابلهم وبعدها رن فون شيماء وخرجت ترد عليه اما هي قعدت علي كرسي لطربيزه قصاد الشارع وسرحت في أول مره قابلته فيها اللي كانت في بيتهم
-ياماما مش عايزة أزور حد أنا😡
-ياحور دي صاحبتي من زمان ولازم ازورها ومش عايزة اروح لوحدي.
كانت أول مرة تشوفه ، بعد ما سلموا علي ماما أحمد ، رن فونها وخرجت في البلكونه ترد علي الفون ، خرج وقتها من اوضته وسلم علي مامتها وخرج من غير ما يشوفها.
وقع قلبها فيه أول ما شافته رغم انها مكلمتهوش وبعدها مامتها نادت عليها
-كنت عايزاكي تتعرفي علي أحمد أبني ياحور بس هو نزل مستعجل عشان عنده شغل .
-معلش ياطنط تتعوض مره تانية.
-أحمد بيشتغل مدرب رسم وعنده معرض علي قده كدا بيعرض فيه لوحاته.
-ماشاء الله ربنا يخليهولك وتفرحي بيه يااارب.
-تسلميلي ياااارب وتفرحي بحور انتي كمان.
عدي شهر ونص علي المقابله دي وشكله مكنش بيفارق احلامها ، حكت لشيماء انها اتعلقت بيه اوووي وقررت تدور علي المعرض بتاعه وعرفت بالصدفة ان فيه كورس رسم هيبدأ وهو المدرب فقررت تقدم فيه.
فاقت من شرودها عليه ، كان واقف مع شيماء بره الكافيه ، افتكرت انه بيتهيألها بس دخل مع شيماء .
-حور تمانعي لو استاذ احمد قعد معانا؟
-هااا ، لا طبعآ اتفضل.
-شكرا
نادت علي الويتر
-اتنين قهوة مظبوط وواحده سكر زيادة للاستاذ لو سمحت.
بصلها
-عرفتي منين ان قهوتي سكر زيادة؟
-هاااااا ، اي ، هو مش أنت فنان والفنانين بيحبوا كل حاجه حلوة يبقى اكيد بتشربها سكر زيادة.
-طب وعرفتي ازاي اني بشرب قهوة اصلا.
-احساسي😃
رن فون شيماء فستأذنت وخرجت ترد
-عايزة ترسمي اي يا أنسه حور؟
-اللي جوايا ، اللي مش عارفة اخليه واقع ، واللي نفسي أعيشه ومش عارفه.
-الحب؟!
-أشمعنا...
-عيونك بتقول كدا.
-هتعرف تعلمهوني؟
-الحب بنعيشه مش بنتعلمه
كان في بالها رد واحد وقتها
-طب علمني أعيشه او عيشهوني ، او عيشه معايا بدل ما انا عايشاه لوحدي .
-أنسه حور
-هاااا
-اتأخرت ولازم أمشي معلش.
فات شهرين اتعلمت فيهم أساسيات الرسم ووصلت لدرجه كويسه جدا فيه وبدأت ترسمه ، كان حلمها من البدايه انها ترسمه
-الاسبوع الجاي أخر حصه ليكم واتمني تكونوا اتعلمتوا اللي جيتوا عشان تتعلموا وأكون افادتكم ولو بالقدر القليل.
نزلت دموعها من غير ما تنتبه
-مالك ياحور؟
-اسبوع بس ياشيماء ، اسبوع ومش هشوفه تاني .
-أهدي طيب عشان محدش ياخد باله ويلا نخرج من هنا .
خرجوا من القاعه وعيطت جامد في حضن شيماء.
-فات شهرين ومقدرتش أخليه يحبني ، كنت فاكره ان الحب اللي جوايا هيوصله ، كنت فاكره انه هيحبني.😭
-مش كل اللي بنتمناه بيتحقق ولا كل الخيال بيتحول لواقع يا صاحبتي.😢
عدي الاسبوع وجه معاد أخر حصه
-دلوقت هقرأ اللوحات اللي كتبتوها أول مره كنتوا هنا واشوف اتحققت ولا لسه
مسك اللوحات وبدا يقراها بصوت عالي ويسأل اصحابها اتحققت ولا لأ لحد ما وصل للوحتها
-أنسه حور اتحقق اللي جيتي علشانه ولا لا
ابتسمت بحزن
-اتحقق.
-بس بالنسبالي لسه متحققش.
-نعم.
مسك لوحه ورفعها لفوق ، اتصدمت أول ما شافتها
كان راسم حور واقفة مبسوطه وبتضحك وراسم نفسه قاعد قدامها وماسك دبله في ايده وسهم جمله مكتوبه عليه 'تتزوجيني'
فجأه اللي حواليهم فضلوا يسقفوا
-كنتي فاكره اني مسمعتش صوت قلبك ، انتي جيتي هنا عشان تعيشي الحب مش تتعلميه وانا عشته معاكي في الشهرين اللي عدوا وعايز اعيشه معاكي العمر كله
قرب منها
-أنا بحبك ياحور😍
نزلت دموعها
-وأنا بحبك ياقلب حور😍
#شيماء_عبدالحميد
- عاالم مختلف )" 💛✨
