- يلا يا زفتة هنتأخر علي المحاضرة..
=اله كنت بفطر يا سارة كنت بفطر..
-يلا إنجري قدامي خلي أم اليوم ده يعدي علي خير..
=يلا..
...........
=هنعمل ايه دلوقتي..
-أنا عندي مشوار مهم جداً أنا وسيف بخصوص الجهاز ،، ولازم نروح إنهارد..
=تمام خلاص روحي إنتي ،، ولما تخلصي وتروحي كلميني واحكيلي عملتوا ايه بيس؟!
-بيس يا باشا .. سلام
=سلام..
"كنت زهقانه جداً ،، ومكنش قدامي غير ملجأي الوحيد بعد سارة صاحبه عمري *البحر*"
قعد علي الشط وطلعت روايتي وبدأت أقرأ واندمجت جداً يعني ،، بعد حولي 10 دقايق اكتشفت إني مش لوحدي في المكان ،،كان فيه شاب واقف علي الشط بعيد عني بمسافه وكان سرحان جداً..
بصراحة معطتش للموضوع أهمية ورجعت لقراءة روايتي *أنتِ لي* ، قعد شويه كمان وقومت عشان أمشي ، وأنا ماشية مقدرتش أمنع فضولي في إني اشوفه ولو مرة قبل ما أمشي .. وكان زاي ما هو سرحان بردو .. كملت طريقي وانا بالي مشغول بيه جداً ، إي سبب سرحانه؟ ، طب إيه اللي جراله؟
إيه ده في إيه طب وأنا مالي بيه دا أنا أول مرة أشوفه!! حقيقي معرفش كل إللي أعرفه إنه شغل بالي بالمعني الكلي..روحت البيت و اتصلت بسارة عشان أشوف عملت إيه هي وخطيبها..
=عملتي إيه يا آخرة صبري..
-تمام الحمدلله لقيت استايل الجهاز إللي عاجبني..
=أخيراً يا شيخة .. دا الراجل كان هيرمي دبلته في وشك ويسيبك والله..
-أله مش لازم كل حاجة تبقي مظبوطه ولا إيه 😂
=الله يكون في عونه والله منك ، المهم هستناكي بكره ادام الكفيتريا..
-مهو أنا كنت لسه هقولك إني مش جاية الجامعة بكره والله..
=ليه إن شاء الله؟!
-سيف ومامته جايين بكره عندنا ، وأنتِ عارفة بقا مفيش غيري هيساعد ماما في ترويق البيت وتجهيز الغدا وكده..
=يعني مش هتعرفي تيجي بكرة وتروحي تجهزي ،، أنا كده هبقا لوحدي أنتِ بتهرجي☹️
-والله مش هعرف خالص معلش بقا مجتش علي يوم يا إسوو بقاا..
=خلاص يا ستي أمري لله ،، وأنا هبعتلك المحاضرات إن شاء الله أول ما أروح..
-ماشي يا صاحبي تسلملي عيونك..
=علي اي يابت دا انتي أختي ،، يلا ربنا يسعدك إنتِ والاخ وتعملوا الفرح واخلص منكم بقاا❤️
-هههههه قريب بإذن الله ،، عقبالك يقلبي..
=بلا عقبالي بلا عقبالك يلا يابت سلام خليني أكمل قراءه..
-هههههه سلام يستي..
قفلت مع سارة وكملت قراءة لحد ما نعست ،، قفلت الكتاب ومسكت الفون أتابع الفيس كده علي الماشي قبل ما أنام..
لقيت أيدي بترفع الكيبورد وبكتب Post عشان انزله "و كأن عيناك مدائن كلما نظرت إليها وجدتها متزاحمه بتلك الكلمات المكبوته ،، ربما لا أجيد تفسير ما بك ،، ولكن كل ما أجيده هو معرفتي بأنك لست بخير .. وأنا لست بخير أيها الدخيل .. أو ربما أنا الدخيلة لا أعلم؟!"
نشرت الـPost وقفلت الفون ونمت عشان الجامعة..
صحيت الفجر كالعادة أديت فرضي وقرأت وردي القرأني لحد ما قمت لبست وجهزت نفسي وشربت القهوة بتاعتي ونزلت قاصدة الجامعة..
كان اليوم ممل جداً حقيقي من غير سارة ،، كنت حاسة إني ناقصني حاجة ،، وتلقائي لقيت رجلي وخداني علي البحر ،، عادي يعني أنا بحب البحر جدا أنا ليه مستغربة إني جاية ،، يمكن عشان عايزه أشوفه؟! ،، عايزه اريح فضولي وأعرف ماله؟! مش عارفه..قعد وطلعت الكتاب بتاعي وبدأت أقرأ..
فجأة لقيت صوت رجلين جايه نحيتي ،، رفعت راسي وبصيت علي مصدر الصوت.. ده هو!! إيه ده دا جاي عليا!! إتلفت حوليا كذه مره عشان أتأكد فعلا إنه جاي عليا ومفيش حد تاني بيبصله وهو مبتسم كده..
أبتسامته؟! كانت شبه السمفونية الصادرة من بين أوتار كمان عاشق لصاحبه..
سرحت ،، سرحت في كل تفاصيله ، بسمته ، شعره ، لون عيونه ، استايل لبسه ، حتي الكوتشي الأبيض إللي كان لابسه ،، سرحت في كل حاجه وكأني أول مره أشوف حد بالأختلاف ده ،، هو فعلا مختلف في كل حاجه أو أنا إللي شيفاه كده؟!..بردو مش عارفه!!
مفقتش من سرحاني إلا علي صوته وهو بيناديني وبيحرك ايديه ادام عيني..
-إسراء..
=هه نعم!! :: إيه ده أنت عرفت إسمي منين؟!
-مش مهم عرفت أسمك منين ،، المهم إني عايز أعرفك أكتر .. تعالي أنا أعزمك علي آيس كريم ونتكلم.. إيه رأيك..
=إيه إيه حيلك حيلك مالك داخل عليا كده ،، أولاً عايزه أعرف عرفت إسمي منين ،، ثانياً مش بتعرف أنا علي شباب ولا باكل معاهم آيس كريم..حاجه تاني..
=امممم بجد ،، طب إللي عايز يكلمك يعمل إيه بقاا..
-معرفش بقاا ،، المهم أنا لازم أمشي..سلام
مشيت خطوتين وفجأة لقيت وكأن جردل مايه متلجه نازل عليا..
=بحبك يا إسوو..😍
"إيه ده في اي انا رجلي مش راضيه تتحرك ليه ،، جسمي بقا متلج ليه كده ،، لأ أبوس إيدك أنا مش حمل مرمطه"
فضلت ثابته في مكاني ،، رجلي خزلتني ومعرفتش أتحرك خطوة واحده بس..
لقيته وقف قدامي وصدمني للمرة التانيه وهو بيقولي..
=بحبك يا تعباني ،، بحبك من أول مرة شوفتك فيهاا ،، فاكرة ساعة جيتي أنت وصاحبتك المقربة هنا علي الشط وكنتوا بتاكلوا آيس كريم وبتضحكوا..
ساعتها قلبي رقص علي أنغام ضحكتك ،، نط فجأة وقالي هي دي ،، هي دي البنت إللي بتدور عليها ،، هي دي إللي هطبطب علي قلبك وقت حزنك ،، هي دي إللي هتكمل النقص إللي فيك ،، فعلاً أنت بس إللي القلب دق ليها وبيصرخ في بعدها..
حبيتك من نظرة واحده بس وكأنك كنتي طوق النجاة وقت غرقي في بحر أفكاري ،، مكنتش بصدق الحب إللي بيقولوا عليه من *النظرة الأولي* لكن أنا حبيت حبيت وعشقت عيونك كمان..حبيت ومش عايز غير قربك،، تقبلي تكملي نقصي يا جنة عيني..
=...........
كنت حاسه إن الدنيا بتلف بيا من قوة الصدمة إللي كنت فيها ،، منكرش إني كنت طايرة من الفرحة ،، بس كنت هموت من الخوف ،، الخوف من البعد من الفراق من الشوق من كل حاجه ،، حقيقي كنت خايفه جداً ،، مكنتش عارفة أرد عليه أقوله إيه ،، كل إللي كنت محتاجه له إني عايزه امشي حالاً من قدامه..بس مش عارفة مش عارفه اتحرك وكأن قلبي بيقوله كمل أنا معاك ،، وعقلي عمال بيضرب في صفارات الإنذار ،، إللي هو لا أوعي تخاطري..
مفوقتش من الدوامة إللي كنت فيهاا ومن حرب أفكاري ،، إلا علي صوته ،، وللمرة التانيه يتهز قلبي فرحاً لمجرد سماع صوته وهو بينطق إسمي..
-إسراء بصي أنا مش عايزك تردي عليا دلوقتي ،، هسيبك تفكري علي مهلك خالص ،، لكن ارجوكي اتأكدي إني بحبك جداً والله بحبك ومش هحب غيرك مهما كان ردك عليا إيه هو ،، هسيبك دلوقتي لكن لازم أشوفك تاني ،، يومي مش بيكمل غير بشوفتي ليكي.. إلي اللقاء يا جنة عيني❤️
"مشي..!!
بعد إللي عمله في قلبي ده كله سابني ومشي..
ده علي أساس مثلاً إنك كنتي هتردي عليه ولا كنتي هتقدري أصلاً؟! فعلا كنت هقدر أرد عليه؟! كنت هقدر أرد علي حبه ليا زاي ما بيقول؟!
مش عارفه أعمل إيه ولا عارفه أتصرف إزاي ،، حاسه إن عقلي أتشل عن التفكير ،، وقلبي عمال بيدق يدق يدق وكأنه هيقف بعد شويه..
دلوقتي بس رجلي راح عنها الشلل إللي كان مسيطر عليهاا .. دلوقتي بس قدرت أتحرك و أخطو أول خطوة للبيت..
رجعت البيت والتشتت محتل كل إنش فيا ،، رفعت الفون وطلبت سارة ،، هي إللي هتريح بالي..
-إيه يا جزمه مستنياكي ترني من بدري ،، إيه فينك كده..
=.......
-إسووو ،، إسراء..
=........
إنتي يا زفته..
=هه! إيه في إيه مالك بتزعقي كده ليه
- بزعق كده ليه؟ كنتي سرحانه في إيه يا هانم ،، ومالك كده مش علي بعضك ليه في إيه احكيلي..
"حكيت..حكيت كل حاجة وكأن لساني كان مستنيها تقوله أتكلم .. حكيتلها كل إللي.... اوووبس ده أنا كمان مش عارفه اسمه ،، بس ما علينا حكيتلها كل حاجه .. حتي إحساسي اتجاهه.. إللي معرفش نبت أمته ده ،، لأ دا أنا لقيته نبت وأزهر كمان في صميم قلبي .. حكيتلها أد إيه كنت مستنيه كلامه ده ،، و أد إيه مشدودة له .. مش عايزة اخاطر وأقول حب ،، لكن فعلاً أنا فرحت جداً وطايرة كمان من كلامه ليا..قولتلها أد إيه مشتاقه لشوفته تاني..قلتلها كتييييير أوي..
-دا إنت واقعة بقا ولا حد سمي عليك يا إسوو😂
=بطلي تريقة وقوليلي أعمل إيه أنا حاسة إني تايهة ومش عارفه أتصرف..
=ههههه خلاص خلاص..هتردي عليه امته؟!
-مش عارفه .. وأرد أقول إيه أصلاً..
=تقوليلوا علي مشاعرك .. من كلامك عنه أنه باين فعلا بيحبك ومهتم بأصغر التفاصيل..أتقابلوا في كافي هادي كده وبوحوا لبعض باللي في قلوبكم..
=أولاً أنا عمري ما كلمت شباب ،، وإنت عيزاني أقابله ونقعد مع بعض كمان ،، ولنفترض ده حصل تفتكري هقدر أبوح له باللي في قلبي من ناحيته..؟!
-هاجي معاكي وهقعد علي ترابيزة تانية وانتم أتكلموا مع بعض علي راحتكم ،، لازم تفكري كويس يا حبيبتي لإنه باين عليه بيحبك فعلاً ،، وتقريباً خايف ياخد خطوة بإنه ييجي مثلاً يتقدم لحسن ترفضيه وساعتها هو هيتكسر فعلاً ،، فـ هو عايز يشوف ردك إنتي الأول ،، بلاش تضيعيه من إديكي وكده كده أنا هاجي معاك يا ست
=مش عارفه ،، ده غير أنا مش معايا موبايله ولا هو ومتفقناش علي موعد ولا مكان نتقابل فيه..
-علي البحر..
=إيه؟! هو إيه إللي علي البحر..
-هتتقابلوا علي البحر زاي أول لقي بينكم.. وأنا بردو هبقا معاكي..هو أكيد مستني رأيك علي أحر من الجمر..
=تفتكري بيحبني فعلاً ،، تفتكري إللي بعمله ده صح؟!
-أفتكر ،، وفي الأول والآخر هنعرف منه.. يلا فرفشي كده وفكي عن نفسك وإدي لنفسك وقت تفكري فيه علي مهلك..هسيبك بقا يلا سلام يا حبي..
=سلام..
قفلت معاها ،، و اتفتح باب عقلي للتفكير .. مش عارفة أعمل إيه بس كل اللي عارفاه اني عايزه اقابله عايزه أحكي .. عايزة أعرف أخرة الحب ده إيه؟!
فضلت قاعده في البيت إسبوع مخرجتش من أوضتي خالص ،، لا روحت الجامعه ،، ولا شوفت الشارع أبداً ،، حسيت إني عايزه أبقي لوحدي لوحدي تماماً ،، وسارة أحترمت كده جداً ومبقتش تكلمني إلا قليل عشان بس تطمن علياا..
وجه اليوم إللي نزلت فيه ،، نزل روحت علي البحر كان أول مكان كنت مشتاقه له جداً ،، روحت وقعد علي الشط وسرحت!! سرحت في كل اللي كان وكل اللي هيكون لسه ،، فكرت في كل حاجه مريت بيها من ساعة ما شوفته أول مرة وهو سرحان ،، فكرت كتييير"
وكالعادة قطع حبل أفكاري .. هذا الدخيل المحبب علي قلبي أشد الحب ،، متكلمش!! لقيته قعد جنبي علي الشط وبص للبحر وسكت تماماً ،، بصتله لثواني ورجعت بصيت للبحر تاني وسكت أنا كمان..
-واحشتيني..
=وبعدين؟!
-بحبك..
=وبعدين؟!
=هتكوني ليا لوحدي أنا وبس مش لحد تاني..
=ازاي؟!
بصلي بصه كلهاا حب شوق هياام وبكل ثقة رفع حاجبه وقالي..
-هتجوزك يا مجنونة وتاعبه قلبي وياك..
=علي ما أظن لسه متعرفش ولا سمعت ردي..
-مقدرش أعيش من غيرك..
=و ردي؟!
- سامعك يا جنة عيني..❤️
=أُورديحي كده ،، طب إعزمني علي أيس كريم يا جدع ،، هو إنت بخيل ولا إيه؟!..
بصلي وإبتسم إبتسامتة المعهودة وقالي
-عيزاه بنكهة إيه..
رديت وأنا باصة للبحر
=بنكهة حبك..❤️
"و جاءت أعاصير عينيك عازمة علي إحتلال كل إنشٍ بي ،، وجاء حبك كأنه بلسماً داوياً لجروح وحدتي ،، وجئت أنت تربعت علي عرش قلبي ،، أحبك أيها الدخيل.."💛🌻
#أسماء_عبدالمطلب..
- عاالم مختلف )" 💛✨
