"
- يا كابتن .. ، أنت يا كابتن
- انتي بتناديني انا يا أنسه ؟!
- أيوه أنت ، ممكن أسألك سؤال !
- بأبتسامه ، أكيد أتفضلي
- هو أنا وحشه ؟!
- ....
- أنا عارفه أنه سؤال سخيف ، بس محتاجه إجابه
- وأنتي ايه اللي بيخليكي تسألي سؤال زي ده ؟!
سكت شويه وبعدين أتنهد وبعدها أتكلمت ..
- أصلي كل لما أقرب من حد بديله كل شيء جوايا حلو ، عمر ماحد طلب مني حاجه ومعملتهاش ، إالا لو شايفها تقيله ومش قادره أعملها دلوقتي بعملها بعدين ، أنا بقيت حاسه أني ضعيفه قصاد نفسي ، وكل لما أقول انا أقوي أضعف تاني ... ، أنا كده وحشه صح !
- لا أنتي مش وحشه ، انتي بس مش شايفه الناس صح ، دايما بتتعاملي معاهم باللي جواكي وبنيتك ، ودايما نيتك كويسه ف اي حد ، علشان كده انتي شايفه انك وحشه ، وانتي مش وحشه ..
- عارف ..! ، انا لما صاحبت صحابي كلهم مشيوا ، مشيوا كده بدون أي أسباب ، بقيت أصحي وانام واعمل كل حاجه بدون أي نفس ، انا عندي أهلي الحمدلله كويسين جدا معايا وبحبهم وبيحبوني ، بس محتاجه صديقه ، تونسني وتكون جمبي ، بس ملاقتش ...
- أوقات الواحد بيتعب لحد لما يلاقي الصديق الصح
- وأوقات مش بتلاقيه صح!
- بظبط ...
- طب ليه الناس بتكسر بخاطرنا دايما رغم أننا مش بتكسر بخاطرهم أبدا
- علشان هما اتعودوا ياخدوا منك ، انما يعطوكي ف دي صعبه عليهم ..
- عارف .. ! ، الوحده حلوه ، حلوه جدا ، ع الأقل مافيش حد عارف عنك حاجه ، ولا بتنام كل يوم معيط ولا بيكون قلبك وجعك ..
- وده فعلا صح ، بس ف بعض الأوقات بتبقي محتاجه حد جمبك
- أيوه بحتاج ، بس برجع وأقول انا ليا رب ، ممكن أشتكيله أحسن من عبد يكسرني ويذلني
- أنتي بتجيبي الكلام ده من فين ؟!
- من اللي يشوفه ف العالم والدنيا ، أنا أخدت كام ضربه ع كام خبطه كده فهمت الدنيا ماشيه ازاي ، فهمت أننا جايين الدنيا دي علشان نتعلم ، وده أختبار من ربنا برضو ، وأتعلمت حاجات كتير ، بس لحد الآن ، بحاول أقول لا وانا أقوي لكن بيحصل العكس
- أنتي فعلا أقوي
- لا مظنش ، ممكن أسألك سؤال كمان ؟!
- طبعا أتفضلي
- هو أنت لما بتكون عايز تبقا لوحدك بتعمل أيه ؟!
- هو السؤال صعب ،بس هجاوب أنا بروح أوضتي وأقفل عليا الباب وبشغل القرآن ، ولو مخنوق بعمل كده واعيط كمان ، مش مكسوف اني بقولك اني بعيط ، لأن دي فطره فينا ، وكل راجل عارف كده وبيجي عليه الوقت أنه يعيط من كتر الحمل اللي عليه والوجع اللي جواه ....
- عارف شئ عن الحب ؟!
- أكيد ، بس مش كتير
- طب عارف أيه الوحش اللي فيه ؟!
- برضو مش كتير
- الوحش اللي ف الحب أنه بيبعد ولما بتبعد انت بتبقا بنسالها شئ عادي يعني وجودك زي عدمه ومع تكرار الغياب الموضوع بيبقا بارد ، بارد جدآ ، وكأنه الحب ماكنش موجود جواها ، وغير كده قلبها بيبدأ بأن الشغفه ودقاته تبقا بطيئه لحد لما ميبقاش موجود وبتحس بالامبالاه وأنها بتحس أنها بتتذل وأن كرامتها ف الأرض أنها بتتذل لواحد ميستهلهاش ، هي أه بتضعف ، بس بتقوي لأي موقف زي ده بعدين وبتصبح بارده جدا معاك
- ......
- متستغربش ، البنت كائن رقيق بيحس وعنده مشاعر ، البنت تحب الإهتمام ولو أهملتها يبقا هتاخد منها برود العالم كله ، وبعد أول مولود ليكم صدقني لو أهملتها بجد هتلاقي الحب اللي جواها راح حتي شغفها لما ترجع من شغلك هيروح ومش هيبقا نفسها ف أي شيء ، ومن بعد ما كانت ورده مفتحه ، هتلاقيها ورده دبلانه ولو سيبتها دبلانه كده هتموت ، بس بكسره وحسره
- انتي عارفه ، انتي اديتني درس مهم ومحترم انهارده .. وبشكرك
- العفو ، بس في شئ عايزه اقولك عليه ، البنت عكس الراجل ف حاجه واحده ، أنه بيدخل قلبها وهي بتحاول بكل الطرق أنها تلفت نظره وهو بيكون عارف ده بس يقولها كلمه حلوه وهو داخل يتسلي بيها ، وده حقيقي بيحصل كتير اوي ، علشان البنت دي ساعات بتتهز من جواها وقلبها يحن ف تحبه وبعدها يسيبها ويرميها وتبقا كل وعوده ف النهايه كدب ، ف لما تحب أوعد واوفي بوعودك أوعي تخذلها لأنها امانه ف رقبتك ..
- أول مره حد يقولي كلام زي ده ويحمسني الحماس ده ، مع أنك صغيره جدآ و..... ، انتي عندك كام سنه ؟!
- عندي 21 سنه
- وانا 28 سنه
- عايزه اعرف حاجه واحده بس
- ايه هي ؟!
- انت بتعمل ايه لما بتكون متعصب وبتندم انك عملته بعدين !
- مش عارف ساعات بزعق ، وساعات أضرب أيدي ف الحيط ، وساعات بستغفر ربنا ، بس الاكتر اللي بزعق وازعل ناس من كلامي وبعدين اهدا وارجع أندم ع اللي قولتله .. ، وانتي ؟!
- زيك بظبط
- ضحك ، فينا من بعض ، بس في حاجه غريبه شويه
- ايه هي ؟!
- أن واحده مختمره زيك توقف حد وتسالوا السؤال ده ، غريبه
- انا كنت بسأل نفسي وبدور ع اي إجابه مش لاقيه حاولت أسأل اي حد وجيت انت قدامي ف سألتك
- أمممم ، طب هو ايه اللي يخلي أي حد يمشي يكلم نفسه كده ؟! ، وليه بيشوف نفسه وحش ؟!
- علشان محدش جمبه وكل لما بيحاول يبوح ياللي جواه لأهله بيبقا مش قادر ، بيحاول ويحاول برضو مافيش فايده وحتي لو قال اللي جواه لأهله مش هيفهموا هو عايز ايه ، بيبقا محتاج ف الوقت ده لحد ميعرفوش يحكيله ويسألوا هو انا وحش !
- بس انتي مش وحشه ، انتي نضيفه من جواكي
- طب ليه هما مش معايا وليه بيمشوا ليه ؟!
- علشان هما محتاجين الناس القاسيه اللي هي مسيطره ، واللي هي صاحبه القرار و اللي بتخرج وبتروح هنا وهنا ، وانتي باين عليكي مش بتخرجي غير نادرآ
- طب عارف هما بيوحشوني اوي ، بمشي من جمب بيت واحده منهم ، بحس اني عايزه أعيط
- ليه بس أهدي ، احنا ف وسط الشارع
- ضحكت ، لا انا بس بحكيلك
- طب ما انا عارف بس حابب اضحكك
- .......
- أنتي أسمك ايه بقا ؟!
- أسمي زهراء
- وانا أسمي أدم ، أسمك حلو
- شكرا ، انا هروح بقا علشان اتأخرت
- أكيد أتفضلي
مشيت وانا حاسه أني مرتاحه وإني طلعت كل اللي جوايا ، هو غلط وانا معترفه بكده ، بس انا ارتحت ، روحت البيت وتاني يوم وانا قاعده ف أمان الله كده ، لقينا ضيوف جايه البيت ، ماما عرفتني بعدها أنه عريس ، وانا مش عايزه كده ، بس هعمل ايه لبست وخرجت وأهله واهلي خرجوا ، واحنا بس اللي قاعدين ....
- أذيك
- الحمدلله
- أسف أني منتظرتش ليوم الجمعه ، بس كنت خايف حد تاني يجي ياخدك
- .....
اتكسفت جدا من كلامه وكان نفسي أخرج بره
- عندي سؤال كمان ، أنتي ليه ضحكتك حلوه كده ؟!
رفعت رأسي وبصتله ..
- أدم ؟!
- كويس انك فاكره أسمي
- عرفت ازاي أني ساكنه هنا ؟!
- عادي مشيت وراكي وسألت عنك واخدت ميعاد من والدك وجيت
- .....
- أنتي وقفتيني وأنا كان نفسي حد يتكلم معايا لحد لما لاقيت كل الإجابات عندك أنتي ، حسيت وقتها انك رساله من ربنا ليا ، وماكنش لازم أضيعك من أيدي ، ف جيت ، هاااا أنتي موافقه ؟!
- بس أ....
- مابسش ولا حاجه ، هااا موافقه
- أفكر طيب
- أنتي لسه هتفكري ، يا عمي تعال أحنا موافقين
" كُنت أدعُو بك دومآ ، حتي إستجابة ليِ وكأنك جبرآ لخاطريِ 💙 "
" سنلتقي يومآ ما ولو بعد حين 💙🌹 "
#زهراء_ممدوح 💙🌺
'
- عاالم مختلف )" 💛✨
