#covid_19 💛
_ بقلك ايه
= انا ؟!!
_ انا بحبك
= أفندم ؟
_لا مش وقت ازبهلال خالص على فكرة
= ثواني السيستم هنج
_ لا دا احنا ناخد السيستم معانا عند المأذون بقا
= مأذون !!
_ بص يا بني والله انا كان بودي اتقل عليك وتيجي عندنا البيت و تطلب صاحبة الصون و العفاف احلى واحدة في البنات لكن نو تايم خالص
= انا مش فاهم حاجة
_ مهو انا مش هسيبك تستعبط وتدلع و تصيع مع دي ودي و انا أراقبك من بعيد علك تنظر فتلمح بريق عيناي المضيئ بهواك يعني
= ا... اام
_ لا مفيش تهته يلا نتهته سوا عند المأذون يلا
= طيب هو انا اعرفك !
_ هنتعرف هناك يلااا
= ثواني بس اما يسالوني اسم عروستك ايه و اقف زي البقف كدا هيبقا شكلي ايه
_ شكلك زي القمر يا عم يلا
= يا ستي وربنا و انتِ كمان
_ اسمع يا بني احنا دلوقتي في حالة تفشي فيرس كورونا
= كورونا اه
_ بتاع صغير كدا بس محير العالم كله
= ودا جه منين
_ من عند امك
= افندم
_ بيقولوا واحد شرب شوربه كوارع خفاش
= كوارع خفاش !
_ ايوه مهو ابن كلب خرابة
= انتي بتفتي على فكرة
_ لا دي دراسة عالمية محلية فظيعة
= دراسة عالمية محلية فظيعة ؟!!!!
_ امممم
= يا حجة الناس لسه مكتشفتش ايه سببه و انتِ تقوليلي شوربة كوارع خفاش
_ دا على اساس الخفاش عنده كوارع
= دا على اساس ان الخفاش بيتعمل شوربة أساسا
_ دا في دراسة كمان بتقول انه بيجي للسناجل
= يسلااام
_ ايوووه، و الي لسه مرتبطوش كمان
= يا شيخة ! بيجي للسناجل و الي مرتبطوش الاتنين ! دا مفتري اوي البتاع دا
_ يا عم احنا هنقف نتكلم في تفشي كورونا ما تخلص في سنة امك السودا دي
= ألو أيوا يا ماما، لا ابدا بكلمك عشان اقلك اني هجوز ، هجوز اه ، لا واحدة شافتني في الشارع وطلعنا بنحب ببعض و هنتجوز ، لا يا ستي يرضيكي الكورونا تيجي لابنك السنجل او الي لسه مرتبطتش ، لا يا امي مش نفس المعنى دول لا ، امم ، طيب زودي المحشي بقا ، طيب سلام
_ امك عاملة محشي!
= ممكن نروح و نأجل ال...
_ لااااا يا حبيبي مفيش الكلام دا احنا نروح نجوز الاول و بعدين ناكل المحشي
= طيب متخليها لبكرا
_ يا عم انت ضامن عمرك ، ما يمكن تتاخد روحك و انت واقف قدامي كدا
= ياااه ميرسي جدا مش عارف اقلك ايه يا ترعة التفاؤل انتِ
_ هاااا
= جاي اهو جاااي
نانسي أشرف
- عاالم مختلف ) " 💛✨
