= ركز معايا عشان هقول كلام مُهم
-معاكي ها!
= دلوقت احنا فرحنا كمان أسبوع صح!؟
- حصل
= هنعمل إيه بقي!
- هنعمل إيه فيه إيه!؟ مانا حاجز كُل حاجة
= بتتكلم ع القاعة و الفقرات و الكلام دا!
- اه حاجز و مظبط كُل حاجة
= و الأغاني!؟
- أغاني إيه؟؟
= أغاني فرحنا يا إبراهيم أصحااا
- ما بتاع الدي چي يشغل اللي يشغلوا
= لا دا هناك دا مش فـ فرحي أنا
- هتمسكي مكان بتاع الدي چي؟؟
= دي أخلاقي!؟
- قادرة و تعمليها عادي
= فيه أغنيتين لازم نشغلهم، دول أهم من الفرح، أهم مني أنا شخصيًا
- أهم مني!؟
= مانتجوزش أساسًا، بس شغلي الأغنيتين دول
- للدرجادي! اغنيتين إيه دول!!
= بُص احنا هنبدء بـ حبيتك بـ التلاتة، أنا هغنيهالك، هتلاقي الحتة بتاعت بطير فرحانة جدًا، وقتها هتلاقيني بطير بجد، ماتتخضش عادي
=هتلاقي مزيكا فـ النص كدا كأنها طبلة، هقلبهالك رقص بلدي هنا، ماتتخضش بردو دا من ضمن الخطة
= حاول بقي إيه، تندمج معايا فـ الموضوع، بلاش تقف هادي و ساكت و تصقف، مانا مش بعملك استعراض فـ مدرسة!؟
- أعمل إيه يعني! ؟
= بُص هو لحد دلوقت، و حسب مُتابعتي مافيش عريس قدر يندمج فـ الأغنية دي، هتجتهد و هتجود من عندك و هتحاول تشاركني الاستعراض، هفرح بيك
- استعراض!
= آمال أنا بغنيها ليه و بتنطط و بلف و بيتقطم وسطي ليه!؟
- عشان فرحانة!؟
= غشيم
= يا هيما مش بيقولك مافيش باب من غير ترباس! بالظبط مافيش فرح من غير حبيتك بـ التلاتة!
- أنا أبتديت أتوغوش!!
= فرح و هيعدي جمد قلبك كدا عاش
- اديني الأغنية التانية!؟
= لأ دي مراحل!
- هو چيم يابنتي!
= سبني أمشي فرحي زي ما بحلم بقالي سنين
- يعني أنا بشقي بقالي سنين و أنتي!؟
= قاعدة فـ بيتنا مستنياك و بحلم اه عادي اه
- يرضي مين دا بـ الذمة!؟
= ممكن ماتخرجنيش من سياق المدعكه! قصدي الفرح!؟
- أتفضلي؟؟
= المرحلة الأولي و دي عليك هنبدأها بـسُكر محلي محطوط ع كريمة و هننهيها بـ عود البطل ملفوف و دي المرحلة التانية
- و دي عليكي!؟
= لأ دي تخصصك أنت بردو
- لأ ظلم كدا، أخد أغنيتين ليه أنا!؟
= مش أتشقلبتلك أنا فوق! نساعد بعض بقي
- هتشقلب!؟ أنا بدأت أتعب من دلوقتي!
= تتعب و الفرح يبوظ!!!
- لأ إزاي!؟ كملي
= فـ الحته بتاعت عود البطل ملفوف تشاور عليا كدا و تبُصلي بـ نظرة كُلها ولا لأ هسبلك أنا موضوع النظرات دا
= نيجي لما بيقول الجو لو ساقع حُضنك يدفيني
- أعمل إيه!؟
= سهلة يا هيما شارحه نفسها دي!!
- حاضر حاضر
= نيجي بـقي للحته بتاعت
- مش كفاية!؟
= كفاية إيه!؟ دانا قولت أغنيتين
- نقعد نرتاح شوية بقي!
= و الرقص بالعصايا! مين هيكمله معايا!؟
- عصايا!
= و الرقص الهندي!
- دا فـ فرحي؟؟
= دا فيه نوبي بس أنا سيبهولك مُفاجأة!؟
- دا فرحي دا! كُل دا هيحصلي فـ يوم واحد!؟
= بدأنا نخاف و نرجع فـ كلامنا!
- ااااآاا
= أنت هتقطع من دلوقت!! لأ بقولك بحلم بقالي سنين!!
- و الله أنا مش ضد أحلامك، بس المُنافسة الكلبوبية بينك و بين صحباتك عشان فرحك يبقي أجمد واحد فيهم، أنا مش قدها!
= إيه مانعك يعني!!
- دلوقتي مش الشقلبة و الرقص دا كُله محتاج صحة و طاقة!!
= مظبوط
- أنا بقي راجل صحتي ع قدي، ضهري أنحني من كُتر الشُغل
= اممم بدأنا الصعبنيات
- ليه! ليه نتشقلب و نتنطط و نبقي قبلها بشهرين مسحولين، ما ممكن نقعد نتفرج ع ناس و خلاص
= ااااه، بقي أنت عايزني فـ فرحي، أقعد ماقومش من مكاني!
- لا هنقوم، رقصة سلو خفيفة، أغنية هادية رقيقة، مش شقلبة و طيران!؟
= لا يا قلباااي دا يحصل فـ فرح أي واحده تانية! لكن فرحي أنا! لا يُمكن أبدًا
- كدا وصلنا لـ طريق مسدود!
= يعني إيه!
- طموحاتك أكبر من صحتي، عن أذنك
= رايح فين بس، استني
- و الله ماهينفع خلاص
= خد اقولك نتفاهم طب!
= طب قولي أنتي يابت بجد صاروخ حُبك شعلل فـ النفوخ و أنا هسكت!!
= يا هيما!! خد أقولك يا ولا!!
طقوس_لا_يُمكن_تجاوزها
TiRo
- عاالم مختلف ) " 💛✨
