#اسكريبت
_انتي ياست هانم انا مش قولت مية مره ممنوع تتكلمي مع الزفت اللي اسمه ابن عمك ده هو احنا هنعيد الحوار كل يوم ولا ايه😠
_😳ايه بس ياكريم فيه ايه انا كلمته امتي بس
_انتي مش كنتي عند اهلك امبارح وهو كان هناك انا مش قايل طول البني ادم ده هناك متروحيش 😡😡
_وانا كنت هعرف منين انه هناك قبل ما اروح ياكريم وبعدين انا مستأذنه منك قبل ما امشي 😥
_وبتتكلمي معاه ليه اصل انتي مبتسمعيش الكلام ما انا في نظرك مش راجل لو راجل كنتي سمعتي كلامي😡
_هو انت عرفت منين اصلا انه كان هناك 😟
_عرفت وخلاص ده مش شغلك ومتسبيش الموضوع الاساسي وتمسكي في تفاصيل 😡
_لا دي مش تفاصيل ياكريم ومن حقي اعرف ايه اللي حصل ومين قالك عليا ايه😡😡
_انتي كمان بتعلي صوتك عليا ياسمر اصل انا لو عرفت احكم عليكي من الاول مكنتيش عليتي صوتك عليا ياست هانم
ع العموم انا سايبلك البيت وماشي علي الله تكوني كده مرتاحه
_لا مفيش مشيان تعالي هنا قولي مين قالك عليا ايه
_ماشاء الله وعايزه تمشي كلامك عليا كمان
_كريم حرام عليك كفايه كده انا معملتش حاجه غلط والله😩
_لا عملتي بتتكلمي معاه ليه هو انا مش منبه عليكي ان ده ميحصلش ولما يقابلني بالصدفه ويقولي سلملي علي سمر اصل امبارح ملحقتش اطول معاهم وجالي تيلفون فمشيت ده يبقي معناه ايه ياسمر غير انك قعدتي وخدتي راحتك واتكلمتي لولا التيلفون اللي جاله كان زمان السهره طولت كمان
_😕😡يعني هو الموضوع كده وانت بقي اي حد يقولك عني اي حاجه تصدقها من غير ما تيجي تسألني هتفضل طول عمرك بتغير غيره عاميه انا تعبت من غيرتك اللي مش في محلها دي اصلا وفوق ده كله مش مديني فرصه ادافع عن نفسي
_انتي لسه هتدافعي تقولي ايه بعد ما كسرتي كلامي وكلمتيه
_مكلمتوش ياكريم مكلمتهوش انا دخلت لقيتهم كلهم قاعدين اتفاجأت بوجوده قلت سلام عليكم وبس ما هو ميصحش ادخل من غير حتي ما اقول السلام ولما جيت ادخل جوا لقيته بيقولي ازيك ياسمر رديت قولت الحمد لله ودخلت ومحصلش اكتر من كده بعدها بأقل من خمس دقايق عرفت انه مشي فطلعت تاني برا عند ماما وبابا ومسالتش حتي هو مشي ليه ده كل اللي حصل مني
_وبتردي عليه ليه اصلا
_يعني اعتقد ميصحش حد قريبي يكلمني ومردش عليه ده مش زوق يعني وانا رديت بكلمه مش بجمله واختفيت فورا خلاص ياكريم انا مبقتش متحمله غيرتك دي كل يوم مشكله لنفس السبب ما هو انا لو غلطت ولا كلمت واحد فعلا هيبقي معاك حق تغير لكن الغيره اللي بدون مبرر دي تعبتني خلاص انا اللي همشي واسيبهالك خالص😭
