'' غرام وإنتقام ..💛! ''
أين إختفيت ؟ ..
لطالما كُنتَ ذراعي ، غيابكَ كَسر ذراعي ياصديقي
بل قُطع ذراعي والله
- عبدالرحمن ، صاحبك اللي من مصر وِصل
= حازم ؟ دا وحشني أوي
'' طلعت من أوضتي ونزلت أستقبله تحت .. ''
- ألف مبروك ياعبدالرحمن ، ألف مبروك
= الله يبارك فيك ياحازم ، عقبالك يارب
- إن شاء الله ، إيه يابني بلدكوا البعيدة دي ، عشر ساعات في القطر ؟
= بضحك : معلش بقا ، هي المسافة من القاهرة لسوهاج كبيرة ، المهم بقا طمني عامل إيه وبتشتغل فين دلوقتي ؟ من ساعة ماتخرجنا من الجامعة ماتقابلناش
- هاقولك ياسيدي ، شوف بقا ..
'' وحكالي حياته ماشية إزاي وإشتغل فين ، حازم دا صديق الجامعة ..كان نعم الأخ والصديق ، بس ظروف الحياة فرقتنا ، كنت دايما بتنقل مابين سوهاج والقاهرة كتير عشان شغلي وعشان أهلي ..لحد بقا ماموضوع جوازي اللي ماكنتش عامل حسابه دا جه فجأة ..''
- ياااه ياعبدالرحمن ، هو الموضوع دا لسة موجود ؟ إن عيلتين يكون بينهم تار وفي الأخر يخلوا واحد من العيلة يتجوز واحدة من العيلة التانية عشان يفضوا الخناقات بينهم ؟!
= حظي !
- يعني إنت أصلا ماشوفتش العروسة ؟
= شوفت صورتها
- ولا تعرف إسمها ؟
= لأ أعرف ، إسمها رحمة !
- يعني إنت مغصوب علي الجوازة دي ياعبدالرحمن ؟ ، يانهار أبيض
= بضيق : خلاص بقا أنا مش ناقص ، خلينا نغير الموضوع
- بتنهيدة : ماشي ياسيدي
'' وغيرنا الموضوع وقعدنا نتكلم في حاجات كتيرة أوي ، لحد ماقال ..''
- صحيح دا أنا نسيت أسالك ، أمال فين يونس ؟ واحشني أوي إبن الإيه دي ؟
'' وكإنه قاصد يضايفني إنهاردة .. ''
= وإيه اللي فكرك بيونس دلوقتي ؟
- وأنا عمري نسيته ؟ أنا عمري مانسيت حد فيكوا ..وبعدين إيه السؤال الغريب دا ؟ فين يونس يابني ؟
= بتنهيدة : معرفش ! ، ماحدش يعرف
- بإستغراب : يعني إيه ماحدش يعرف عنه حاجة ؟! ، يابني دا إنتوا كنتوا زي التوأم ماحدش فيكوا كان بيفارق التاني أبدا
= اللي حصل بقا
- إيه اللي حصل ؟
= بقا من المطاردين ، قُطاع الطرق
- بصدمة : إيه ؟ يونس ؟ ليه وإزاي ؟
= يِئس من ظروف الحياة وإنه مش لاقي شغل ومصاريفه ومصاريف أهله وإتلم علي المطاريد دول وماعرفش إزاي وإمتي ، وياما نصحته يبعد بس في الآخر إتخانقنا ومد إيده عليا ! ، وإتقفش بيسرق بيت هو والجماعة صحابه وقدروا يهربوا منهم ، ومن وقتها ماعرفتش حاجة عنده غير إنه بقا منهم ومعاهم ..والأقاويل زادت إنه بقا من قطاع الطرق وناس تقول إنه عايش في الجبل معاهم ، وماحدش يعرف الحقيقة فين
- بحزن : لا حول ولا قوة إلا بالله ، معقول يونس عمل كل دا ؟
= عمل ! ، ربنا يهديه ويرجعله عقله ..بقولك إيه بقا كفاية كلام وتعالي إطلع فوق إستريح شوية إنت تعبان من السفر ، يلا
